02.02.2024 | 09:00

Икки оскуолаҕа саҥа модульнай спорт саалата арылынна

Икки оскуолаҕа саҥа модульнай спорт саалата арылынна
Ааптар: Киин Куорат
Бөлөххө киир

Киин куорат Сэбиэскэй Сойуус Геройа Федор Попов аатынан 20 №-дээх уонна Д.Г. Новопашин аатынан 10 №-дээх оскуолаларыгар саҥа модульнай спорт саалалара арылыннылар.

466 кв. м иэннээх, физическэй култууранан уонна спорт араас көрүҥүнэн дьарыктанарга наадалаах оборудованиенан толору хааччыллыылаах спорт саалалара дойду баһылыга Владимир Путин көҕүлээһининэн Уһук Илини сайыннарыыга бэриллибит бэрэсидьиэн субсидиятын суотугар дойду баһылыга Уһук Илиҥҥэ боломуочуйалаах бэрэстэбиитэлэ Юрий Трутнев уонна СӨ Ил Дархана Айсен Николаев өйөбүллэринэн тутулуннулар. Биир маннык спорт саалата бу күннэргэ Алдан куоратыгар үлэҕэ киирдэ.

Киин куоракка саҥа спорт саалаларын үөрүүлээх арыйыыга Бырабыыталыстыба бэрэссэдээтэлин солбуйааччы Ольга Балабкина, «Уһук Илиҥҥэ оскуола спорт саалалара» бырайыак салайааччыта биллиилээх спортсмен, киокусинкай каратэҕа аан дойду үс төгүллээх чемпиона Хаид Мантаев, СӨ үөрэх миниистирэ Ньургуна Соколова, Уһук Илин, СӨ дзюдоҕа чемпиона, Арассыыйа спордун маастарыгар хандьыдаат, 20 №-дээх оскуола 11 «б» кылааһын үөрэнээччитэ Мадина Цуканова, оскуолалар дириэктэрдэрэ, үөрэнээччилэр, уопсастыбаннас кыттыыны ыллылар.

Дьокуускай куорат салалтатын аатыттан баһылык Евгений Григорьев уонна баһылыгы солбуйааччы Антон Алексеенко кыттыыны ыллылар.

Куорат баһылыга Евгений Григорьев 10 №-дээх оскуола спорт саалатын арыйыыга оскуола хамаандата ааспыт сылга куорат оскуолаларын спартакиадатыгар иккис бириистээх миэстэни ылбытын бэлиэтээн туран, быйыл саҥа саалаҕа өссө үчүгэйдик бэлэмнэнэн, дьарыктанан, кыайыыны ситиһэллэригэр баҕарда.

Бэлиэтээн эттэххэ, 10 №-дээх оскуола баазатыгар «Точно в десятку» спорт кулууба үлэлиир. Үөрэнээччилэр волейбол, баскетбол, футбол, хоккей, теннис, фигурнай хаҥкылааһын секцияларыгар, спорт национальнай көрүҥнэринэн, дуобатынан, саахыматынан, фехтованиенан, буулдьанан ытыынан, каратэнан ситиһиилээхтик дьарыктаналлар.

Евгений Григорьев бэйэтин эҕэрдэ тылыгар аҕыйах хонугунан Хатаска саҥа спорт комплекса үлэҕэ киирээри турарын, аны сайын VIII «Азия» оҕолоро» оонньуулары көрсө Сайсары уокуругар ДЮСШ дьиэтин тутуу түмүктэнэрин, «Звезднай» түөлбэҕэ сабыылаах каток, Губин уулуссатыгар илиҥҥи киирсиилэр саалалара, 2023 сылга диэри куорат маастар былаанынан барыта 7 саҥа спорт эбийиэгэ үлэҕэ киириэхтээҕин иһитиннэрдэ.

Сэбиэскэй Сойуус Геройа Федор Попов аатынан 20 №-дээх оскуола спорт саалатын арыллыытыгар куорат баһылыгын солбуйааччы Антон Алексеенко: «Саҥа дьиэ саҥа кыахтары үөскэтэр. Маннык спорт саалалара маҥнай пилотнай бырайыак эрэ быһыытынан тутуллубуттара. Саха сирэ социальннай бырайыактары олоххо киллэриигэ бастакынан кыттара үөрүүлээх», - диэтэ.

«Уһук Илиҥҥэ оскуола спорт саалалара» бырайыак салайааччыта биллиилээх спортсмен Хаид Мантаев үөрэнээччилэргэ спорка бэйэтин айанын кэпсээтэ.

«Маннык үчүгэй хааччыллыылаах киэҥ-куоҥ спорт саалатыгар дьарыктанан, эһиги чаҕылхай көрдөрүүлэри ситиһэргитигэр эрэнэбин. Чөл олоҕу тутуһуҥ, олоххутун спорду кытта ситимнээҥ, тоҕо диэтэххэ спорт эти-сиини, майгыны-сигилини күүһүрдэрин таһынан, диссипилиинэни чочуйар, хамаандаҕа үлэлииргэ үөрэтэр», - диэтэ.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....