27.12.2022 | 15:00

ХИФУ Ханой университетын кытта бииргэ үлэлэһэр

Хотугу-Илиҥҥи федеральнай университет уонна Ханой предпринимательствоҕа уонна технологияларга университета, ХИФУ Вьетнамҥа тэрийэн ыыппыт Нуучча тылын күннэригэр, бииргэ үлэлээһин туһунан сөбүлэһиини түһэристилэр диэн университет пресс-сулууспата иһитиннэрдэ.
ХИФУ Ханой университетын кытта бииргэ үлэлэһэр
Ааптар: Киин Куорат
Бөлөххө киир

Ахсынньы 20-22 күннэригэр Ханойга ХИФУ официальнай делегацията сырытта. Сотору кэминэн, сөбүлэһии чэрчитинэн, өрүттэр тэрээһиннэр былааннарын торумнуохтара. Проректор, ХИФУ норуоттар икки ардыларынааҕы бииргэ үлэлээһин департаменын  дириэктэрэ Нюргун Максимов бэлиэтээбитинэн, Ханойдааҕы предпринимательство уонна технология университета – Вьетнам нуучча тылын үөрэтэр бастыҥ үрдүк үөрэҕин кыһата.

«Университет 200-тэн тахса преподавателэ ССРС уонна Арассыыйа үрдүк үөрэхтэрин кыһатыгар үөрэммиттэрэ. Билигин 100-чэ устудьуон нуучча тылын үөрэтэр. Норуоттар икки ардыларынааҕы бииргэ үлэлээһин проректора, тойон Чан Дык Минь, нуучча уонна кэриэй тылын үөрэтэр факультет декана тойон Ле Тхань Ван бэйэлэрин этиилэригэр ХИФУ-ну кытта бииргэ үлэлииргэ улахан интириэстээхтэрин биллэрдилэр», – диэтэ Нюргун Максимов.

ХИФУ филологическай факультетын декана Галина Жондорова кэпсээбитинэн, Нуучча тылын күннэрин чэрчитинэн, нуучча тылын кыраныысса таһыгар тарҕатыыны уонна үөрэтии методикатын дьүүллэспиттэр.

«Үрдүк үөрэх кыһатын бэрэстэбиитэллэрэ кыттыгас үөрэтии бырагыраамаларын оҥорууга, устудьуоннары уонна преподавателлэри атастаһыыга интириэстээхтэрин эттилэр. Бастакы кыттыгас тэрээһиннэрбитин 2023 сылга ыытыахпыт диэн дуогабардастыбыт», – диэн кэпсээтэ Галина Жондорова.

Сүрүн хайысхаларынан ХИФУ-га үөрэттэрэргэ устудьуоннарын гыраанынан уонна стипендиянэн өйөөһүнү, итиэннэ Вьетнам преподавателлэрин, дистанционнай технологиялары уонна көһө сылдьар семинардары туһанан, нуучча тылын баһылыыр таһымнарын үрдэтиини ыйдылар.

Хотугу-Илиҥҥи федеральнай университеттан Вьетнамҥа норуоттар икки ардыларынааҕы бииргэ үлэлээһин проректора Нюргун Максимов, филологическай факультет декана Галина Жондорова уонна нуучча тылын омук тылын курдук үөрэтэр кафедра сэбиэдиссэйэ Светлана Петрова сырыттылар. Вьетнам өттүттэн ректорат бэрэстэбиитэллэрэ, Норуоттар икки ардыларынааҕы бииргэ үлэлээһин института, нуучча уонна кэриэй тылын үөрэтэр факультет, преподавателлэр уонна нуучча тылын үөрэтэр устудьуоннар бааллар.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...