22.06.2021 | 11:30

Хомус Музейа уонна Киинэ саха хомустарын бастакы каталогтарын таһаарда

Хомус Музейа уонна Киинэ саха хомустарын бастакы каталогтарын  таһаарда
Ааптар: Киин Куорат

Аан дойду норуоттарын хомуһун Музейа уонна Киинэ саха хомустарын бастакы каталогтарын таһаарда, онно пуондаттан 628 үнүстүрүмүөн киирдэ диэн бу тэрилтэ  пресс-сулууспата иһитиннэрэр. 
Манна Саха сирин 21 оройуонуттан уонна киин куораттан 142 маастар хомуһа киирбит. Итини таһынан хаһан, киминэн оҥоһуллубута биллибэт 54 хомус баар. Каталог хомус оҥоһуллубут сириттэн көрөн сэттэ салаалаах: Дьокуускай, Киин, Илин эҥэр, Бүлүү, Хоту уонна Соҕуруу оройуоннар бөлөхтөрө уонна ким оҥорбута биллибэт хомустар.  «Каталогка терминнэр кылгас тылдьыттара уонна схемалара баар. Каталог икки тылынан – нууччалыы  уонна английскайдыы суруллубут», - диэн этиллэр пресс-сулууспа иһитиннэриитигэр. 


Каталог сэдэх, ураты буолааһынын сүрүнэ – манна XVII  үйэттэн саҕалаан бүгүҥҥү күҥҥэ диэри саха норуотун хомуһа барыта мунньуллубут. Манна үлэлээбит дьон хомуһу ойуулуурга саҥа көрүүнү, хомус чаастарыгар саҥа терминнэри киллэрбиттэр. 
Каталог тахсыыта Аан дойду норуоттарын хомуһун Музейа уонна Киинэ тэриллибитэ 30 сылыгар уонна тэрилтэни төрүттээччи И.Е. Алексеев – Хомус Уйбаан 80 сааһыгар анаммыт.  Саҥа таһаарыы сүрэхтэниитэ быйыл күһүн буолар. 
Эһиил каталог өссө икки туомун таһаарар былаан баар. Онно хомус музейын пуондатыттан аан дойду норуоттарын варгааннара киириэхтээхтэр. 30 сыл үлэлээбитин тухары Аан дойду норуоттарын хомуһун Музейа уонна Киинэ Сир араас муннуктарыттан 1700 тахса 57 норуот варгааннарын хомуйбут. 
Каталогу музей кэлэктиибэ эрэдээктэрдэри, тылбаасчыттары, фотографтары уонна компьютернай дизайнердары кытта ыкса үлэлээн, Саха сирин култуураҕа Министиэристибэтин үбүнэн, Алмаасэргиэнбаан спонсорскай көмөтүнэн таһаарбыт.

Сонуннар

Ордук ааҕаллар

Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Аар Саарынтан алгыстаммыт Күн Сандаара
Дьон | 04.12.2022 | 16:00
Аар Саарынтан алгыстаммыт Күн Сандаара
Кэлиҥҥи сылларга айылҕаттан айдарыылаах, олоххо ураты көрүүлээх, тарбахтарыгар талааннаах, илиилэринэн илбийэн эмтиир сахалыы эмчиттэри хаһыаппытыгар үгүстүк сырдатан кэллибит. Бүгүн мин биир дойдулаахпын, алгысчыт, сахалыы эмчит Саргылаана Винокурова-Күн Сандаараны билиһиннэриэхпин баҕарабын.  Күн Сандаара Нам улууһун Салбаҥ нэһилиэгиттэн төрүттээх. Ол гынан баран өр сылларга Сунтаарга олорбут буолан, Сунтаарын ордук чугастык саныыр.   Кулгаахпар...
Ийэ айманар сүрэҕин туох уоскутуой...
Сытыы муннук | 01.12.2022 | 12:03
Ийэ айманар сүрэҕин туох уоскутуой...
Билиҥҥи балаһыанньаҕа, билиҥҥи судургута суох кэмҥэ оҕотун байыаннай дьайыыга атаарбыт ийэлэрдиин кэпсэтэртэн ордук ыарахан суох. Кинилэр куоластара титириирэ, харахтарын уутун кистээн туора соттоллоро, оҕолорун тустарыгар күүстээх, тулуурдаах буола сатыыллара киһини өссө уйадытар, уоскутар тылы булбакка мух-мах бараҕын. Бу сырыыга оҕолорун атаарбыт, кэтэһэр, эрэнэр икки ийэни кытта харах уулаах кэпсэтиибин ааҕааччыларбар...
Ытаспакка, этиспэккэ,  үөрэ-көтө...
Тускар туһан | 25.11.2022 | 18:00
Ытаспакка, этиспэккэ, үөрэ-көтө...
Элбэх төрөппүт оҕотугар дьиэтээҕи үлэтин оҥороругар көмөлөһөрө кистэл буолбатах. Сорохтор “тэбис-тэҥҥэ үөрэнсэбит”, “киэһэ аайы ол айдаана”, “айа, стресс” диэн муҥатыйалларын үгүстүк истэбит. Чуолаан дистанционнай үөрэх кэмигэр дьиэтээҕи үлэни толоруу “сэриигэ” кубулуйа сыспыта.