Хоһоон ааҕыытыгар аһаҕас күрэс

Саха АССР төрүттэммитэ 100 сылын кѳрсѳ, Ньурба оройуонун Малдьаҕар нэhилиэгин В.И. Максимов аатынан орто оскуолата 100 сылынан, Малдьаҕар  нэhилиэгин бастакы учуутала,  Дьокуускайдааҕы учительскай семинария бастакы выпускнига (1914-1917с.с)., Ньурба улууһун исполнительнай комитетын бэрэссэдээтэлэ, бэрэссэдээтэл солбуйааччыта (1924-1927 с.с)., Бүлүү уеһын общественнай куттала суох буолуутун комитетын чилиэнэ, продовольственнай уонна сир управаларын бэрэссэдээтэлэ (1923 с.), Саха Сирин киин ситэриилээх комитетын чилиэнэ-1926 с., Хонтуруолунай хамыыhыйа чилиэнэ (1927-1929 с.), Саха сирин прокуратуратын үлэһитэ (1929-1931 с.с.), адвоката (1931-1951 с.с.) – Михайлов Николай Климович төрөөбүтэ 125 сылыгар анаан, Өрөспүүбүлүкэтээҕи бөлөҕүнэн хоһоон ааҕыытыгар аһаҕас күрэс биллэрэбит. 

Балаһыанньата:
Тэрийээччилэр:
- Малдьаҕар нэhилиэгин олохтоох бибилэтиэкэтэ;
-  Николай Климович Михайлов убайын Семен Климович Михайлов сиэнэ Любомир Михайлов уонна кини дьиэ кэргэнэ.
Кыттааччылар: 
- Тэрилтэ үлэhиттэрэ, учууталлар, араас сылларга Малдьаҕар оскуолатын бутэрбит оҕолор. 
Күрэс сыала-соруга:
- Дьоҥҥо-сэргэҕэ Сахабыт сирин Автономията тэриллэр  кэмин саҕанааҕы тыынын хоhоон нѳҥүѳ тиэрдии;
-Төрөөбүт дойдуга тапталы иҥэрии, дойдунан киэн туттууну, өрө көтөҕүллүүнү, патриотическай өйү-санааны көҕүлээһин;
-   Нэhилиэк чулуу дьонун аатын-суолун сырдатыы, үйэтитии.
- Хоhоон авторын киэҥ эйгэҕэ билиhиннэрии.
Ыытыллар кэмэ:
Хоһоону сэтинньи 27- ахсынньы 1 күннэригэр тиксэрэҕит.
Күрэс ирдэбилэ:
- 18 сааһыттан үөһээ саастаахтар кытталлар. 
- Хоhоону бѳлѳҕүнэн, эбэтэр соҕотоҕун ааҕыаххытын сѳп.
- Кыттааччы барыта Маргарита Егорова "Ньурба ньургун уолаттара ини-бии Михайловтар ааттара суппэттэр" диэн биир хоһоонун нойосуус ааҕан видеоҕа устан ватсаабынан 89659934056 нүөмэргэ ыытар. Толору ааккытын, электроннай почтаҕытын, оройуоҥҥутун, нэһилиэккитин чуолкайдык суруйан ыытаҕыт.
Сыанабыла, наҕараадалааһына:
-    Хас биирдии кыттааччыга туоһу сурук электроннай почтаҕа ыытыллар.  
-    Бастаабыт хоhооннор 1, 2, 3 миэстэлэргэ харчыннан бириэмийэлэниэхтэрэ:
1 миэстэ - 5000 солкуобай
2 миэстэ - 3000 солкуобай
3 миэстэ - 2000 солкуобай
-    Дьүүллүүр сүбэ быһаарыытынан бастаабыт уонна биһирэммит хоһооннор бибилэтиэкэ @lib_bysyttax инстаграм сирэйигэр тахсыаҕа. 

Тэрийэр бөлөх