09.08.2022 | 14:00

Хотугу төрүт норуоттар быыстапкалара аһылынна

Өрөспүүбүлүкэтээҕи Национальнай художественнай музейга «Сирэктэ – үйэлэри ситимниир» хотугу сирдэр уонна Арктика аҕыйах ахсааннаах төрүт норуоттарын таҥастарын быыстапка-лабораторията аһылынна.
Хотугу төрүт норуоттар быыстапкалара аһылынна
Ааптар: Киин Куорат
Бөлөххө киир

Арассыыйа норуоттарын култуурунай нэһилиэстибэтин сылыгар анаммыт быыстапкаҕа хотугу норуоттар култуураларын уонна үгэстэрин көрдөрөр сэдэх экспонаттар бааллар. Манна эбээннэр, эбэҥкилэр, долгааннар, юкагирдар уонна чукчалар художественнай нэһилиэстибэлэрин кытта билсиэххэ сөп. Ол курдук, экспозицияҕа национальнай таҥас уонна норуот маастардарын оҥоһуктарын 70-тан тахса көрүҥнэрэ бааллар. Быыстапка силигин аҕыйах ахсааннаах төрүт норуоттар худуоһунньуктарын хартыыналара ситэрэллэр.

Тэрээһин үөрүүлээх аһыллыытыгар Ил Түмэн хотугу уонна Арктика аҕыйах ахсааннаах норуоттарын боппуруостарыгар сис хамыыһыйатын бэрэссэдээтэлэ Елена Голомарева, өрөспүүбүлүкэ култууратын уонна духуобунай сайдыытын миниистирин бастакы солбуйааччыта Владислав Лёвочкин, музей, лаборатория үлэһиттэрэ уонна норуодунай ансаамбыллар кытыннылар. «Хас биирдии норуот бэйэтин национальнай көстүүмүн көрдөрдө. Өрөспүүбүлүкэ аҕыйах ахсааннаах төрүт норуоттарын таҥастарын лабораторията сайдар кэскиллээҕэр эрэнэбин. Тэрилтэбит аата дойдубут араас муннуктарыгар дуорайдын!», – диэн эҕэрдэлээтэ Елена Голомарева.

«Лаборатория уопсастыба олоҕор көхтөөхтүк кыттарыгар баҕарабын. Маннык суолталаах тэрээһиннэри ыытаргытыгар мэлдьи өйүөхпүт. Бу үгэстэрбитин үйэтитиигэ сүдү кылаатынан буолар», – диэн бэлиэтээтэ Владислав Лёвочкин.

«Сирэктэ – үйэлэри ситимниир» быыстапка атырдьах ыйын 21 күнүгэр диэри үлэлиир.

Сонуннар

Ордук ааҕаллар

Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Рулет арааһын астыахха
Тускар туһан | 23.03.2024 | 10:00
Рулет арааһын астыахха
Бүгүн ааҕааччыларбытыгар астыырга чэпчэки уонна судургу, ол эрээри олус минньигэс уонна тотоойу сокуускалар ырысыаптарын бэчээттиибит. Бырааһынньыктааҕы сандалыгытын киэргэтиэхтэрэ, өрөбүллэргэ сонун бүлүүдэ буолуохтара.