Ил Дархан Саҥа дьыллааҕы харыйатыгар 700 үөрэнээччи кытынна
«Наһаа үчүгэй, талааннаах ыччат үүнэн иһэриттэн үөрэбин. Үчүгэйдик үөрэннэххитинэ, олимпиадаларга, айар күрэхтэргэ, научнай-практическай конференцияларга уонна спортивнай күрэхтэһиилэргэ ситиһиилэннэххитинэ эһигини кытта тэҥҥэ үөрэбит», – диэтэ Айсен Николаев.
Манна даҕатан эттэххэ, Ил Дархан Бүтүн Арассыыйатааҕы үөрэнээччилэр олимпиадаларын кыайыылаахтарыгар 500 тыһыынча солкуобайы уонна призердарыгар 100 тыһыынча солкуобайы биэрэр туһунан быһаарыыны ылынна, туһааннаах ыйаахха илии баттаата.
Тэрээһиҥҥэ араас хайысханан үрдүк ситиһиилээх уон үөрэнээччигэ Айсен Николаев тус стипендията туттарылынна.
Быйылгы үөрэх сылын түмүгүнэн стипендиаттар – Дьокуускайдааҕы кадеттар оскуола-интэринээттэрин 11-с кылааһын үөрэнээччитэ Семен Необутов, Өрөспүүбүлүкэтээҕи олимпийскай резервэ 9-с кылааһын үөрэнээччитэ Кристина Дрозд уонна Өлүөхүмэ 4-с №-дээх орто оскуолатын 11-с кылааһын үөрэнээччитэ Максим Поповскай өйдөбүнньүк бэлэхтэри туттулар.
Итини сэргэ, тус стипендияҕа Тылгыны орто оскуолатын 11-с кылааһын үөрэнээччитэ Виктория Алексеева, Куораттааҕы классическай гимназия 11-с кылааһын үөрэнээччитэ Власий Югов, Абый оскуолатын 10-с кылааһын үөрэнээччитэ Любовь Слепцова тигистилэр.
Итини таһынан, тус стипендияны Аллараа Бэстээх оскуолатын 11-с кылааһын үөрэнээччитэ Магомед Наурузов, Физико-техническай лицей 10-с кылааһын үөрэнээччитэ Александра Дмитриева, Бэрдьигэстээх оскуолатын 11-с кылааһын үөрэнээччитэ Арсен Михайлов уонна Уус-Ньара гимназиятын 11-с кылааһын үөрэнээччитэ Татьяна Гарипова туттулар.
Сонуннар
Ордук ааҕаллар
