09.11.2021 | 14:28

Хочуолунай оннугар спорткомплекс арыллыаҕа

Хочуолунай оннугар спорткомплекс арыллыаҕа
Ааптар: Киин Куорат

Киин куорат Билибин уулуссатын 1 №-гэр баар урукку «Промкомлекс» хочуолунай дьиэтигэр (бас билээччи «Теплоэнергия» АУо) оҕолор буоксанан уонна кикбоксингынан дьарыктанар спорткомплекстара арыллыаҕа. Куорат баһылыга Евгений Григорьев хочуолунай дьиэтигэр сылдьан, көрөн-истэн баран итиннэ сыһыаннаах сорудахтары биэрдэ. Бу туһунан Уокуруктааҕы дьаһалта пресс-сулууспата иһитиннэрдэ. 
Евгений Григорьев Сайсары уокуругун олохтоохторо социальнай, спорт эбийиэктэригэр олус наадыйалларын бэлиэтээтэ. 
«Бу соругу ситиһэргэ урукку хочуолунай дьиэтигэр хапытаалынай өрөмүөн ыытан, наадалаах тэриллэринэн хааччыйан баран буоксаҕа уонна кикбоксиҥҥа дьарыктыыр Академия арыйарга быһаарынныбыт. Тоҕо Академия диир буоллахха, эбийиэк наһаа улахан иэннээх – 1200 кв. м., тутуу бары нуорматынан оҥоһуллубут. Спорт эбийиэгэ оҥордохпутуна өрөспүүбүлүкэҕэ атылыыта суох буолара чуолкай. Бу буокса уонна кикбоксинг сайдыытыгар улахан кылаатынан буолуоҕа», – диэтэ  куорат баһылыга. 
Хочуолунай,  ититиинэн туһанааччылар ГРЭС-2 холбоммуттарынан сибээстээн, 2019 сылтан үлэлээбэт. Ол туһунан «Теплоэнергия» АУо генеральнай дириэктэрэ Михаил Воробьев иһитиннэрдэ. Хочуолунайга чугаһыыр суоллар табыгастаахтар, массыына парковката баар, онон бу дьиэ саҥа социальнай эбийиэк буоларыгар бары өттүнэн табыгастааҕа бэлиэтэннэ.
«Хочуолунай дьиэтигэр инженернэй коммуникация барыта баар – уот ситимэ, итии уонна тымныы уу, ититии, канализация. Билиҥҥи туругунан хочуолунайы суох оҥоруу хаамыыта барар. Манна урут ыарахан хочуоллар турбуттара, онон дьиэ акылаата бөҕө диэн бэлиэтиэххэ наада», – диэтэ  Михаил Воробьев.

Сонуннар

28.05.2022 | 11:57
Клещ кэллэ!

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Сааскы Ньукуолун — күөххэ үктэнии өрөгөйө
Тускар туһан | 20.05.2022 | 14:00
Сааскы Ньукуолун — күөххэ үктэнии өрөгөйө
Ыам ыйын 22 күнэ – сааскы Ньукуолун. Кыһыҥҥы Ньукуолун ахсынньы 19 күнүгэр бэлиэтэнэр (День святого Николая Чудотворца) Таҥара дьиэтин  бырааһынньыга.   Саха дьонугар былыр-былыргыттан сааскы Ньукуолун күнэ олус ытыктанар, улахан суолталаах, күүтүүлээх. Бу күн уһун кыһыны этэҥҥэ туораан, күөххэ үктэнии үөрүүтэ-өрөгөйө буолар. Мөккүөрдээх соҕус да буоллар, бу күнү сорохтор өссө саха...
Бүтүн агробөһүөлэги туттарбыт салайааччы
Дьон | 22.05.2022 | 12:00
Бүтүн агробөһүөлэги туттарбыт салайааччы
Үлэ ситиһиилээх буолуутун төрдө – сатабыллаах, далааһыннаах быһаарыныылары ылынар салайааччы. Өссө ааспыт үйэ 60-с сылларыгар, этэргэ дылы, үрэх баһа дойдуга бүтүн агробөһүөлэги туттаран бүгүн даҕаны уос номоҕор сылдьар бөдөҥ салайааччы Иван Васильевич Николаев туһунан “Бырааттыы Мординовтар” музейы салайар Сардана Александровна Васильевалыын кэпсэттибит.   – Сардана Александровна,  Саха АССР төрүттэммитэ 100 сылынан...