22.07.2021 | 15:49

Ил Дархан ойуур баһаардарын кытта охсуһар киини тэрийэргэ этии киллэрдэ

Ил Дархан ойуур баһаардарын кытта охсуһар киини тэрийэргэ этии киллэрдэ
Ааптар: Киин Куорат

Өрөспүүбүлүкэ баһылыга Айсен Николаев, ыраах сытар территорияларга көмө буолар курдук, киин куоракка ойуур баһаардарын утары охсуһар киини тэрийэргэ этии киллэрдэ. Ол туһунан Арассыыйа информационнай агентствота иһитиннэрдэ.
От ыйын 21 күнүгэр Ил Дархан РФ президенэ Владимир Путин бырабыыталыстыба чилиэннэрин кытта мунньаҕар тыл эттэ.
«Өрөспүүбүлүкэ территориятыгар ойуур пуондатын 255 мөл. га сириттэн 90%-на авиациянан харабылланар олус ыраах сиргэ тайаан сытар. Ити сирдэргэ кэнники 4 сыл иһигэр 3100 ордук баһаар таҕыста. Ойуурдарбытын харабыллааһын таһымын үрдэтэр сыалтан Дьокуускай куоракка, билигин Красноярскай кыраайга тэриллэн эрэр курдук, ойуур баһаардарын кытта охсуһар региональнай киини аһарга этии киллэрэбин», - диэбит Айсен Николаев.
Кини президентэн эбии баһаары умуруорарга туттуллар тэриллээх ДТ-75 кылаастаах тыраахтары ыларга көмөлөһөрүгэр көрдөспүт. 
«Төһө да „Экология“ национальнай бырайыак чэрчитинэн өрөспүүбүлүкэҕэ элбэх ахсааннаах тиэхиньикэ кэлэрин иһин, баһаары умуруорарга туттуллар тэриллээх, үчүгэй көрдөрүүлээх ДТ-75 кылаастаах тыраахтары эбии көрөр туһунан көрдөһүүлээхпит, - диэн эппит Айсен Николаев.
Бэс ыйыгар РФ бырабыыталыстыбата Красноярскай кыраайга, ойуур баһаардарын кытта охсуһар «Север» киини тэрийиигэ, тиэхиньикэни атыылаһарга, тус састаабы хомуйарга, баһаарынай-десантниктар уонна парашютистар тэриллэригэр биэс миллиард солкуобай харчыны көрбүт.  
390 сотрудниктаах киин Сибиир уонна Уһук Илин саамай баһаартан эмсэҕэлээбит регионнарыгар көмө оҥороро былааннанар.

Сонуннар

Ордук ааҕаллар

Баһылык итирдэр утахтары атыылыыр быраабылаларга сыһыаннаах этии киллэрдэ
Сонуннар | 15.07.2021 | 13:00
Баһылык итирдэр утахтары атыылыыр быраабылаларга сыһыаннаах этии киллэрдэ
Куорат баһылыга Евгений Григорьев уопсастыбаннай аһыыр сирдэри кэҥэтэр уонна арыгы атыылыыр сирдэри социальнай эбийиэктэртэн тэйитэр туһунан этии киллэрдэ. Ол туһунан кини «Сахамедиа» медиа-кииҥҥэ ыытыллыбыт «Дополнительные ограничения времени, условий и мест розничной продажи алкоголя в Якутии» дискуссияҕа эттэ.  Баһылык ВОЗ дааннайдарынан арыгыттан сылтаан өлүү Арассыыйа 100 тыһыынча олохтооҕор ылан көрдөххө эр...
Дойдууна: «Сулус — халлааҥҥа, киһи — сиргэ»
Дьон | 17.07.2021 | 13:00
Дойдууна: «Сулус — халлааҥҥа, киһи — сиргэ»
Кинини  айылҕаттан ураты экстрасенс, сүппүт дьону булааччы быһыытынан сахалар эрэ буолбакка, өрөспүүбүлүкэ тас өттүгэр олорооччулар эмиэ билэллэр. Бүгүҥҥү кэпсиир дьоруойум “Саха сирин экстрасенстара – 2015” күрэххэ “Лучший экстрасенс Якутии” ааты сүкпүт ДОЙДУУНА. Дойдууна элбэх оҕолоох ыалга төрөөбүтэ, кинилэр бииргэ төрөөбүт тохсуолар. Хаҥалас улууһа киинэ түспүт, сиргэ үктэммит дойдута буолар. Ийэтэ...
Бары күүһү ойуур баһаардарын утары!
Сонуннар | 12.07.2021 | 11:30
Бары күүһү ойуур баһаардарын утары!
От ыйын 9 күнүгэр "Марха өрүс көмүскээччилэрин" түмсүүтэ Дьокуускай куорат общественниктарын, Ил Түмэн дьокутааттарын, СӨ бырабыыталыстыбатын, Дьокуускайдааҕы Дума, Общественнай Палата чилиэннэрин, суруналыыстары, блогердары, улуустар землячестволарын көҕүлээччилэрин, улуустар бэрэстэбиитэллэрин, бары тэрилтэ үлэһиттэрин кытта көрсөн Горнай, Ханалас уонна да атын улуустарга улахан ойуур баһаардара турбуттарынан, Бүлүү федеральнай суол кылгас кэмҥэ сабылла сылдьыбытынан...
Больничнай 100 бырыһыан төлөнөр буолла
Тускар туһан | 18.07.2021 | 11:30
Больничнай 100 бырыһыан төлөнөр буолла
8 саастарын туола илик оҕолор ыарыйдахтарына бэриллэр бүлүтүөн  төлөнүүтэ дьэ уларыйда.  Балаҕан ыйын 1 күнүттэн 8-тарыттан кыра саастаах оҕо ыарыйдаҕына, төрөппүтүгэр “больничнай илиис” төлөбүрэ хамнас 100%-гар тэҥнэһиэҕэ. Билигин бу төлөбүр үлэ ыстааһыттан эрэ тутулуктаах. Эдэр төрөппүттэр ыстаастара кыра буоллаҕына, «больничнай илиис» төлөбүрэ хамнастарынааҕар төһө эмэ кыра буолар.  “Больничнай” төлөбүрүн үрдээһинэ...