11.01.2022 | 12:00

«Инникигэ хардыы» конференцияҕа Дьокуускайтан 263 үөрэнээччи кыттар

«Инникигэ хардыы» конференцияҕа Дьокуускайтан 263 үөрэнээччи кыттар
Ааптар: Киин Куорат
Бөлөххө киир

Тохсунньу 8 күнүгэр «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция үөрүүлээхтик арылынна. Манна 34 оройуонтан 1 700 тахса үөрэнээччи бэйэлэрин научнай-чинчийэр  үлэлэрин түмүгүн билиһиннэрэллэр. 
«Шаг в будущее» – «Инникигэ хардыы» XXVI өрөспүүбүлүкэтээҕи научнай конференция куораттааҕы түһүмэҕэр 2021 сыл сэтинньи 10 күнүттэн ахсынньы 16 күнүгэр диэри дистанционнай форматынан киин куорат 43 оскуолаларыттан 596 үөрэнээччи кыттыбыт. Тохсунньу 8 күнүттэн 15 күнүгэр диэри конференция регионнааҕы таһымыгар куорат уокуругуттан 263 эдэр чинчийээччи кыттар. 
Тэрээһин иккис сылын «Онлайн-система дистанционной поддержки и сопровождения одарённых детей РС (Я)» (https://lk14.ru/) сирэй онлайн-форматынан ыытыллар. 
«Үбүлүөйдээх – өрөспүүбүлүкэ 100 сылын бэлиэтиир сылбыт бастакы улахан суолталаах тэрээһининэн эдэр чинчийээччилэри, кинилэр учууталларын, төрөппүттэрин, учуонайдары уонна исписэлиистэри түмэр  ураты форум буолара  кэрэхсэбиллээх. Куонкурус талааннаах үөрэнээччилэри өйүүргэ, ис кыахтарын арыйарга, айар дьоҕурдарын сайыннарарга бары усулуобуйалары тэрийэргэ көмөлөһөр. Форум кыттааччылара инникигэ эрэллээхтик хардыылыахтара уонна кинилэр сонун идиэйэлэрэ, толкуйдара олоххо киириэхтэрэ диэн бүк эрэнэбин», – диэн бэлиэтээтэ Саха сирин Ил Дархана Айсен Николаев конференция кыттааччыларыгар туһаайбыт эҕэрдэ тылыгар. 
5-11 кылаас үөрэнээччилэрэ бырайыактарын араас научнай хайысхалаах 35 секцияҕа уонна хос секцияларга презентациялыыллар. Олор истэригэр – ойуурдары баһаартан харыстааһын уонна чөлүгэр түһэрии, ирбэт тоҥу үөрэтии курдук тыын суолталаах чинчийиилэр бааллар. Научнай конференция экспертэрэ – М.К. Аммосов аатынан Хотугулуу-Илиҥҥи федеральнай университет 200-тэн тахса чулуу учуонайдара, преподавателлэрэ, аспираннара, магистраннара уонна устудьуоннара, СО РАН Дьокуускайдааҕы нучнай киинин институттарын сүүсчэ  учуонайдара, исписэлиистэрэ. 
Бэлиэтээн эттэххэ, быйылгыттан куонкурус РФ үөрэҕириитин тэрээһиннэрин ахсааныгар киирэн кыттыылаахтарга өйөбүл үрдээтэ. Ол курдук, лауреаттар тус ситиһиилэрэ үрдүк үөрэх кыһаларыгар киирэргэ БКЭ түмүктэрин баалларыгар эбиллэр.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...