13.07.2020 | 13:36

Искэҥи эрдэ билбит быраастарга бириэмийэ ананар буолуоҕа

Искэҥи эрдэ билбит быраастарга бириэмийэ ананар буолуоҕа
Ааптар: Киин Куорат

Диспансеризация, былааннаммыт көрдөрүнүү кэмигэр искэҥ ыарыыны булуу иһин Саха сирин бастакы сүһүөх эмчиттэригэр бириэмийэ аныыр буолуохтара.Доруобуйа харыстабылын бастакы сүһүөҕэр онкология ыарыыларыттан уопсай сэрэтии оҥоһуллара улахан суолталаах. 2020 сылтан кутталлаах искэҥ ыарыытын быһаарыы иһин бастакы сүһүөх үлэһиттэри бириэмийэлээһин саҕаламмыта. Профилактическай көрдөрүнүү, диспансеризация кэмигэр хас биирдии искэни быһаарыы иһин эмп тэрилтэтэ 2,8 тыһыынча солкуобайы ылыаҕа, онтон 500 солкуобайы эмчиккэ төлүөҕэ.Доруобуйа харыстабылын министиэристибэтин билиҥҥи көрдөрүүтүнэн, өрөспүүбүлүкэҕэ онкологическай ыарыы 68 түбэлтэтэ баара биллэр. Онкологическай ыарыыны утары охсуһар сыалтан, таһыттан эмтэнэр кииннэр арыллаллар (ЦАОП). 2024 сылга диэри Саха сиригэр 18 маннык киин арыллара былааннанар, олортон 12 киин номнуо үлэлиир. Кииҥҥэ онкология диспансерыгар көмө, быһаарыы, ыйыы-кэрдии өҥөтө оҥоһулларын таһынан, химиянан, поллиативнай эмтээһини уонна үтүөрүү кэннэ чөлгө түһэрии көмөтүн аныан сөп.Саха сиригэр нэһилиэнньэ өлүүтүн биричиинэтинэн, сүрэх-тымыр ыарыытын кэнниттэн, иккис миэстэҕэ онкология ыарыыта турар. Сыллата өрөспүүбүлүкэ олохтоохторугар икки тыһыынчаттан ордук кутталлаах искэҥ ыарыыта булуллар. 2020 сыл тохсунньу 1 күнүнээҕи туругунан, 13 тыһыынча кэриҥэ олохтооҕо онкология ыарыынан учуокка турар.Арассыыйаҕа доруобуйа харыстабылын бастакы сүһүөҕүн сайыннарыы — бэрэсэдьиэн Владимир Путин толорорго бигэргэппит национальнай бырайыагын сүрүн соруга буолар. Кини састаабыгар уопсайа аҕыс федеральнай бырайыак баар. Сүрүн сыала — маҥнайгы эмтээһин өҥөтө тиийимтиэ буолуутун тупсарыы, сүрэх-тымыр, кутталлаах искэҥ ыарыытыттан өлүүнү аҕыйатыы, харыстыыр технологияны киллэрии, оҕо балыыһатын инфраструктуратын сайыннарыы.

Сонуннар

Ордук ааҕаллар

Ыһыах оптуобустарын сырыылара
Сонуннар | 22.06.2022 | 19:00
Ыһыах оптуобустарын сырыылара
Автовокзалтан хоҥнор оптуобустар: Автовокзал — Цииркэ — Сельхозтехникум — Акварель —Кулаковскай аат. култуура дьиэтэ — Банковскай — Архыып — ЯКСМК — Якутская — Столичнай ырыынак — Кольцевой — Гараастар — Севастопольскай — Новопортовской — Гагарин скверэ — «Белое озеро» ырыынак — Полиция 3-с отдела — Пост ГАИ — Таһаҕас тиэйэр...
Ойуур кыыллара киһиэхэ тахсаллара элбээтэ
Сонуннар | 14.06.2022 | 11:44
Ойуур кыыллара киһиэхэ тахсаллара элбээтэ
Саһыллар, эһэлэр ас көрдөөн айан суолларыгар икки атахтаахха бэйэлэринэн тахсаллара үксээбитин айылҕа харыстабылын үлэһиттэрэ иһитиннэрэллэр. Киһи айылҕа кыылын уун утары көрсөр түгэнигэр тугу гыныахтааҕый?   СӨ Быыһыыр сулууспата иһитиннэрбитинэн, дьиикэй кыылы көрсүүгэ хас да быраабыланы тутуһуохтаахпыт. Ол курдук, бастатан туран балаһыанньаны, тирээн кэлбит түгэни сөпкө сыаналыахха наада. Ойуур кыыллара киһи элбэхтэ...
БКЭ-ни 100 баалга туттарбыт оҕо ахсаана эбилиннэ
Сонуннар | 15.06.2022 | 19:43
БКЭ-ни 100 баалга туттарбыт оҕо ахсаана эбилиннэ
Биир кэлим эксээмэни нуучча тылыгар 100 баалга суруйбут оҕолор ааттара билиннэ: - Красиков Виталий, Элдьикээн орто оскуолата, Уус Майа; - Василения Иван, 26 №-дээх оскуола, Мииринэй; - Жукова Екатерина, Политехническай лицей, Мииринэй; - Сулайманов Биймырза, 12 №-дээх оскуола, Мииринэй; - Новогодина Анжелика, 5 №-дээх оскуола, Дьокуускай; - Иванова Даяна, Өрөспүүбүлүкэтээҕи...