Ийэ баар буолан олох салҕанар

2022 сылга Өрөспүүбүлүкэҕэ Ийэ сыла биллэриллибитинэн сибээстээн, өрөспүүбүлүкэтээҕи доруобуйаларынан хааччахтаах дьон уопсастыбатын бэрэсэдээтэлэ Ирина Лебедева тэрийиитинэн,  Өрөспүүбүлүкэ доруобуйаларынан хааччахтаах ийэлэригэр  анаан  «Ийэ мичээрэ»  күрэх  алтынньы 27 күнүгэр  Эрэл култуурнай кииҥҥэ буолла. Манна Дьокуускайтан Сайсары уокуругуттан Саргылана Романова, Киин уокуруктан Алена Дмитриева, Строительнай уокуруктан Александра Слепцова, Мэҥэ Хаҥаластан Саргылана Андросова, Ньурбаттан Саргылана Петрова, Хаҥаластан Татьяна Иванова, Горнайтан Анна Минеева, Сунтаартан Наталья Максимова, Бүлүүттэн Наталья Прокопьева уонна Намтан Александра Мордовская күөн көрүстүлэр.

Күрэх үс түһүмэхтэн турда:

1. Бэйэни билиһиннэрии

2.  Талба талаан

3. Суһуох өрүү

Чаҕылхай күрэҕи дьүүллээтилэр «Мой бизнес» тэрилтэттэн бастакы көмө сүбэтин отделын начальнига   Ульяна Сокорутова, «Көмүлүөк» хампаанньа менеджера Алгыстаан Друзьянов уонна доруобуйаларынан хааччахтаах дьон уопсастыбатын бэрэссэдээтэлин солбуйааччыта Маргарита Лазарева.

Дьокуускай куорат «Мой бизнес» тэрилтэ салайааччыта Зоя Седалищева, «Чороон 21 уйэ» салайааччыта Софья Попова, «Сахатайм» издательскай дьиэ салайааччыта Анжелика Кондратьева кыттааччыларга анал бириистэрин туттардылар.

Күрэх түмүгүнэн кыайыылаах ийэ – Строительнай уокуруктан Александра Слепцова.

Бары ийэлэр сыаналаах бирииһинэн наҕараадаланнылар.

Кырдьык да ыал ийэтинэн буоллаҕа, ийэ күүстээх санаата, ийэлээх буоламмыт  күн сирин көрөбүт, бу орто дойдуну, нэлэмэн күөх халлааны…