03.06.2022 | 13:00

Ил Дархан сорудаҕынан элбэх оҕолоох ыалга дьиэ тутуохтара

Ил Дархан сорудаҕынан элбэх оҕолоох ыалга дьиэ тутуохтара
Ааптар: Киин Куорат
Бөлөххө киир

Бэс ыйын 2 күнүгэр өрөспүүбүлүкэ Ил Дархана Айсен Николаев  «Биир Ньыгыл Арассыыйа» баартыйа бэрэссэдээтэлэ Дмитрий Медведев уопсастыбаннай приемнайыгар ыытыллыбыт гражданнары кытта көрсүһүү түмүктэринэн сорудах туолуутун бэрэбиэркэлээтэ. Бу туһунан Саха Өрөспүүбүлүкэтин Баһылыгын уонна Бырабыыталыстыбатын пресс-сулууспата иһитиннэрдэ.
Айсен Николаев сорудаҕынан Марха дьоҕус оройуонугар олорор элбэх оҕолоох ыалга дьиэ тутуллар буолла. 
Санатар буоллахха, гражданка Татьяна Сергеева өрөспүүбүлүкэ Ил Дарханыттан, хаарбах дьиэҕэ олороллорунан сибээстээн, көмө көрдөөбүтэ. Элбэх оҕолоох соҕотох ийэ Марха дьоҕус оройуонун Есенин уулуссатыгар баар чааһынай дьиэҕэ биэс оҕотун кытта олорор. Саас халаан уута дьиэ анныттан тахсан, муосталара ууга барар буолан, дьиэлэрэ олус сииктээх эбит. Дьиэ кэргэн күн аайы, төһө кыайалларынан, ууну хачайдаан тахсаллара. 
«Биир Ньыгыл Арассыыйа» баартыйа регионнааҕы кэмитиэтин салайааччыта Руслан Платонов иһитиннэрбитинэн, дьиэ акылаата уонна муостата сытыйбыт, онон саас аайы халаан уута тахса турар. Инньэ гынан, кыһалҕалаах ыалга учаастак үрдүк сиригэр аныгы «композитнай» матырыйааллартан саҥа дьиэ тутуллар буолла. Тутуу матырыйаалын боппуруоһа быһаарылынна. Үлэни «Биир Ньыгыл Арассыыйа» баартыйа «Молодая гвардия» Бүтүн Арассыыйатааҕы уопсастыбаннай тэриллиитин чилиэннэрэ ыытыахтара. 
 Бүгүҥҥү күннээҕи туругунан, акылаат түһэрэргэ анаан бэлэмнээн, учаастакка кумах кутулунна. Учаастагы көрө сылдьан Айсен Николаев уот ситимин остуолбатын сыҕарытан, миэстэни ылбатын уонна тутуу барарыгар мэһэйдээбэтин курдук, тиэргэнтэн таһааралларыгар сорудахтаата.  
Ил Дархан дьиэ хаһаайката Татьяна Сергееваны уонна кини эдьиийэ Елена Анатольевнаны кытта кэпсэттэ. Өрөспүүбүлүкэ Баһылыгын сорудаҕынан бу ыаллар оҕолоро Мархатааҕы оҕо сынньалаҥ лааҕырыгар киирдилэр.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...