15.11.2021 | 15:00

Хайыһар тренерэ

Хайыһар тренерэ
Ааптар: Баһылай Посельскай
Бөлөххө киир

Хатас хайыһарга Алданнааҕы спортоскуолатын филиалын тренерэ, аан дойду үс чемпиона Станислав, Герман, Александр уолаттардаах дьоһун-мааны ыал тапталлаах аҕата, ытык эһэтэ Степан Степанович Контоев Алдаҥҥа сыл устата хаста да кэлэн барар.

Бу да сырыыга Арассыыйа сүүмэрдэммит хамаандатын кытта даҕаспытынан уон биир оҕотун илдьэ кэлбит. Олимпиецтар хайдах дьарыктаналларын көрөр сыаллаахтар-соруктаахтар. Степан Степановиһы 77 саастаах эрэ буолуо дии санаабаккын. Эдэрдии эрчимэ, күлэ-үөрэ, сонунун улгумнук үллэстэ, спортивнай форматын тута сылдьара көрүөххэ астык. “Айылҕаҕа сылдьар – дьол!”– диэн олоҕун былаһын тухары сөбүлээн туттар девизтээх. Манна күнүн-дьылын, маҥнайгы хаары сөбүлүүр. Алдаҥҥа бу тохсус кэлиитэ эбит. Хас биирдии күн күндү, мүччү туппаттар. Күүскэ дьарыктаналлар. Баазаҕа баар гостиницаҕа үрдүттэн түһэ сытан, иҥэмтэлээх бэлэм аска эрчиллэллэр. Усулуобуйатын олус табыгастаах диэн хайгыыллар. Спортоскуола дириэктэрэ Максим Скупойдуун кэпсэтиитин табан, көҥүл ылан, босхо түһэллэр. Сайаана Халгаева, Марина Лугинова, бырааттыы Сандаар, Сайдам Поротовтар, Артем Герасимов, Наташа Иванова, Витя Иванов, игирэ Павел, Василий Сивцевтэр бааллар. Игирэ хайыһардьыт уолаттар Аммаҕа өрөспүүбүлүкэ турнирын кыайан, убаһанан наҕараадаламмыттар.

Биһиги оҕолорбут Арассыыйа хамаандатыттан улаханнык астыммыттар. Арыый эрдэ кэлэн күүстээх дьарыкка сылдьаллар. Өрөспүүбүлүкэ салалтатыгар, сүрдээх үчүгэй базаны туттарбыттарын иһин, төгүрүк сыл эргиччи эрчиллэр усулуобуйа тэриллибитигэр, махталлара улахан. Хайыһарга уонна биатлоҥҥа Арассыыйа сүүмэрдэммит хамаандалара кэлэн эрчиллэллэрин улахан ситиһиинэн ааҕаллар. Аан дойду аатырбыт хайыһардьыттара хамсаналларын-имсэнэллэрин да көрөн үөрэнэллэрин кэпсииллэр. Тренердэрэ Степан Контоев: “Сүүстэ истибиттээҕэр биирдэ көрбүт ордук!”- диэн саха бэргэн өһүн хоһоонун ахтар. Сорох бастыҥ оҕолоро Яков Гаврильевич Поповка бу Алдан спортоскуолатыгар дьарыктаналлар. Кандидат нуорматын толорорго үлэлэһэллэр. Степан Степанович атын да оҕолорун каникулларыгар аҕалтыыр. Оҕолоругар көтүппэккэ лекция ааҕар, бэсиэдэ оҥорор. Өрдөөҥүттэн олохтоммут үгэс быһыытынан, саҥа күннэрэ сарсыардааҥҥы чэбдигирдэр сэрээккэттэн саҕаланар. Ыраата барбакка эттэххэ, сайыҥҥы үөрэтэр түмсүүлэргэ күн-дьыл туругуттан тутулуга суох таһырдьа сибиэһэй салгыҥҥа сэрээккэлииллэр. Пандемиянан сибээстээн уонна элбэх үлэни оҥороору, күҥҥэ иккилии дьарыгы оҥордулар. Улахан оҕолоро соруттарыыта суох куруук бэйэлэрэ дьарыктанар буолтара быданнаата. Степан Степанович кинилэргэ эрэнэр. Дьарыктыыр оҕолорун таптыыра оччо, ол иһин оҕолор тренердэрин тылыттан тахсыбаттар, истэллэр, тугу этэрин эҥкилэ суох толороллор. Кыһыҥҥы каникулга Приморьеҕа барар былааннаахтар, онуоха төрөппүттэргэ эрэнэр, күүскэ үлэлэһэр. Хайыһардьыттар – удьуор үлэһиттэр! Кинилэргэ кыаллыбат диэн суох. Дьарыктыыр оҕолорун таптыыра оччо, ол иһин оҕолор тренердэрин тылыттан тахсыбаттар, истэллэр, тугу этэрин толороллор. Кыһыҥҥы каникулга Приморьеҕа барар былааннаахтар, онуоха төрөппүттэргэ эрэнэр, күүскэ үлэлэһэр.

