18.04.2020 | 14:38

Хоһоон - олох аргыһа

Хоһоон - олох аргыһа
Ааптар: Киин Куорат
Бөлөххө киир

Бу соторутааҕыта Дьокуускай куорат Автодорожнай уокуругун 13 айар куттаах олохтоохторо араас тиэмэҕэ суруйбут хоһооннорун хомуурунньуга бэчээттэнэн таҕыста. 40 арыллар сирэйдээх, халыҥ лаахтаах кумааҕыга хас биирдии ааптар хоһооно өҥнөөх кырааскалаах, сайыҥҥы чээлэй айылҕа кэрэтинэн киэргэтиллибит. Биирдии киһиттэн 1-4 хоһооннор киирбиттэр. Кинигэбит тас ойуутугар куорат ыһыахтыыр сирэ Үс Хатыҥ хартыыната онно уокурукпут эмблемата олорор. Иккис сирэйгэ Крупская уулусса уонна проспект Ленина быһа охсуһууларыгар турар обелискпыт хаартыската баар. "Хоһоон - олох аргыһа" диэн мээнэҕэ эппэттэр, хоһоон тыллара хаһан баҕарар киирэн кэлэр кэмнээхтэр. Манна Ирина Абрамова, Анатолий Афанасьев, Евдокия Гаврильева, Августина Дягилева, Мария Егорова, Евдокия Захарова, Татьяна Ксенофонтова, Анна Козлова, Николай Кондратьев, Татьяна Макарова, Николай Местников, Вера Шамсутдинова, Галина Сидорова кэрэни кэрэхсиир хомоҕой хоһоонноро талыллан киирдэ. Кинигэбит күн сирин көрөрүгэр Автодорожнай уокурук баһылыгын солбуйааччы Иосиф Михайлович Слепцов улахан үтүөлээх-өҥөлөөх. Кини " КОЛМИ" хампаанньа дириэктэрин Николай Иннокентьевич Румянцевы тылыгар киллэрэн, үбүнэн көмөлөһүннэрбитигэр улаханнык махтанабыт. Хомуурунньукпутун олус ис киирбэх гына СӨ бэчээтин туйгуна Николай Гаврильевич Местников дириэктэрдээх "САЙДЫЫ" типография таһаарда. Улуу Кыайыы 75 сылыгар анаабыт уокурукпут бастакы анал кинигэтин аахпыттар сэҥээриэхтэрэ диэн эрэллээхпин.

Анна КОЗЛОВА

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...