28.06.2024 | 15:24

https://cinemalena.com/ сайтка киирэн, киинэҕэ босхо сырыт

https://cinemalena.com/ сайтка киирэн, киинэҕэ босхо сырыт
Ааптар: Киин Куорат
Бөлөххө киир

«Желанный берег» Арктикатааҕы искусство форумун чэрчитинэн VII-с Норуоттар икки ардыларынааҕы бэстибээлгэ кыттар киинэлэри «Лена» киинэ тыйаатырыгар босхо көрөр кыах баар.

Онуоха https://cinemalena.com/ сайтка киирэн, «Лена» киинэ тыйаатырыгар миэстэ эрэ талар ирдэнэр. Санатар буоллахха, Саха сириттэн бэстибээлгэ икки киинэ кыттар: Михаил Лукачевскай «Там, где танцуют стерхи» уонна Сергей Потапов «Король Лир».  

Бэстибээл киинэлэрин бырагыраамата:

Бэс ыйын 30 күнэ

«Там, где танцуют стерхи». Режиссёр: Михаил Лукачевский (Арассыыйа, Саха сирэ). 16+

Буолар бириэмэтэ: 14:00 ч.

Саха итэҕэлинэн, кыталык үҥкүүлүүрүн көрбүт киһи дьоллоох буолар. Кырачаан Ваня уонча сыл балыыһаҕа эмтэнэн тахсаатын кытта ийэтэ суох буолар. Уолчаан, ийэтин төнүннэрээри, оҕо эрэ санаммат хорсун быһыыларын оҥорор.

«Паб «Старый дуб». Режиссёр: Кен Лоуч. (Великобритания, Франция, Бельгия). 16+

Буолар бириэмэтэ: 15:55 ч.

«Старый дуб» — олохтоох шаахталар сабыллыахтарыттан хаалбыт бүтэһик бар. Урукку шахтердар оннуларыгар көһөн кэлбит беженецтэри олохтоохтор сөбүлээбэттэр. Арай паб хаһаайына Тиджей ыарахан кэмҥэ өйөбүл киһиэхэ барытыгар наада диэн санаалаах.

«Последняя цена». Режиссёр Наур Гармелия (Арассыыйа). 18+

Буолар бириэмэтэ: 19:00 ч.

Абхазия куоратыгар сэриигэ урусхалламмыт дьиэҕэ олорор нуучча ыала фундук үүннэрэн байыан баҕарар. Ол эрээри бөһүөлэккэ эриэхэ уорар баанда күөрэйэр.

От ыйын 1 күнэ

«Город ветров». Режиссёр: Лхагвадулам Пурев-Очир (Монголия, Германия, Нидерланды, Португалия, Франция) 18+

Буолар бириэмэтэ: 14:00 ч.

Зе – 17 саастаах уолчаан икки олоҕунан олорор. Ханнык баҕар аныгы оҕо курдук оскуолаҕа үөрэнэр, ол эрээри кини кут-сүр үөрэҕин эмиэ барар, ойуун буоларга бэлэмнэнэр. Сотору кини Маралаа диэн кыыһы көрсөн, санаата уларыйар.

«Хорошенькая». Режиссёр: Индия Дональдсон (США). 18+

Буолар бириэмэтэ: 16:05 ч.

17-лээх Сэм өрөбүллэригэр аҕатын уонна кини доҕорун кытта Катскиль хайаларыгар походтуу барсар. Айылҕаҕа тиийэн баран эр дьон туохтан эрэ кыыһырсан тураллар. Бу түгэнтэн саҕалаан кыысчаан аҕатыгар сыһыана уларыйар.

«Король Лир». Режиссёр: Сергей Потапов (Арассыыйа, Саха сирэ). 12+

Буолар бириэмэтэ: 19:00 ч.

 

Эдэр режиссер Дмитрий пансионакка Шекспир айымньытынан испэктээк туруоруон баҕарар эрээри, сүрүн дьоруойун кыайан талбат. Бу кэмҥэ пансионакка саҥа киһи киирэр – сиэннэрэ аккаастаммыт Алексей. Кини дьылҕата Илиир хоруол дьылҕатыгар майгынныыр.

От ыйын 2 күнэ

«Пылающее облако». Режиссёр: Лю Сыи (Китай). 18+

Буолар бириэмэтэ: 14:00 ч.

