12.07.2020 | 16:25

Хоро нэһилиэгэ кинигэ таһаарда

Хоро нэһилиэгэ кинигэ таһаарда
Ааптар: Киин Куорат

Сунтаар улууһун Хоро нэһилиэгэ быйыл Улуу Кыайыы 75 сылыгар Ийэ дойдуларын көмүскээбит биир дойдулаахтарын туһунан кинигэни таһаартарда.

Хомуйан оҥорооччулар – СӨ норуотун хаһаайыстыбатын үтүөлээх үлэһитэ, Сунтаар улууһун, Хоро нэһилиэгин бочуоттаах олохтооҕо П.И. Уаров,  М.К. Аммосов аатынан ХИФУ научнай библиотекатын кылаабынай библиотекара Е.П. Ксенофонтова.

Кинигэ биэс түһүмэххэ араарыллан суруллубут. Ааптардар хас биирдии буойун туһунан чуолкай буоллун диэн, 34 анал кинигэни туһаммыттара, библиографическай ыйынньык быһыытынан толору наарданан суруллубут. Ханнык кинигэҕэ, хаһыакка суруллубута барыта ыйыллыбыт. Манна биир үчүгэйэ диэн, сэрии хонуутуттан төннүбэтэх буойуттар ааттара, сэрии кыттыылаахтарын наҕараадалара, буойуттар туһунан хаартыскалаах ахтыы толору киирбит. Билигин биир да бэтэрээн тыыннаах ордубатах кэмигэр, аныгы көлүөнэҕэ улахан бэлэх дии санаатым. Төрөөбүт нэһилиэкпититтэн кимнээх барбыттарын билэргэ тугунан да кэмнэммэт улахан үлэ.

Түмүктээн эттэххэ, кинигэ ааптара Прокопий Иванович Уаров Сунтаар улууһуттан төрүттээх, СӨ бырабыыталыстыбатын аппараатыгар салайар үлэҕэ, кэлин Кыайыы өрөспүүбүлүкэтээҕи пуондатыгар ситиһиилээхтик үлэлээбит салайааччыбыт буолар. Кыайыы үбүлүөйдэригэр анаан элбэх кинигэни таһаарбыт үтүөлээх. Үйэтитиигэ үлэҥ тугунан да кэмнэммэт сүдү суолталааҕын үрдүктүк сыаналыыбыт. Хас да көлүөнэ тухары эн аатыҥ биир дойдулаахтаргар махталынан ааттана туруо.

Марта Николаева

Сонуннар

Ордук ааҕаллар

Үлэҕэ ыыппытым, состоруулаах кэллэ
Сынньалаңңа | 22.09.2022 | 18:00
Үлэҕэ ыыппытым, состоруулаах кэллэ
Биһиги ыал буолан олорбуппут 20-тэн тахса сыл буолла. Кэргэммин хас хамсаныытын, тыынарын, атаҕын тыаһын, оннооҕор ааны арыйан киирэриттэн настарыанньата уларыйбытын олох ончу курдаттыы билэбин. Ол курдук чугастыыбыт, ол курдук бэйэ-бэйэбитин билсэн, биир сыалай буолбуппут ыраатта. Оннооҕор биир түүлү түһээн турааччыбыт, киэһээҥҥи аһылыкка тугу астыахтаахпытын, тугу сиэхпитин баҕарарбытын тэҥинэн этэн кэбиһэн...
Үлэни, дьиэ кэргэни өрө-тутан – үйэ аҥаара бииргэ
Дьон | 22.09.2022 | 10:00
Үлэни, дьиэ кэргэни өрө-тутан – үйэ аҥаара бииргэ
Быйыл балаҕан ыйыгар Дьокуускайга Саха АССР 100 уонна киин куорат төрүттэммитэ 390 сылларыгар анаммыт «Трудовые династии города Якутска» кинигэ сүрэхтэммитэ. Кинигэни Саха сирин бэчээтин туйгуна Юрий Троев таһаарда, ааптар-хомуйааччы – Матрена Кондратьева.
Үтүө үөрүйэх уонна практикаҕа таба туһаныы
Сонуннар | 22.09.2022 | 11:22
Үтүө үөрүйэх уонна практикаҕа таба туһаныы
Дьокуускай куорат спортивнай үҥкүүгэ тренердэрэ анал үөрэхтээһини көхтөөхтүк ааһаллар уонна бэйэлэрин сатабылларын үрдэтэллэр. Балаҕан ыйыгар ыытыллыбыт үөрэх бу сылга номнуо иккиһин буолла. Тустаах тосхол 2021 сыллаахха бигэргэниэҕиттэн 5 маастар- кылаас ыытылынна.
Саныахха бу ааспыт сайыны
Сынньалаңңа | 23.09.2022 | 18:00
Саныахха бу ааспыт сайыны
Сайыммыт элэс гынан ааспытын өйдөөбөккө да хааллыбыт. Харах далыгар сылдьар дьоммут сынньалаҥнарын хайдах атаардылар? Ким тугу ситистэ, ханна сырытта? Ол туһунан биһиги “сулус” доҕотторбутуттан сурастыбыт.