26.04.2024 | 16:00

Ис-иһигэр киирдэххэ, кыһалҕа суох буолбатах

Ис-иһигэр киирдэххэ, кыһалҕа суох буолбатах
Ааптар: Розалия ТОМСКАЯ
Бөлөххө киир

Дьокуускай куорат Губинскай уокуругун сирэ-уота куорат киинигэр киирсэр. Мантан аҕыйах хардыынан куорат килбэйэр киинигэр баар буола түһэҕин. Саҥа дьиэлэрдээх 203-с дьоҕус оройуон, кэрэ айылҕалаах Күөх Хонуу туоната, киэн туттар олимпиецпыт Роман Дмитриев аатын сүгэр кытыл, Кыайыы болуоссата, сайын сөтүөлүүр пляж, кыһын сыыртан сырылыыр паарка о.д.а. бэлиэ сирдэр киирэллэр.

Быһата, куорат биир табыллыбыт инфраструктуралаах, ыраас салгыннаах, сэнэх оройуона. Дьокуускай куорат биир бөдөҥ уокуругун олоҕун-дьаһаҕын, тугунан тыынан олорорун управа салайааччытын эбээһинэһин толорооччу, эрэһиинэ саппыкы кэтэн баран үлэһиттэрин кытта сайаапканан чалбах уутун оборторууга сүүрэ сылдьар эдэр эрчимнээх салайааччы Владимир Бурцев кэпсээтэ:

– Биһиги уокурукпутугар уопсайа 44 тыһыынчаттан тахса киһи олорор. Уокурукпут 7 кыбаарталлаах: 125-ис, 53-үс, 14-ус, 141-ис, 142-ис кыбаарталлар, 202-ис уонна 203-үс дьоҕус оройуоннар киирсэллэр.

Элбэх кыбартыыралаах дьиэбит ахсаана 169 буолла. Ол иһигэр 8117 кв.м. иэннээх 9 мас дьиэ киирэр, 1109561,35 кв.м. иэннээх 160 таас дьиэлээхпит.

4 орто оскуола, 8 оҕо уһуйаана, 3 үрдүк үөрэх кыһата, Синергия колледж биһиги уокурукпутугар үлэлииллэр. Сүрүн социальнай суолталаах тэрилтэлэрбит – Социальнай страховкалааһын пуондата, СӨ Федеральнай Нолуогабай сулууспатын управлениета, Социальнай харыстабыл управлениета, Федеральнай почта сибээһин управлениета, “Динамо” спорт комплекса, Уопсастыбаннай доруобуйа уонна мэдиссиинэ профилактикатын киинэ, СӨ ДОСААФ бааллар.

 

Уһук Илиҥҥэ урут суох самбо уонна дзюдо саалата тутуллан эрэр

Саҥа тутуулартан олохтоохторбут саамай кэтэһэллэрэ – Самбо саалата. Сотору, “Азия оҕолоро” спортивнай оонньуулары көрсө, үлэҕэ киириэхтээх. Бу Уһук Илиҥҥэ урут суох “Самбо уонна дзюдо анал оскуолата” диэн бырайыагынан тутуллар дьиэ. Эбийиэк өрөспүүбүлүкэбит бырабыыталыстыбатын, СӨ Спорка министиэристибэтин өйөбүлүнэн уонна “Биир ньыгыл Арассыыйа” политическай баартыйа бырайыагын быһыытынан тутуллан эрэр. Спорт бу көрүҥнэринэн урут Дьокуускай араас саалаларыгар, онон-манан тарҕанан дьарыктанар буоллахтарына, инникитин Губинскай уокурукка биир саалаҕа түмсэр буолуохтаахтар. Маны тэҥэ, өрөспүүбүлүкэ үрдүнэн спорт бу көрүҥнэрин сайыннарыыга улахан төһүү буолуохтаах. Тутуу тэтимэ түргэн, хаачыстыбата үчүгэй диэн хас да бэрэбиэркэлиир эриэйдэлэр көрдөрдүлэр. Оттон биһиэхэ бу тутуу уокурукпутугар сайдыыны аҕалар өссө биир суол буолуоҕа – чугастыы олорор оҕолорбут дьарыктаныахтара, спорка сыстыахтара.

Уокурукпутугар билигин 4 тутулла турар эбийиэк баар – ити үөһээ этиллибит “Самбо уонна дзюдо анал оскуолата”, икки эбийиэк Крытай ырыынак кэннинэн уонна “ЖСК” ХЭТ тутар дьиэтэ. Тутааччылар хайаан да таһынааҕы сирдэригэр тупсарыы, көҕөрдүү үлэтин ыыталларын ирдиибит уонна хонтуруоллуубут. Барыта эрдэттэн дуогабарга ыйыллар – ону толороллорун биһиги кэмигэр ирдээн иһиэхтээхпит. Манна бэлиэтээн этиэм этэ, тутааччылар эппиэтинэһи сүгэллэрин, куораты тупсарыыга эмиэ кылааттарын киллэриэхтээхтэрин толору өйдүүллэр, дуогабарга ыйыллыбыты кэспэттэр.

