22.10.2021 | 13:00

Ил Дархан алтынньы 30 - сэтинньи 7 күннэригэр үөрэнээччилэр сынньалаҥнарын быһаарарга сорудахтаата

Ил Дархан алтынньы 30 - сэтинньи 7 күннэригэр үөрэнээччилэр сынньалаҥнарын  быһаарарга сорудахтаата
Ааптар: Киин Куорат

СӨ Ил Дархана Айсен Николаев алтынньы 21 күнүгэр коронавируснай инфекцияны өрөспүүбүлүкэ территориятыгар тарҕаппат сыаллаах суһал штаб мунньаҕын ыытта. Кини өрөспүүбүлүкэҕэ санитарнай-эпидемиологическэй быһыыны-майгыны уустугунан сыаналаата. Суукка иһигэр коронавирус дьаҥынан ыалдьыы 282 саҥа түбэлтэтэ регистрацияламмыт, 168 киһи ыарахан туруктаах, итинтэн 31 киһитэ ИВЛ аппараатыгар холбоммут. Айсен Николаев сүрүн боппуруостары бэлиэтээтэ, ол иһигэр өрөспүүбүлүкэ бары оскуолаларыгар күһүҥҥү каникуллары биллэрии туһунан этилиннэ. 
Кини бэрэсидьиэн Владимир Путин быыһаарыытын кытта сөп түбэһиннэрэн алтынньы 30 күнүттэн сэтинньи 7 күнүгэр диэри (ити күнү киллэрэн туран) үлэлээбэт күннэринэн биллэриэххэ диэтэ. 
Баһылык вакцинация намыһах тэтимнээҕин ыйда. Саха сирин үс оройуонугар – Намҥа, Уус Алдаҥҥа уонна Чурапчыга быһыы былаана  70%-тан намыһах туолбут. Вакцинация тэтимэ Дьокуускай куоракка эмиэ намтаабыта этилиннэ. 
Ыалдьыбыт дьонтон быһыыны ылбатах өттө өлөр түбэлтэлэрэ аҕыйаабата бэлиэтэннэ. Ити туһунан вице-премьер Ольга Балабкина иһитиннэрдэ. 
Ил Дархан элбэх дьону мунньар түүҥҥү саататар тэрилтэлэри кытта үлэ күүскэ барыахтааҕын туһунан эттэ. Бастакы уочарат административнай хамыыһыйа уонна ис дьыала уорганнарын хонтуруоллуур рейдэлэригэр мэһэйдэһии тахсыа суохтааҕа этилиннэ.  
Айсен Николаев хааччахтыыр миэрэлэри хас биирдии киһи, ханна баҕарар тутуһуохтаах диэн тоһоҕолоон бэлиэтээтэ. 
Мунньах түмүгүнэн кини алтынньы 30 күнүттэн сэтинньи 7 күнүгэр диэри  (ити күнү киллэрэн туран) үөрэнээччилэр каникулларын тэрийэр боппуруоһу суһаллык быһаарарга сорудахтаата.  Итинник этиини Саха сиринээҕи Роспотребнадзор Управлениетын салайааччыта Маргарита Игнатьева киллэрдэ.  
Ил Дархан премьер-министр Андрей Тарасенкоҕа Өлүөнэ эбэҕэ муус туруор диэри кислород саппааһынан хааччыйар, оройуоннарга быһыы тэтимин күүһүрдэр сорудаҕы биэрдэ.

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Похуоттуу бардыбыт!
Сынньалаңңа | 14.05.2022 | 15:33
Похуоттуу бардыбыт!
Бу күннэргэ дьиэ кэргэнинэн, кылааһынан похуоттар саҕаланыахтара. Үчүгэй сынньалаҥы көрдөөх бырагыраама киэргэтэр. Сөбүлэһэҕит? Оччоҕуна “Киин куорат” бэлэмнээбит оонньууларын сэргээҥ, сэҥээриҥ!    Хамсаныылаах оонньуулар «Светофор» Хонууга эбэтэр балаһааккаҕа оонньонор. Онно икки уһун сурааһыны тардаҕыт. Бастакы сурааһын кэннигэр кыттааччылар оонньуу саҕаланыытыгар тураллар. Оттон иккис сурааһыҥҥа диэри ыытааччыттан (эккирэтэр киһи) куотан тиийиэхтээхтэр. Бастаан ыытааччыны...