11.05.2022 | 10:00

Ил Дархан РФ Бэрэсидьиэнин сүбэ мунньаҕар кытынна

Ил Дархан РФ Бэрэсидьиэнин сүбэ мунньаҕар кытынна
Ааптар: Киин Куорат
Бөлөххө киир

РФ Бэрэсидьиэнэ Владимир Путин  видеоконференция форматынан ыыппыт  сүбэ мунньаҕар регионнар баһылыктара кытыннылар. Ил Дархан Айсен Николаев дойду Аҕа баһылыгар ойуур баһаардарын умуруорууга бэйэтин этиилэрин киллэрдэ. 
Ил Дархан Саха Өрөспүүбүлүкэтигэр баһаар сезонугар бэлэмнэнии үлэтин туһунан билиһиннэрдэ. 
«Владимир Владимирович, Эн сорудаххынан  ойууру баһаартан  харыстааһыҥҥа  2022 сылга бүддьүөттэн үбүлээһин биэс төгүл улаатта. Федеральнай бүддьүөттэн уопсайа тустаах сыалга 1 млрд 600 мөл. солк. тахса көрүлүннэ. Өрөспүүбүлүкэбит үбүлээһин кээмэйин эмиэ лаппа улаатыннарда.  Ол курдук, саҥа авиасалаалар тэрилиннилэр. Быйыл үлэһиттэрбит уонна тиэхиньикэбит эбиллэн, ойуур баһаардарын умуруорууга күүһүрдүбүт.  Өрөспүүбүлүкэ бары улуустарыгар ойуур баһаарын утары үлэлиир штаты таһынан 285 киһилээх бөлөхтөр тэрилиннилэр. Маны таһынан, мин быһаарыыбынан, Быыһыыр сулууспа үлэһитин ахсаана 45 киһинэн элбээтэ.  Ахсынньы ыйга эбии 69 тиэхиньикэни атыыласпыппыт. Ааспыт сайын ойуур баһаардара күүскэ  турбуттарыгар,  ардаҕы ыҥырар анал ньыманы туһаныы улахан көдьүүстээҕин көрөн итэҕэйбиппит. Ол курдук, ойуур баһаардарын умуруорууга  Авиалесоохрана «Веер» диэн тэриллээх сөмөлүөт улаханнык көмөлөспүтэ. Маннык тиэхиньикэ дойду үрдүнэн тарбахха баттаналлар.   Билигин регионнааҕы авиахампаанньа баазатыгар Ан-26 сөмөлүөккэ искусственнай ардаҕы түһэрэр установканы туруорууга  үлэлиибит.  Маны таһынан, РФ Ойуур кодексыгар  уларытыылар киириэхтэрин наада.  Ол курдук,   искусственнай ардаҕы аҥаардас ойуур баһаардарын умулларыыга эрэ буолбакка,  хонтуруолга сылдьар ойуурга баһаар тахсар кутталын кыччатарга эмиэ туһаныахха наада. Онон Саха сирин пилотнай регион быһыытынан көрөргүтүгэр этии киллэрэбин», - диэтэ Айсен Николаев.
Итиннэ хоруйдаан РФ айылҕатын ресурсаларын уонна экологиятын миниистирэ Александр Козлов  ойуур баһаарын умуруорууга “Север”  киин   икки бөртөлүөтэ үлэтин саҕалыаҕа, итиэннэ ыам ыйыгар биир көтөр аалы  Саха сиригэр ыытыахпыт диэн эттэ.
Манна даҕатан эттэххэ, Саха сиригэр хонтуруоллуур «Ойуур баһаардара» модуль үлэтин саҕалаата. Билиҥҥи туругунан өрөспүүбүлүкэҕэ ойуур баһаарын 22 көрдүгэнэ баара бэлиэтэммит.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...