15.02.2024 | 19:05

Инфраструктураны тупсарыы үс сылыгар салайар хампаанньалар, ТСЖлар бары кыттыыны ылыахтаахтар

Инфраструктураны тупсарыы үс сылыгар салайар хампаанньалар, ТСЖлар бары кыттыыны ылыахтаахтар
Ааптар: Киин Куорат
Бөлөххө киир

Бэҕэһээ, олунньу 14 күнүгэр, куорат баһылыга Евгений Григорьев  2023 сыллааҕы отчуотун чэрчитинэн салайар хампаанньалары уонна дьиэни бас билээччилэр табаарыстыбаларын (ТСЖ) кытта көрүстэ.
Баһылык Дьокуускай куорат 2030 сылга диэри сайдыахтаах маастар-былаанын дойду бэрэсидьиэнэ Владимир Путин өйөөбүтүн, 2023 сыл социальнай-экономическай түмүктэрин, 2024 сыл былааннарын иһитиннэрдэ. Ол курдук, Евгений Григорьев үөрэхтээһин, уулусса-суол ситимин тупсарыы, уопсастыбаннай тырааныспар систиэмэтин саҥардыы, оптуобус сылаас тохтобуллары элбэтии, нэһилиэнньэни саахалланар туруктаах хаарбах дьиэлэртэн көһөрүү, куораты көҕөрдүү, спорду сайыннарыы, анал байыаннай дьайыы кыттыылаахтарыгар оҥоһуллар социальнай өйөбүл көрүҥнэрин хаачыстыбатын, куораты тупсарыы о.д.а. хайысхаҕа ааспыт сыл ситиһиилэрин уонна үүммүт сылга турар соруктары кэпсээтэ.
Баһылык маны сэргэ Дьокуускай куоракка үлэлиир «Үөрэхтээһин», «Доруобуйа харыстабыла», «Куттала суох уонна хаачыстыбалаах суоллар», «Демография», «Олорор дьиэ уонна куорат эйгэтэ» нацбырайыактары олоххо киллэрии хаамыытын иһитиннэрдэ. 
Ыытыллар үлэ чэрчитинэн Евгений Николаевич салайар хампаанньалары уонна ТСЖлары тиэргэннэри тупсарыыга, ОДьКХ өҥөтүн оҥоруу хаачыстыбатын үрдэтиигэ дьүүллэһиигэ ыҥырда. 
Ол курдук, 2024-2026 сылларга биллэриллибит Инфраструктураны сайыннары үс сылынан уопсастыбаннай тырааныспар эйгэтин тупсарыыга, сылаас тохтобуллары тутууга, уулусса-суол ситимин уотун тардыыга, гааһы киллэриигэ, Табаҕа, Кангалаас бөһүөлэктэригэр канализация ситимин оҥорууга, Мархаҕа уу турбаларын тардыыга, элбэх оҕолоохторго тыырыллар сир учаастактарыгар инфраструктураны тэрийиигэ элбэх үлэ күүтүллэрин бэлиэтээтэ, диэн иһитиннэрэр Олохтоох дьаһалта пресс-сулууспата.
 

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Тустууга уларыйыылары күүтэллэр
Дьон | 30.03.2024 | 12:00
Тустууга уларыйыылары күүтэллэр
Хаһыаппыт бүгүҥҥү ыалдьыта – ССРС көҥүл тустууга аан дойду кылаастаах бүтэһик спорт маастара, Улуу Коркин сүмэлээх сүбэтин истибит, Таилиҥҥа тиийэ тренердээбит Михаил Протопопов. Михаил  Егорович «Киин куорат» хаһыат ааҕааччыларын кытта уһуйуллубут тренердэрин, көбүөргэ умнуллубат киирсиилэрин туһунан, тустууну сайыннарыыга тус көрүүлэрин үллэстэр.   – Михаил Егорович, үтүө күнүнэн! ССРС саҕана тыа сирин...
«Эн эмиҥ аттыгар үүнэр...»
Дьон | 30.03.2024 | 10:00
«Эн эмиҥ аттыгар үүнэр...»
Светлана Ивановна Попова – Нам улууһун Хатырык нэһилиэгин олохтооҕо, түөрт оҕо иһирэх ийэтэ, элбэх сиэн эйэҕэс эбэтэ. Кини Максим Аммосов төрөппүт кыыһа Лена Аммосованы, эдьиийэ Наталья Кировна кыыһа Мария Охлопкованы кытта өр сыллаах истиҥ сыһыаннарын сэһэргээтэ. 80-гар чугаһаабыт ытык кырдьаҕастан Саха сирин эмтээх үүнээйилэрин хомуйар ураты дьарыгын эмиэ туоһуластыбыт, ааҕааччыларбытыгар...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...