Ил Дархан Айсен Николаев баһаартан эмсэҕэлээбиттэргэ суһал көмө оҥоһуллара наадатын эттэ

Өрөспүүбүлүкэ баһылыга Айсен Николаев бырабыыталыстыбаҕа уонна биэдэмистибэлэргэ туһаайан баһаартан эмсэҕэлээбит дьоҥҥо көмө тута оҥоһуллуохтааҕын туһунан эттэ.
«Үгүс дьоҥҥо докумуоннара суох эбэтэр ситэ оҥоһулла илик буолуон сөп. Ол иһин биһиги дьон диэки буолуохтаахпыт. Ити мин тус принцибим, сүрүн санаам. Итинник балаһыанньаҕа туох да бюрократия суох буолуохтаах», — диэбит Айсен Николаев Бэс-Күөл сэлиэнньэтигэр баһаартан эмсэҕэлээбиттэри өйүүр туһунан СӨ бырабыыталыстыбатын мунньаҕар. 
Санатар буоллахха, үөһэнэн барбыт ойүүр  баһаарын түмүгэр Бэс-Күөл сэлиэнньэтигэр 31 олорор дьиэ уонна тиэргэн иһинээҕи тутуулар умайбыттар, 225 дьиэни улахан сыранан быыһаабыттар. Билигин өрөспүүбүлүкэ салалтата баһаартан эмсэҕэлээбиттэргэ көмө оҥорор миэрэлэри ылынар.