21.12.2023 | 17:00

ХИФУ хамаандата бырагыраамалааһын чемпионатын полуфиналыгар дипломанынан буолла

ХИФУ математикаҕа уонна информатикаҕа институтун «Ice Guys» хамаандата бырагыраамалааһын чемпионатын полуфиналыгар иккис степеннээх дипломанынан буолла диэн үөрэх кыһатын пресс-сулууспата иһитиннэрдэ.
ХИФУ хамаандата бырагыраамалааһын чемпионатын полуфиналыгар дипломанынан буолла
Ааптар: Киин Куорат
Бөлөххө киир

Хотугу Евразия ICPC бырагыраамалааһыҥҥа устудьуоннар хамаанданан чемпионаттарыгар регионнааҕы финалга ХИФУ хамаандата Сибиир бөлөҕөр кытынна. Полуфинал ахсынньы 11-13 күннэригэр тэбис-тэҥҥэ түөрт балаһааккаҕа – Санкт-Петербурга, Новосибирскайга, Астанаҕа уонна Кутаисига ыытылынна.

Барыта  324 хамаанда кытынна. ХИФУ хамаандата тургутууну Новосибирскай куорат балаһааккатыгар ааста.

«Бу семестрга балаҕан ыйыттан саҕалаан бэлэмнэннибит, нэдиэлэҕэ биирдэ сирэй көрсөн, итиэннэ иллэҥ кэмҥэ бэйэбит тус-туспа дьарыктанныбыт. Олимпиада сорудахтара уустуктар этэ, бэлэмнэнии кэмигэр сорудах тиэмэтин арыый да сыыстарбыт эбиппит», – диэтэ «Ice Guys» хамаанда кыттааччыта, ХИФУ ИМИ төрдүс кууруһун устудьуона Владислав Обудов.

Итини сэргэ, полуфиналга ХИФУ өссө биир хамаандата – «Lafa» кииристэ. Хамаанда састаабыгар Аркадий Дмитриев, Федор Гаврильев, Ян Власов бааллар.

Санатар буоллахха, сэтинньи ыйга регионнааҕы полуфинал түмүгүнэн, үрдүк үөрэх кыһатын икки хомуур хамаандата салгыы турнирга тахсыбыта. «Ice Guys» хамаанда – Тимур Куличкин, Владислав Обудов, Николай Дмитриев муҥутуур кыайыылааҕынан буолбуттара. Иккис хамаанда ахсыс миэстэҕэ тахсан призер дипломун ылбыта. Полуфиналга киирэр иһин 34 хамаанда киирсибитэ. Ол туһунан кэпсээн турабыт.

 

 

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!