ХИФУ программистара чемпионат полуфиналыгар киирдилэр

Устудьуоннар Тимур Куличкин, Владислав Обудов уонна Николай Дмитриев баар  «Ice Guys» бастакы хомуур хамаандалара муҥутуур кыайыылааҕынан буолла.  Иккис «Lafa» хамаандаҕа Аркадий Дмитриев, Федор Гаврильев уонна Ян Власов бааллар, кинилэр ахсыс миэстэҕэ уонна призер дипломугар тигистилэр.

Полуфиналга тахсар иһин 34 хамаанда кииристэ, тэрээһин Уһук Илиҥҥи федеральнай университет баазатыгар ыытылынна.

Информационнай технологиялар кафедраларын старшай преподавателэ Дьулустан Никифоров иһитиннэрбитинэн, олимпиадаҕа хамаандалар уустук алгоритмическэй сорудахтары суоттуурга күрэхтэһэллэр.

«Полуфиналга элбэх күүстээх хамаанда баар буолуоҕа – Хотугу Евразия бастыҥ хамаандалара. Итиннэ Арассыыйа, Армения, Азербайджан, Казахстан, Кыргызстан уо.д.а дойдулар бааллар. Ол эрэн, биһиги хамаандабыт дипломҥа тиксиэн сөп дии саныыбын. Ахсынньы 11-13 күннэригэр түөрт балаһаакканан ыытыллар полуфиналга диэри күүскэ дьарыктаныахпыт. Уолаттарбыт Санкт-Петербурга, эбэтэр Новосибирскайга күрэхтэһиэхтэрэ», – диэтэ Дьулустан Никифоров.