23.07.2021 | 11:30

ХИФУ «Summertime Russian 2021» сайыҥҥы кулуупка кыттыста

ХИФУ «Summertime Russian 2021» сайыҥҥы кулуупка кыттыста
Ааптар: Киин Куорат
Бөлөххө киир

ХИФУ преподавателлэрэ аан бастакы төгүлүн «Summertime Russian 2021» тылы үөрэтэр кулууп лектордарынан буоллулар. Ол туһунан университет пресс-сулууспата иһитиннэрэр. 
Университет икки преподавателлэрин салалтатынан от ыйын 19 күнүттэн атырдьах ыйын 15 күнүгэр диэри 20-н тахса дойду 350 устудьуона нуучча тылыгар билиилэрин хаҥаттыахтара. 
Кулууп «Российские университеты-экспортеры» ситиминэн бииргэ үлэлээһин чэрчитинэн тэриллибит. 
«Ый устата IPR MEDIA платформа омук устудьуоннара нуучча тылын үөрэтэллэригэр төһө табыгастааҕын уонна көдьүүстээҕин бэрэбиэркэлээри гынабыт. Ити балаһааккаҕа бары ирдэнэр учебниктар, үөрэнэр тэриллэр, аудио-видеоматырыйааллар бааллар. Инники өттүгэр платформаны үөрэх процеһыгар туттуохпутун баҕарабыт», – диэн эппит ХИФУ аан дойдутааҕы сибээстэрин салайар Илиҥҥи Институтун сүрүннүүр специалиһа Ализана Слепцова. 
Лектор омук истээччилэригэр биир дьарыгы ыыппыт.
«Уруок үчүгэйдик ааста, үөрэнээччилэр ортолоругар араас омук бэрэстэбиитэллэрэ, холобур, итальянецтар, испанецтар бааллара. Уопсайа алталар. Нуучча култууратын аастыбыт, онно эбии нуучча араспаанньаларын, ааттарын, аҕаларын ааттарын үөрэттибит. Истээччилэр нууччалыы үчүгэйдик билэр буоланнар кэпсэтиини ыытар табыгастаах буолла. Бүгүн өссө дьарык буолар», - диэн кэпсээбит Ализана Слепцова.
«Бастакы дьарыкпар аан дойду араас муннуктарыттан – Португалияттан, Мексикаттан, Индонезияттан, Турцияттан, Шри-Ланкаттан 20 саастарыттан 73-гэр диэри истээччилэр бааллара. Тоҕо нуучча тылын үөрэтэҕит диэн ыйытыкка Францияттан төрүттээх саастаах истээччи доруобуйатын профилактикалаан дьарыктанарын эттэ. Мин санаабар, итинник сааска омук тылын үөрэтэр уонна В2 таһымҥа тиийэр хайҕабыллаах. Ити истээччи нууччалыы үчүгэйдик саҥарар эрэ буолбакка, толкуйдуура эмиэ нууччалыы», – диэн эппит ФЛФ старшай преподавателэ Ирина Липинская.
Кулууп дьарыктара ZOOM платформаҕа нэдиэлэҕэ икки төгүл балтараалыы чаас буолаллар. Истээччилэр нуучча тылыгар бэйэлэрин интэриэстэринэн дьарыктаналлар: киинэ, спорт, социальнай ситим, айан уо.д.а. Улахан болҕомто нуучча култууратыгар, үгэстэригэр, национальнай кухнятыгар, фольклоругар ууруллар.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.