23.02.2021 | 11:16

Ил Түмэн ыттары көмүскүүр сокуоҥҥа уларытыылары туруорсар

Ил Түмэн ыттары көмүскүүр сокуоҥҥа уларытыылары туруорсар
Ааптар: Киин Куорат
Бөлөххө киир

Олунньу 26 күнүгэр Ил Түмэн дьокутааттара кыыллары эппиэтинэстээх иитиини мэктиэлиир уонна кытаанахтык ирдиир Федеральнай таһымнаах сокуоҥҥа уларытыылары киллэрии туһунан кэпсэтиэхтэрэ.

Норуот дьокутааттара бу сокуоҥҥа уларыйыы киириэхтээҕин туһунан өссө былырыыҥҥытан этэллэр. Дьокутаат Павел Ксенофонтов кэпсээбитинэн, маннааҕы ырытыһыы кэнниттэн сокуон барыйыага бэлэмнэнэн салҕыы Судаарыстыбаннай Дуумаҕа ыытыллыаҕа.

Кыыллары иитиигэ эппиэтинэһи үрдэтэр сокуон 2020 сыл тохсунньутуттан олоххо киирбитэ. Ол сокуоҥҥа олоҕуран, бэйдиэ сылдьар ыттары уонна куоскалары быстах кэмҥэ көрөр-истэр пуун үлэһиттэрэ туталлар, стерилизациялыыллар, наадалаах быһыылары туруораллар уонна көҥүлгэ ыыталлар. Бу сокуону Госдуума дьокутаата Владимир Бурматов киллэттэрбитэ биллэр. Сокуон киирбитин, үлэлээн барбытын кэннэ биллибитинэн, дойдубут үрдүнэн кыыллар приюттарынан хааччыллыы 20 эрэ бырыһыаҥҥа тэҥнэһэр эбит.

Бэйдиэ сылдьар ыттар кыһалҕаларын Дьокуускай олохтоохторо бэйэлэринэн, этэргэ дылы, эттэринэн-хааннарынан билэллэр. Билигин буола турар дьаһалта отчуоттарын кэмигэр бырах сылдьар кыыллар тустарынан боппуруостары ордук сытыытык Промышленнай уокурук олохтоохторо көтөхтүлэр. Баһылык э.т. Евгений Григорьевка бэриллибит ыйытыылар үгүстэрэ бу сытыы кыһалҕаҕа ананнылар. Бу уокурукка Быстах кэмҥэ хаһаайына суох кыыллары көрөр-истэр пуун үлэлиир буолан, босхо ыытыллыбыт ыттар үксүн манна олохсуйан хаалаллар, олохтоохтор куттанан уулуссанан да хаампат балаһыанньалара үөскүүр.

Евгений Григорьев Ил Түмэн дьокутааттарын өйөбүллэрин туһанан, федеральнай сокуоҥҥа уларытыылары киллэрэргэ регион уратыларын барытын учуоттуохха наада диэн санааны тутуһар, федеральнай сокуону кытта сөпсөспөтүн этэр. Сотору приюкка ыттары тутарга аналлаах эбии массыына ылыллыахтааҕын кэпсээтэ.

Быстах кэмҥэ бэйдиэ сыльар кыыллары тутар пуун иһитиннэрбитинэн, 2020 сыл устата 2322 кыыл тутулунна:

- 1172 кыыл кастрацияланна уонна стерилизацияланна;

- 1056 вакцинацияланна;

- 1606 маркировкаланна;

- 628 хаһаайыттарыгар төннөрүлүннэ уонна саҥа хаһаайыннанна;

- 788 кыыл көҥүлгэ ыытылынна.

2020 атырдьах ыйыттан Хаһаайына суох кыыллары быстах кэмҥэ көрөр-истэр пуун “Помоги выжить” коммерческайа суох тэрилтэҕэ бэриллибитэ. Ол иннинэ бырах сылдьар кыылларынан “Жилкомсервис” МУТ дьарыктаммыта.

Норуокка биллэринэн бэйдиэ сылдьар кыыллары көрөр-истэр приют билигин “пуун” диэн ааттаммытабылырыыҥҥыттан Арассыыйаҕа кыылга-сүөлгэ эппиэтинэстээх сыһыаны өссө кытаанахтык ирдиир, икки атахтаах түөрт атахтааҕы кытта сыһыанын атын таһымҥа таһаарар саҥа сокуон ирдэбилигэр олоҕурар.

Саҥа сокуон этэринэн, бырах сылдьар ыттары өлөрүү бобуллар. Дьон олоҕор сэрэхтээх, кутталынан суоһуур кырыктаах ыттары тыыннаахтарын тухары тутар, көрөр-харайар приюттар тэриллиэхтээхтэр. Биһиги куораппытыгар “быстах болдьоххо бэйдиэ сылдьар кыыллары тутар пуун” диэн тэрилтэ баар буолбута. Оттон анал приют тутуута олус элбэх үбү эрэйэр...

***

 “Хаһаайына суох кыыллары быстах кэмҥэ көрөр-истэр пуунтан” ким баҕарар түөрт атахтаах доҕор оҥостор ытын буор босхо талан ылыан сөп. Ыттар бары быһыылаахтар, доруобайдар, саҥа хаһаайын пааспардаах кэлэн талбыт ытыгар чип туруортарар. 

 “Хаһаайына суох кыыллары быстах кэмҥэ көрөр-истэр пуун”  аадырыһа: Очиченко уул., 57.

Бэнидиэнньик-оптуорунньук – санитарнай күннэр, дьону киллэрбэттэр.

Онтон атын күннэргэ сарсыарда 09.00 чаастан күнүс 16.00 чааска диэри үлэлиир.

  • Бэйдиэ сылдьар кыыллары тутууга сайаапкалары Биир кэлим диспетчердэр сулууспаларыгар туталлар:
  • 44-42-51
  •  44-42-29 (суукканы эргиччи).

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Оҕуруотчут кистэлэҥнэрэ
Тускар туһан | 23.05.2024 | 18:00
Оҕуруотчут кистэлэҥнэрэ
Кылгас, ол эрээри өҥүрүк куйаас сайыннаах Сахабыт сиригэр эгэлгэ сибэккилэри, оҕуруот аһын арааһын үүннэрэн ылабыт. Сылтан сыл аайы соҕуруу дойдуга силигилии үүнэр сонун үүнээйилэр көрүҥнэрин олордон,  тиэргэммит, дьиэбит  кэрэ көстүүлэнэр, ону тэҥэ оҕуруот аһыттан, отонноох талахтартан кэнсиэрбэлэри, хомпуоттары оҥосторбут элбээтэ.    Бастыҥ тиэргэннээх  хаһаайка Мин бүгүн сайыҥҥы сырал күннэргэ ис сүрэхтэн...