Итирик туруктаах дьон буруйуу оҥоруута элбээтэ
![Итирик туруктаах дьон буруйуу оҥоруута элбээтэ](https://kiinkuorat.ru/wp-content/uploads/2021/07/Cmcgjocw59.jpg)
Дьокуускай куорат прокуратурата иһитиннэрбитинэн, 2021 сыл бастакы аҥаарын түмүгүнэн, Дьокуускай уонна Жатай уокуруктарыгар итирик туруктаах дьон буруйу оҥоруулара 15,3% үрдээбит, ол эбэтэр 654-тэн 754-кэ тиийбит.
Итирик туруктаах дьон буруйуу оҥоруута үксүгэр биир халыыбынан буолар эбит. Аймахтары эбэтэр билэр дьону кытта бииргэ арыгылааһын түмүгэр кыыһырсыы, ол кэнниттэн бэйэ-бэйэни эчэтии. Итини таһынан, арыгы испит дьон уулуссаҕа сылдьан бэйэлэрэ сиэртибэ буолуохтарын сөп. Кыайан аахсар кыаҕа суох буолбут киһини куһаҕан санаалаах дьон халыыр да түбэлтэлэрэ аҕыйаҕа суох.
РФ ХК 23 ыстатыйатыгар олоҕуран, итирик туруктаах эбэтэр наркотическай, токсическай сириэстибэлэри туттан баран буруйу оҥорбут дьон холуобунай эппиэтинэскэ тардыллар. Төһө улахан итиригэ, тугу да өйдөөбөтө оруолу оонньообот.
Суут уурааҕа тахсарыгар буруйу итирик туруктаах киһи оҥорбут буоллаҕына, буруйдааһын миэрэтэ өссө ордук ыараан биэрэр.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)