08.02.2021 | 13:58

«Иэйии» туһунан иһирэхтик

«Иэйии» туһунан иһирэхтик
Ааптар: Киин Куорат
Бөлөххө киир

«Иэйии» өрөспүүбүлүкэтээҕи литературнай түмсүү  коммерческайа суох тэрилтэ буолбутун туһунан сокуонунан  бигэргэтэн үлэтин саҕалаабыта сыл кэриҥэ буолан эрэр. Түмсүү саха тылын, литературатын сайдыытыгар  үлэлэһэр сыаллаах-соруктаах тэриллибитэ.  Салайааччы  Илья Ильич Афанасьев-Алмаас  биир санаалаах дьону  түмэн, утумнаах үлэни салайар.  Түмсүүбүтүгэр 35 киһи сылдьар. Манна Саха сирин суруйааччыларын сойууһун чилиэннэрэ Валерий Васильев-Муттухай Бороҥ, Галина Иванова- Айтыына Уран,  мелодист Люция Бандерова курдук чаҕылхай дьоннордоохпут. Кинилэр ыйан кэрдэн биэриилэринэн салайтаран, түмсүү олохтоохторо поэзия, проза жанрыгар холоноллор, сүбэлэһэллэр.

Түмсүү үгүс чилиэннэрэ хоһооннорун, кэпсээннэрин кинигэ гынан таһааттарбыт буолан, салгыы сайдарга баҕалаах, сонуну билэргэ көхтөөх дьон. Түмсүү  Саха сирин араас муннуктарыгар баар литературнай түмсүүлэри кытта ситимнээхтик үлэлэһэр. «Сыккыс” (Горнай улууһа), “Ньургуһун”(Мэҥэ Хаҥалас), “Эйгэ”(Дьокуускай), “Өлүөнэ очуостара” (Хаҥалас),  “Ньурба уоттара» (Ньурба улууһа), “Отуу уота” (Нам улууһа), «Уһуктуу» (Уус Алдан) кинилэр дьарыктарын, үлэлэрин- хамнастарын кытта билсиһэн  уопуппутун үллэстэбит. Биир таһымнаах  үлэбитинэн  «Кынаттаах ырам ырыалара» диэн ырыаларбыт хомуурунньуктарын  түмэн таһааттардыбыт. Диискэлээх, ноталаах ырыаларбытын кинигэ гынан билэр дьоммутугар бэлэх ууннубут. Түмсүү инстаграмм страницаланан билигин айар-суруйар дьоҕурдаах  дьоммут үлэлэлэрэ тиһигин быспакка тахса турар.

«Иэйии» литературнай түмсүү бу саҥа сылтан араас тэрилтэлэри кытта ситимнээх үлэни ыытар былааннаах ол курдук саха биллиилээх суруйааччыларын айымньыларын үйэтитиигэ, литература, история музейдарын үлэлэрин сырдатыыга, литература, культура эйгэтигэр чинчийэр,  көҕүлүүр үлэлэри  тэрийэн  ыытар былааннаах.

Дьэ, «Иэйиибит» туһунан  кылгастык кэпсээтэххэ  ити курдук. Сүбэни бииргэ түмэн, көхтөөхтүк үлэлиибит.

Саргылана Федорова - Саргылана Сайын

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
Уопсастыбаннай туоналарга куоластыырбытын умнубаппыт
Сонуннар | 03.04.2024 | 10:30
Уопсастыбаннай туоналарга куоластыырбытын умнубаппыт
Кулун тутар 15 – муус устар 30 күннэригэр эһиил, 2025 сылга, тупсарарга былааннанар эбийиэктэри быһаарар Бүтүн Арассыыйатааҕы куоластааһын буолар турар. Куоластааһыҥҥа 14-тэн үөһэ саастаах Арассыыйа гражданнара 14.gorodsreda.ru балаһааккаҕа киирэн, сөбүлээбит бырайыактарын талан кыттыахтарын сөп.  Дьокуускай куорат олохтоохторо быйыл Гагарин аатынан сквер, Щорс күөлүн кытыла, Сэргэлээх күөлүн кытыла (ДСК оройуона), Теплай...