31.05.2022 | 16:00

Ил Дархан ыам ыйын түмүктэрин таһаарда

Ил Дархан ыам ыйын түмүктэрин таһаарда
Ааптар: Киин Куорат
Бөлөххө киир

Өрөспүүбүлүкэ Ил Дархана Айсен Николаев «Якутия 24» телевизионнай ханаал «Якутия, вперед!» биэриитигэр региоҥҥа быйылгы халаан уутугар тыһыынча кэриҥэ киһи олорор 300-чэ дьиэ эмсэҕэлээтэ диэн иһитиннэрдэ. 
«Өрөспүүбүлүкэ улахан өрүстэригэр сыл ахсын муус барыыта биһиэхэ улахан тургутуу, муус харыыта мэлдьи буолар. Быйыл Өлүөнэ өрүскэ хас да сиринэн муус харыыта үөскээн, Өлүөхүмэҕэ, Дьокуускай аннынан, Намҥа, Уус Алдаҥҥа тыһыынча кэриҥэ киһи олорор 300-чэ дьиэтэ ууга бардылар», — диэтэ Айсен Николаев.
Билигин нэһилиэнньэлээх пууннар ууттан босхолоннулар, миэстэтигэр тахсыбыт хоромньуну ааҕыы бара турар.
«Саамай сүрүнэ — олорор дьиэлэр уонна социальнай эбийиэктэр алдьамматылар, арай суол сууралынна.  Халаантан эмсэҕэлээбит оройуоннарга уонна дьиэ кэргэттэргэ көмөнү оҥоруохпут. РФ бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ Юрий Трутнев ити боппуруоска ураты болҕомтону уурары көрдөстө. Хоромньуну ааҕыы түмүктэннэ даҕаны, кылгас болдьох иһигэр халаантан эмсэҕэлээбит гражданнарга көмө барыаҕа», — диэн бэлиэтээтэ Ил Дархан.
Кини иһитиннэрбитинэн, Халыма өрүскэ муус этэҥҥэ баран иһэр, исписэлиистэр хас даҕаны территория ууга барыаҕа диэн сабалаҕаабыттара хата туолбата. 
«Халыма өрүскэ муус хаһааҥҥытааҕар даҕаны этэҥҥэ баран иһэр. Манна эрдэттэн бэлэмнэнии үлэтэ барбыта уонна айылҕа бэйэтэ көмөлөстүлэр. Бары өрүстэргэ түмүктүүр түһүмэх этэҥҥэ ааһарыгар эрэнэбин, ол эрэн, Алдан өрүскэ иккис түһүмэх иһэр, сорох суоллар сабылыннылар. Улахан хоромньута суох ааһар ини диэн эрэнэбин», — диэн муус барыытын туһунан Ил Дархан түмүктээтэ. 


Ойуур баһаардарыгар сыһыаннааҕы даҕатан эттэххэ, ыам ыйынааҕы ойуур баһаардарын түбэлтэлэрэ дьон буруйунан тахсаллар диэн Айсен Николаев тоһоҕолоон бэлиэтээтэ. 


«Былырыын баччаҕа 126 ойуур баһаара баар этэ, быйыл — 16. Ыам ыйыгар тахсар баһаардар айылҕаттан буолбакка, киһиттэн тутулуктаахтарын өйдүөххэ наада. Саха сирин олохтоохторугар махтаныахпын баҕарабын уонна инники өттүгэр эмиэ айылҕабытыгар харыстабыллаахтык сыһыаннаһыахпыт диэн эрэнэбин», — диэтэ кини.
2022 сылга ойууру баһаартан харыстааһыҥҥа федеральнай уонна өрөспүүбүлүкэ бүддьүөттэриттэн 2,5 миллиардтан тахса солкуобайдаах үп бэриллибит. Былырыын ити сыалга 600 мөлүйүөн солкуобай көрүллүбүт.
«Былырыыҥҥы уопуппутуттан улахан түмүктэри оҥордубут. Федеральнай бүддьүөттэн кэлэр суума 5,6 төгүл, оттон өрөспүүбүлүкэттэн – икки төгүл үрдээтилэр», — диэн быһаарда регион баһылыга.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...