 

Эргэ мас дьиэлэр оннуларыгар саҥа диэлэр дьэндэһиэхтэрэ

– Ааспыт 2023 сыл устата 2 элбэх кыбартыыралаах хаарбах дьиэ көтүрүлүннэ (Дзержинскэй уул., 24/8, Севернай уул., 2). 2024 сыл аҥаарын устата эмиэ 2 элбэх кыбартыыралаах хаарбах дьиэ көтүрүллэн, дьоно көһөрүлүннүлэр (Губин уул., 15, 17 дьиэлэрэ). Быйыл өссө 3 дьиэ олохтоохторо көһүөхтээхтэр (Дзержинскэй уул., 8/1, Богатырев уул., 7, Бестужев-Марлинскай уул., 2). Бу дьиэлэр оннуларыгар саҥа дьиэлэр дьэндэйиэхтэрэ, ону кытта уокурук олохтооҕун ахсаана биллэ эбиллиэҕэ.

Тупсарыы үлэтэ билигин Роман Дмитриев аатынан кытылга уонна “Намыв” уу суудуналара тохтуур ыстаансыйаларыгар бара турар.

“Уһук Илиҥҥэ 1000 тиэргэн” федеральнай бырагыраама үбүлээһининэн 2023 сылга 2 тиэргэҥҥэ улахан өрөмүөн үлэтэ ыытыллыбыта (Губин уул., 5/2 (кэннинэн) уонна Севернай уул., 6). Быйылгы сылга бу бырагырааманан өссө икки тиэргэн тупсарыллыахтаах (Севернай уул., 6, Губин уул., 5/2 (дьиэлэр иннилэрэ).

Суол өрөмүөнэ Роман Дмитриев аатынан кытылга уонна Бестужев-Марлинскай уулуссатыгар барар.

 

Куорат ханаалыгар үлэ бардаҕына, күөлбүт ырааһырыаҕа

“Солдатскай” күөл тулатын уонна таһынааҕы сирин-уотун биһиги көрөбүт-истэбит. Хомус ото охсуллар, бөх-сыыс кэмигэр ыраастанар. Ол эрэн сыллата уута сытыйарын олохтоохтор бэлиэтии көрөллөр, биһиэхэ да элбэхтик этэллэр. Күөл сытыйан тахсара куорат ханаалын уопсай туругуттан эмиэ тутулуктаах. Манна толкуйдаах, араас исписэлиистэри кытыннарыылаах, научнай да өттүнэн тирэхтээх үлэ барыан наада.

Кыбаарталлар иһинээҕи сааскы ириэрии уутун, чалбаҕы оборторууну управа ыытар. Оттон дьиэ таһынааҕы ууну, быраабылаларга олоҕуран, салайар хампаанньалар дьаһайыахтаахтар. 2023-2024 күһүҥҥү-кыһыҥҥы кэмигэр 300 кубометр  (374м3) ириэрии уута хачайдаммыта. Сааскы ууну кытта охсуһуу билигин да салҕанар – билиҥҥи туругунан 2174 кубометр чалбах уутун хачайдаатыбыт.

 

Атын салайар хампаанньаҕа көһүү суох

– Уокурукпутугар 33 салайар хампаанньа (УК) уонна Дьиэни бас билээччилэр табаарыстыбалара (ТСЖ) бааллар. Биллэн турар, күннээҕи кыһалҕалара элбэх, олохтоохтор бырааптарын билэллэр, билиҥҥи үйэ дьоно барытын кэмигэр аахсаллар, туруорсаллар, үлэ суобастаахтык ыытылларын ирдииллэр. Ол эрэн биир салайар хампаанньаттан атыҥҥа көһүү суоҕун кэриэтэ, син уопсай тылы булан олороллор.

Уокурук территориятыгар баар гараастар таһынааҕы сири-уоту ыраастык тутуу, бастатан туран, бас билээччилэргэ сүктэриллэр. 2024 сылга тупсарыы быраабылалара уларыйбыттара. Онно олоҕуран гарааһы бас билээччи 20 миэтэрэ чугаһынан сирин ыраастык тутар эбээһинэстээх.

Куораппытыгар массыына парковкатын кыһалҕата сытыытык турарын курдук, биһиги уокурукпутугар эмиэ оннук кыһалҕаны көрсөбүт. Кыһын хаары тиэйиигэ, саас ириэрии уутун оборторууга, ардыгар бөх да тиэйтэриигэ кыараҕас тиэргэннэргэ парковкаланан турар көлөлөр мэһэй буолаллара баар.

Ити курдук, ис-иһигэр киирдэххэ, кыһалҕа суох буолбатах. Ону туоратарга үлэ барар.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...