Таптыыр имэҥи билбэт гына аптаммыт уол туһунан фэнтэзи. Кини уураатаҕына, таптаһар сүрэхтэр утуйан хаалаллар. Уол бэйэтиттэн бу абы уста сатаан, араас дьиктини көрсөр. Киинэ Монреал Fantasia бэстибээлин кыттыылааҕа.

«Дастур». Режиссёр Куаныш Бейсек (Казахстан). 18+

Буолар бириэмэтэ: 19:00 ч.

Өлөр өлүүттэн кытаанах диэн эмиэ баар... Баай киһи уола тыаттан кэлбит кыыһы күүһүлээбитин, дьыаланы кистии сатыыр. Быыһанар суол биир эрэ — уруу малааһынын тэрийии. Кыыс баай ыалга кийиит буолан киирээтин кытта, буруйдаахтар бары биир-биир өлүтэлээн бараллар...

«78 дней». Режиссёр: Эмилия Гасич (Сербия). 18+

Буолар бириэмэтэ: 21:00 ч.

1999 сыллаахха НАТО Сербияны буомбалыырыгар үс кыыстаах аҕа сэриигэ барар. Кыргыттар видеокамераны ылан, хайдах олоро хаалбыттарын устан саҕалыыллар. Бу киинэ - “Дневники Анны Франк” киинэҕэ хоруй быһыытынан сыаналыыллар. Премьера 2024 сылга Роттердамҥа (IFFR) былааннанар.

Бэстибээл киинэлэрин көтүтүмэҥ!

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Мария Мигалкина:   «Кэлии сиэмэлэринэн үлүһүйүмэҥ»
Дьон | 19.07.2024 | 10:00
Мария Мигалкина: «Кэлии сиэмэлэринэн үлүһүйүмэҥ»
Мин бүгүн ааҕааччыларбар, ордук хаһаайкаларга, 35 сыл үлэлээбит уопуттаах агроном, билигин биэнсийэлээх, дойдутугар сайылыы сылдьар Мария Семеновна Мигалкинаны кытта тэлгэһэтигэр тиийэн, үүнээйитин, сибэккитин көрө-көрө, дуоһуйа, астына кэпсэттим.   Сибэккигэ уоҕурдууну хото туттабын Бастатан туран ааҕааччыларга циния диэн сибэкки туһунан кэпсиэҕим. Урут биһиги “Циния обыкновенная” диэни олордор этибит, билигин “Циния кустовая” диэн...
Дьулустаан Ноговицын: ДЬУЛУС! ТУЛУС! КЫАЙ!
Дьон | 11.07.2024 | 10:00
Дьулустаан Ноговицын: ДЬУЛУС! ТУЛУС! КЫАЙ!
«Киин куорат» хаһыат бүгүҥҥү ыалдьыта – Туймаада туонатын Үрүҥ Тунах ыһыаҕын «Дыгын оонньуулара» күөн-күрэһин Таас Боотура, быйылгы күрэх муҥутуур кыайыылааҕа Дьулустаан Ноговицын.   Дьулустаан Ноговицын: – Дьокуускай куорат 1№-дээх баһаарынай чааһын байыаһа, төрөппүттэригэр соҕотох уол, эдьиийигэр быраат, тапталлаах кэргэн, үс оҕо амарах аҕата; – Мас тардыһыытыгар Саха Өрөспүүбүлүкэтин, Арассыыйа уонна аан...
Изабелла Попова: Сүрэхпэр сөҥөрбүт дьүөгэлэрим
Дьон | 19.07.2024 | 12:00
Изабелла Попова: Сүрэхпэр сөҥөрбүт дьүөгэлэрим
Арассыыйа үөрэҕириитин туйгуна, Саха сирин үөрэҕириитин бочуоттаах үлэһитэ, хас да кинигэ ааптара Изабелла Ильинична Попова бүгүн өрөгөйдөөх үбүлүөйүн көрсө өссө биир кинигэтин сүрэхтиир. Дьэ, кырдьык, сүрэхтиир... Сүрэҕин сылааһын иҥэрбит кинигэтин!   Ахтар-саныыр дьүөгэлэрим, Аламаҕай сэгэрдэрим, Саһарҕалаах сарсыардабын Сандаарытар куоларым!   Сүр... Сүрэх, сүрдээх, сүрэхтиир... Сахабыт тыла барахсан тугун бэрдэй! Биир тылтан силистэнэн-мутуктанан...