Информационнай систиэмэ операторын бэлэмниир киин үлэлиир

«Билиҥҥи байыаннай дьайыы усулуобуйатыгар пилота суох көтөр аппарааттары – «беспилотниктары» салайар оператордары үөрэтии тыын суолталаах буолла. Квадрокоптер курдук сыаналаах тэрили анал профессиональнай бэлэми ааспыт байыаннай сулууспалаахха эрэ туттарыахтарын сөп. СӨ бырабыыталыстыбатын бэрэссэдээтэлин сорудаҕын чэрчитинэн, Дьокуускайдааҕы П.И. Дудкин аатынан сибээс уонна энергетика колледжын базатыгар Информационнай систиэмэ операторын бэлэмниир киин арылынна», – диэн иһитиннэрдэ колл-киин салайааччыта.

Саҥа тэриллибит киин сүрүн сыала – кылгас болдьох иһигэр «беспилотниктары» салайар квалифициялаах каадырдары бэлэмнээһин. Үөрэнии бырагырааматыгар теория уонна быраактыка киирэр, үөрэх уопсай болдьоҕо – 36 уонна 72 чаас. Байыаннай сулууспалаахтарга үөрэнии босхо, туоһу докумуоннарын көрдөрүөхтэрин эрэ наада.

Дьокуускайдааҕы П.И. Дудкин аатынан сибээс уонна энергетика колледжын аадырыһа: Дьокуускай к., Петр Алексеев уул., 25,  төлөпүөн/факс: +7(4112) 42-25-06, https://ykt-yakse.obr.sakha.gov.ru/.