16.03.2023 | 14:00

Ил Түмэҥҥэ тус приемҥа киириэххэ сөп

Ил Түмэҥҥэ тус приемҥа киириэххэ сөп
Ааптар: Розалия Томская
Бөлөххө киир

Кулун тутар 23 күнүгэр Ил Түмэҥҥэ нэһилиэнньэни кытта көрсөр күнэ ыытыллар. Ол курдук, баҕалаах дьону кытта сис кэмитиэттэр бэрэссэдээтэллэрэ көрсүөхтэрэ:

- Судаарыстыбаннай тутуу уонна олохтоох бэйэни салайыныы кэмитиэтиттэн В.М. Прокопьев;

- Экономическай, инвестиционнай уонна промышленнай политика кэмитиэтэ, П.П. Петров;

- Предпринимательство, туризм уонна инфраструктура сайдыытын кэмитиэтэ, И.И. Григорьев;

- Тутуу, ОДьКХ уонна энергетика кэмитиэтэ, Я.А. Ефимов;

- Доруобуйа харыстабылын, социальнай харысхал, үлэ уонна дьарыктаах буолуу кэмитиэтэ, В.И. Чичигинаров;

- Сир сыһыаннаһыыларыгар, айылҕа ресурсаларыгар уонна экологияҕа кэмитиэт, С.М. Афанасьев;

- Бүддьүөт, үп, нолуогабайынан уонна сыана политикатынан, бас билии уонна приватизация боппуруостарынан дьарыктанар кэмитиэт, Ю.М. Николаев.

Кулун тутар 30 күнүгэр Ил Түмэн бэрэссэдээтэлин бастакы солбуйааччыта А.Н. Жирков нэһилиэнньэни кытта көрсүөҕэ.

Парламент салалтатыгар тус приемҥа эрдэттэн суруттарыы ирдэнэр. Судаарыстыбаннай Мунньах уопсастыбаннай приемнайыгар маннык суруйтарыахха сөп:

— Почтанан сурук ыытан: 677022, Дьокуускай к., Ярославскай уул., 24/1, 1147 каб.

Интернет-приемнай нөҥүө; https://iltumen.ru/reception.

Оттон норуот дьокутаатыгар тус приемҥа киирэргэ суругунан сайабылыанньа (көҥүллүк суруллар) биэриэхтээххит. Онно толору ааккыт, сибээстэһэр төлөпүөннэргит уонна туох кыһалҕалаах кэлэргит кылгастык хайаан да ыйыллыахтаах.

Манна эмиэ эрдэттэн суруйтарыынан эрэ киириэххэ сөп.

Приемҥа кэлэргитигэр пааспаргытын умнумаҥ.

Сиһилии уопсастыбаннай приемнайтан билсэҕит, нүөмэрдэрэ: 8 (4112) 43-53-74.

Сонуннар

Ордук ааҕаллар

Саллаат таҥарата — ийэтэ, кэргэнэ
Сонуннар | 08.03.2024 | 09:30
Саллаат таҥарата — ийэтэ, кэргэнэ
Наталья Андреевна Охлопкованы анал байыаннай дьайыыга сылдьар уолаттар олус убаастыыллар, ытыктыыллар, олох дьоруой курдук саныыллар диэни истэн баран, булан кэпсэтэргэ санаммытым уонна, чахчы да, дьоруойдар тыылга эмиэ бааллар эбит диэн санааҕа кэллим.
Хатаска саҥа спорт комплекса арылынна
Сонуннар | 13.03.2024 | 14:09
Хатаска саҥа спорт комплекса арылынна
Хатас урут даҕаны, билигин даҕаны чөл-чэгиэн дьонунан тутахсыйбатаҕа. Ол гынан баран ол туһугар усулуобуйа наадатын бары да өйдүүбүт. Иллэрээ күн, кулун тутар 12 күнүгэр, баҕа санаа туолара маннык эбит диэххэ диэри сабыс-саҥа “Дьулуур” спорт комплексын киэҥ уораҕайа аанын тэлэччи арыйда. Этиллибит кэмҥэ дьон устар сүүрүктүү хотоҕостуу субуллан, 400 миэстэлээх саала...
Норуот эмтиэкэтэ
Тускар туһан | 08.03.2024 | 12:00
Норуот эмтиэкэтэ
Аныгы үйэ буолан үгүспүт социальнай ситимнэри ааҕар, туттар, кэтиир-маныыр. Манна наадалаах, туһалаах сүбэлэр хото суруллаллар. Ону биһиги бүгүн ааҕааччыларбытыгар дьиҥнээхтии көмөлөспүт дьон суруйбуттарын, айылҕалаахтар да эппиттэрин көрөн бэчээттиэхпит. Ол эрээри, барытын туттан, туһанан испэккитигэр сүбэлиибит, бэйэҕит эккит-сииҥҥит тугу ирдиирин, быраас сүбэтин тутуһаргыт ордук.   Куртах бааһын (язва) оһордор ас туһунан Устудьуоннуу...
Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.