28.12.2021 | 12:00

Ил Дархан харыйатыгар бастыҥ үөрэнээччилэр муһуннулар

Ил Дархан харыйатыгар бастыҥ үөрэнээччилэр муһуннулар
Ааптар: Киин Куорат

Ахсынньы 26 күнүгэр Судаарыстыбыннай циркаҕа үтүө үгэскэ кубулуйбут Ил Дархан Саҥа Дьыллааҕы харыйатын дьоро киэһэтэ өрөспүүбүлүкэ бастыҥ үөрэнээччилэрин түмтэ. Бу туһунан СӨ Баһылыгын уонна Бырабыыталыстыбатын пресс-сулууспата иһитиннэрдэ. 
Айсен Николаев бэлиэтээбитинэн, кэнники үс сылга,  уопсай уонна оскуола иннинээҕи үөрэҕирии 70 эбийиэгэ тутулунна. Итини сэргэ, кэлэр 2022 сылга Саха сирин үрдүнэн 15 саҥа оскуола тутуллан үлэҕэ киирэрэ былааннанар.
Маны таһынан, Хаҥалас улууһун Өктөм нэһилиэгэр Саха сирин Аччыгый академиятын саҥа үөрэнэр куорпуһа тутуллан бүтүөхтээх уонна «Хотугу Сулус» төгүрүк сылы быһа үлэлиир оҕо киинэ тутулла турар, итини кытта Үүнэр көлүөнэ пааркатын тутуута саҕаланар.
«Сыл аннараа өттүгэр, өрөспүүбүлүкэҕэ оҕо аймах хамсааһынын актыбыыстарын кытта көрсөрбөр, Дьокуускай куорат классическай гимназиятын үөрэнээччитэ Кирилл Горохов «Смотри, это Россия!» диэн куонкуруһу тэрийэр баҕалааҕын кэпсээбитэ. Эдэр киһи үтүө саҕалааһынын өйүүргэ санаммытым. Бу бырайыакпыт маннык киэҥ хабааннаах буолуо диэн санаабатахпыт. Быйыл бу куонкурус бэйэтин тула Арассыыйа 14 регионуттан 18 тыһыынча оскуола оҕотун түмтэ» – диэтэ оҕолорго эҕэрдэ тылыгар Ил Дархан.
Сылын аайы буоларын курдук, Ил Дархан харыйатыгар өрөспүүбүлүкэ киин куоратыттан уонна улуустарыттан 9-10 кылаастар бастыҥ үөрэнээччилэрэ ыҥырыллан кэлбиттэр. Пандемиянан сибээстээн, санитарнай хааччахтары учуоттаан үөрүүлээх тэрээһиҥҥэ 200 эрэ үөрэнээччи кыттар кыахтаммыт. Кинилэр бары – бастыҥ үөрэнээччилэр, олимпиадалар, научнай-практическай конференциялар уонна спорт күрэхтэһиилэрин  кыайыылаахтара. Тэрээһиҥҥэ этиллибитинэн, Саха сирин уон оскуолата Арассыыйа бастыҥ үрдүк үөрэҕин кыһаларыгар киирбит ыччат ахсаанынан Уһук Илиҥҥэ сүүрбэ оскуолалар ахсааннарыгар киирбит.
Үөрүүлээх тэрээһиҥҥэ сыл бастыҥ 700 үөрэнээччитигэр судаарыстыбыннай бырагыраамма чэрчитинэн 25 тыһ. солк. кээмэйдээх биирдэ төлөнөр стипендия олохтонно.

Сонуннар

Ордук ааҕаллар

«Sakhalifting» тардынааччылара сөхтөрөллөр
Спорт | 14.01.2022 | 20:42
«Sakhalifting» тардынааччылара сөхтөрөллөр
Ханна да тиийдэххэ, физкультуранан уонна спордунан утумнаахтык дьарыктанааччылар бааллар.  Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...
«Инникигэ хардыы» конференцияҕа Дьокуускайтан 263 үөрэнээччи кыттар
Сонуннар | 11.01.2022 | 12:00
«Инникигэ хардыы» конференцияҕа Дьокуускайтан 263 үөрэнээччи кыттар
Тохсунньу 8 күнүгэр «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция үөрүүлээхтик арылынна. Манна 34 оройуонтан 1 700 тахса үөрэнээччи бэйэлэрин научнай-чинчийэр  үлэлэрин түмүгүн билиһиннэрэллэр.  «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция куораттааҕы түһүмэҕэр 2021 сыл сэтинньи 10 күнүттэн ахсынньы 16 күнүгэр диэри дистанционнай форматынан...
Дьокуускай салалтата крематорий тутуутун көҥүллээтэ
Сонуннар | 11.01.2022 | 16:00
Дьокуускай салалтата крематорий тутуутун көҥүллээтэ
Олохтоох дьаһалта «Быдан Эргиир» ХЭТ киин куоракка колумбарийдаах крематорий тутарыгар көҥүлү биэрдэ. Ити туһунан куорат баһылыгын нэдиэлэтээҕи планеркатыгар этиллиннэ диэн иһитиннэрдэ  Олохтоох дьаһалта пресс-сулууспата.  Куораты тутууга уонна тырааныспар инфраструктуратыгар Департамент информациятынан, 2021 сыл кулун тутар ыйыгар «Национальная мемориальная компания» ХЭТ диэн Арассыыйа территориятыгар кремациялыыр комплекстары тутуу операторыттан коммерческай этии киирбит....
Окружной шоссеҕа саҥа светофордар
Сонуннар | 11.01.2022 | 14:00
Окружной шоссеҕа саҥа светофордар
Олохтоох дьаһалта тырааныспарга уонна суол инфраструктуратыгар Управлениетын информациятынан, Окружной шоссеҕа суолга куттал суох буолуутун хааччыйар сыаллаах икки светофор холбоммут. Кинилэр суол икки өттүнэн – Окружной шоссе быһа охсуһуутуттан уонна Космонавтар  уулуссаларыттан чугас тураллар. Бу туһунан Олохтоох дьаһалта пресс-сулууспата иһитиннэрдэ.  Светофордар суол икки өттүнэн барар тырааныспары тэҥҥэ тохтотор гына оҥоһуллубуттар. Оччоҕо...