24.06.2021 | 17:00

ХИФУ-ны бүтэрээччилэр кыһыл дипломнары туттулар

ХИФУ-ны бүтэрээччилэр кыһыл дипломнары туттулар
Ааптар: Киин Куорат
Бөлөххө киир

Хотугулуу-Илиҥҥи федеральнай университекка 558 үөрэҕи бүтэрээччи кыһыл диплому тутта. Ол туһунан ХИФУ пресс-сулууспата иһитиннэрэр. 
ХИФУ уонунан сыллар тухары үлэ ырыыныгар үрдүк квалификациялаах каадырдары бэлэмнээн таһаарар диэн СӨ үөрэҕириигэ уонна наукаҕа миниистирэ Михаил Сивцев бэлиэтээтэ. «Сылын аайы университеты 3,5 тыһыынча кэриҥэ, кэтэхтэн үөрэммиттэри аахтахха 4,5 тыһыынча киһи бүтэрэн тахсар. Оскуола учууталлара бары ХИФУ, СГУ бүтэрээччилэрэ диэн чуолкай этиэхпин сөп», - диэн этэр миниистир.


ХИФУ филологияҕа салаатын бүтэрбит Сардаана Протопопова магистр дипломун ылбыт. «Суруналыыстыка салаатын магистратуратыгар киирэр санаам бакалавриакка үөрэнэ сылдьан, ППОС пресс-сулууспатыгар үлэлээбиппиттэн саҕаламмыта. Суруналыыс кырдьык мин идэм эбит диэн өйдөөбүтүм. ХИФУ биһиэхэ тэҥҥэ үөрэнэр уонна үлэлиир кыаҕы биэрбититтэн үөрэбин. Үөрэҕим кэмигэр волонтердаабытым, общественнай үлэнэн, науканан дьарыктаммытым. Преподавателлэрбит бары саҕалааһыннарбытын өйүүллэр этэ», – диэн Сардаана санаатын үллэстэр.
Омук устудьуоннарын аатыттан математика уонна информатика институтун бүтэрбит Ву Ба Шанг тыл эппит. Кини бу кэм тухары үөрэҕириигэ уонна наукаҕа сыһыаннаах үлэлээһин чэрчитинэн элбэх дойдуларга уонна куораттарга сылдьыбытын бэлиэтээтэ. «Бары бүтэрээччилэргэ биһиги олохпут дьоһун кэрчигин түмүктээн саҥаҕа киирдибит диэн этиэхпин баҕарабын. Хас биирдиибитигэр олоххо дьоллоох билиэт тигистин, толкуйдарбыт уонна бырайыактарбыт олоххо киирдиннэр диэн баҕа санаабын этэбин », – диэн түмүктээбит Ву Ба Шанг.

Сонуннар

Ордук ааҕаллар

Иван Туласынов:  Муусука дьикти алыбар куустаран
Дьон | 23.11.2023 | 14:00
Иван Туласынов: Муусука дьикти алыбар куустаран
Тапталлаах «Киин куорат» хаһыаппыт бүгүҥҥү нүөмэригэр быйылгы «Алампа» аатынан норуот бириэмийэтин «Бастыҥ  ырыа айааччы» лауреата, Саха Өрөспүүбүлүкэтин култууратын туйгуна, үтүөлээх үлэһитэ, самодеятельнай композитор, Саха Өрөспүүбүлүкэтин ырыа айааччыларын түмсүүтүн чилиэнэ, Бүлүү куорат бочуоттаах олохтооҕо Иван Туласыновы кытта кэпсэтиибин ааҕыҥ.   – Иван Иванович, үтүө күнүнэн! Быйыл бэһис сылын норуот номох оҥостубут, таптыыр...
Эргиччи талаан баар киһитэ — Карл Нутчин!
Дьон | 23.11.2023 | 21:00
Эргиччи талаан баар киһитэ — Карл Нутчин!
Бу интервьюга Карл Алексеевич тута сөбүлэспитэ, туох эрэ саамай күндүнү кытта көрсүһэр курдук – оҕо сааһа, үөрэммит сыллара, тапталлаах кэргэнэ, талан ылбыт идэтэ, олоҕо-дьаһаҕа барыта бу биһиги кылгас кэпсэтиибитигэр ахтыллан ааһар. Кини сахалыы сэмэйэ, холкута, муударайа хайдах эрэ сэбиэскэй кэм  дьиҥнээх эр киһитин, саха саарынын, биһиги аҕаларбытын санатта.   Карл Алексеевич...
«Харчы» сериал туохха үөрэтэрий?
Сонуннар | 23.11.2023 | 10:00
«Харчы» сериал туохха үөрэтэрий?
Бу күннэргэ “Саха” Национальнай көрдөрөр-иһитинэрэр хампаанньа ханаалыгар “Харчы” сериал көстө турар. Чахчы олоххо баары ойуулуур-дьүһүннүүр киинэни көрөөччү олус сэҥээрдэ. Тустаах уорганнар “Массыанньыктартан сэрэниҥ!” диэн хас муннук аайы да үөгүлээтэхтэринэ, албыннаппыт дьон ахсаана аҕыйыа суох курдук... Ол туһунан ИДьМ нэдиэлэтээҕи субуоккалара сэһэргииллэр, дьон оҕуруктаах өйдөөх массыанньыктар угаайыларыгар киирэн биэрэн, нэдиэлэҕэ холбоон...