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
“Сүүрэр суолга – Владимир Слепцов!”
Спорт | 18.06.2024 | 14:15
“Сүүрэр суолга – Владимир Слепцов!”
Спорт көрүҥнэриттэн биир бастыҥнара уһун сиргэ сүүрүү. Ырааҕы сүүрүүнэн ылбычча киһи дьарыктаммат. Бэйэтин кэмин аатырбыт сүүрүгэ-быһыйа, Саха АССР рекордсмена, стайер уонна марафонец Владимир Слепцову ааспыт үйэ 60-80 сылларын дьоно үчүгэйдик өйдүүр-билэр. Быйыл рекорд олохтообута лоп-курдук 50 сыла. Аҕаларын, эһэлэрин кэриэстээннэр оҕолоро, сиэннэрэ, бииргэ төрөөбүт балта  Людмила Пантелеймоновна, быраата Артем Пантелеймонович...
ЭкоБизнес —  Айылҕаҕа харыстабыллаах  сыһыаҥҥа тирэҕирэн
Дьон | 14.06.2024 | 14:00
ЭкоБизнес — Айылҕаҕа харыстабыллаах сыһыаҥҥа тирэҕирэн
Дьокуускайга бизнес араас хайысхата сайдар. Олохтоох бородууксуйаны оҥорон атыыга таһаарыы ордук элбэх эбит буоллаҕына, туризм курдук өҥөнү оҥорор предпринимателлэр тарбахха баттаналлар. Юлиана уонна Захар Алексеевтар элбэх оҕолоох дьиэ кэргэн Дьокуускай таһынааҕы Капитоновка сэлиэнньэтигэр туристическай бизнеһи сайыннаран эрэллэр.   Оҕолор улааттылар диэн саҕалаабыппыт – Биһиги үс уоллаахпыт. Улахаттарбыт 14 саастарын туолбуттарын кэннэ,...
Олоҥхо ыһыаҕар анаан Дьокуускайтан айанныыр паром ахсаана элбэтиллэр
Сонуннар | 14.06.2024 | 10:17
Олоҥхо ыһыаҕар анаан Дьокуускайтан айанныыр паром ахсаана элбэтиллэр
XVII-с өрөспүүбүлүкэтээҕи Олоҥхо ыһыаҕа быйыл бэс ыйын 20-21 күннэригэр Аммаҕа Муона чараҥа айылҕа маанылаах миэстэтигэр ыытыллаары турар.  Ыһыах мааны ыалдьыттарынан өрөспүүбүлүкэ 32 муниципальнай тэриллиититтэн 15 тыһыынчаттан тахса киһи буолуоҕа. Айанньыттарга анаан «Дьокуускай – Аллараа Бэстээх» хайысханан 15 паром сылдьыаҕа, Амма сэлиэнньэтин иһинэн оптуобустар, ыһыах түһүлгэтигэр тиэрдэр шатллар сүүрүөхтэрэ. Түһүлгэҕэ 3...