07.11.2021 | 18:00

Инбэлиит көмө ылара судургу буолла

Инбэлиит көмө ылара судургу буолла
Ааптар: Айыына Ксенофонтова
Бөлөххө киир

Бырабыыталыстыба инбэлиит дьон реабилитацияны ааһалларыгар аналлаах техническэй сириэстибэни уонна атын өҥөлөрү ылар бэрээдэктэрин судургутутан биэрдэ.

Инбэлиит чөлүгэр түһэригэр аналлаах техническэй сириэстибэни уонна да атын көмөнү ыларыгар туһааннаах докумуоннарын судаарыстыбаннай өҥө порталын нөҥүө биэриэн сөп.
Докумуоннарын сканердаан баран, сайабылыанньатын кытта уган, социальнай көмүскэл уорганнарыгар электроннай көрүҥүнэн ыытар. Тустаах тэрилтэ сайаапкатын көрдөҕүнэ, гражданин тус кабинетыгар чөлүгэр түһэригэр наадалаах техническэй сириэстибэни эбэтэр өҥөнү ыларын туһунан сурук кэлэр. 
Ол курдук, истэр аппараат, кириэһилэ-кэлээскэ, быратыас, ортез, ону таһынан сурдотылбаас уонна тифлосурдотылбаас өҥөлөрүн, сирдьит ыт көмөтүн ылыахха сөп. Сирдьит ыты иитэр уонна бэтэринээргэ көрдөрөр ороскуоту толуйтарыахха сөп. Маныаха харчы сайабылыанньаҕа ыйыллыбыт счекка быһа түһэр.  

Ыйыт – хоруйдуубут

Социальнай страхование пуондатын Саха сиринээҕи салаатын @fss.ro14 инстаграмыгар киирбит ыйытыылары уонна хоруйдары тылбаастаан бэчээттиибит.

 

– Нэһилиэнньэ дьарыктаах буолуутун сулууспатыгар учуокка турбут кэммэр страховой ыстаас хайдах ааҕылларый?

– Страховой ыстаас үлэ киниискэтигэр, үлэ дуогабарыгар киирбит сурукка олоҕуран ааҕыллар.

Нэһилиэнньэ дьарыктаах буолуутун сулууспатыгар учуокка турар уонна анал босуобуйа ылар гражданнар үлэлээбэттэр, онон бу кэмҥэ үлэ киниискэтэ толоруллубат, Арассыыйа социальнай страхованиетын Пуондатыгар страховой усунуос бэриллибэт. Бу кэм больничнай босуобуйатын кээмэйин быһаарарга учуоттаммат.

Өскөтүн гражданин дьарыктаах буолуу сулууспатыгар учуокка турар, ол эрээри уопсастыбаннай үлэҕэ кыттар буоллаҕына, кинини кытта болдьохтоох үлэ дуогабара түһэрсиллэр, оччоҕо бу кэм страховой ыстааска киирэр.

– Социальнай страхование пуондатын путевкатынан туһанар 1-кы группалаах инбэлиити ким арыаллыан сөбүй?

– Толору сааһын сиппит (18-тан үөһэ саастаах), инбэлиити эбэтэр инбэлиит оҕону сатаан көрөр-харайар киһи.   

Санатан эттэххэ, 1-кы группалаах инбэлииттэр уонна 18 саастарыгар диэри инбэлиит оҕолор санаторийга икки путевканы ылар бырааптаахтар – бэйэлэригэр уонна арыаллыыр киһилэригэр. Манна тоһоҕолоон бэлиэтээтэххэ, арыалдьытынан ким баҕарар (аймаҕа эрэ буолбатах), инбэлиити сатаан көрөр-харайар кыахтаах киһи буолуон сөп.  

Инбэлиити арыаллыыр киһи путевка ыларыгар 070/у формалаах медицинскэй ыспыраапка ирдэнэр. Инбэлиит оҕону арыаллааччынан төрөппүтэ (ийэтэ, аҕата) эбэтэр кинини көрөр-харайар кыахтаах уонна төрөппүттэртэн дэбиэринэстээх киһи буолуон сөп.

Инбэлиит көмөлөһөөччү наадата суох диэтэҕинэ (кини көрдөһүүтүнэн), иккис путевканы биэриэ суохтарын сөп.

 

Инбэлиити арыаллыыр буолан санаторийга путевка ылбытым. Көрөр-харайар киһим ыалдьан хаалбыта, ол иһин кинини балыыһаҕа ыыппыттара. Бу түгэҥҥэ мин санаторийтан тахсыахтаахпын дуо?

– Эйиэхэ санаторийга эмтэнэр путевка инбэлиити арыаллыыр киһи быһыытынан бэриллибит. Өскөтүн көрөр-харайар киһиҥ санаторийтан тахсыбыт, балыыһаҕа киирбит буоллаҕына, эн санаторийга инбэлиити арыаллыыр эбээһинэһиҥ бүппүт.

Сонуннар

Ордук ааҕаллар

Оҕуруо абылаҥар ылларбыт Роза Спиридонова
Дьон | 31.05.2024 | 14:00
Оҕуруо абылаҥар ылларбыт Роза Спиридонова
Роза Яковлевна Спиридонова Дьокуускай куорат 39 №-дээх «Ромашка» уһуйааныгар музыкальнай салайааччынан үлэлиир. Бүгүҥҥү сэһэргэһээччим, чахчы, талба талааннаах киһи. Кини оҕуруонан үлэлэрэ ханнык да көмүс оҥоһуктан хаалсыбаттар. Роза Яковлевна Ньурба Маалыкайыттан төрүттээх. Эбэтэ уонна ийэтэ суохтан баар оҥорор, кыраттан да элбэҕи айан таһаарар, эргэни саҥа тыынныыр сатабыллаах хаһаайкалар, көмүс тарбахтаах иистэнньэҥнэр...
Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...