Хайдах олордугут, өрөспүүбүлүкэ инбэлииттэрэ

Алтынньы ый 29 күнүттэн сэтинньи 3 диэри Бүтүн Россиятааҕы  инбэлииттэр уопсастыбаларын VII уочараттаах отчуоттуур-быыбардыыр  сийиэстэригэр Мэҥэ-Хаҥалас улууһун уопсастыбатын  бэрэсэдээтэлэ Тамара Николаевна Пермякова уонна өрөспүүбүлүкэтээҕи доруобуйаларынан хааччахтаах дьон  бэрэсэдээтэлэ, Хотугулуу-Илин Федеральнай регионнар икки ардыларынааҕы инбэлииттэр уопсастыбаларын солбуйааччы бэрэсэдээтэлэ Ирина Васильевна Лебедева  кыттыыны ыллылар. Бүтүн Россиятааҕы доруобуйаларынан хааччахтаах дьон бэрэсэдээтэллэрэ  Михаил Борисович Терентьев сийиэскэ иккис төгүлүн быыбарданна уонна кэккэ турар олох кыһалҕаларын, итиэннэ  Киин бырабылыанньа Хотугулуу-Илиҥҥи уокурук инбэлииттэрин кытары бииргэ үлэлэһэрин туһунан былаанын чопчулаата. 
Саха Өрөспүүбүлүкэтин инбэлииттэрин уопсастыбата  инники былаанын торумнаан, кэлэр сылга туох дьаһаллары, тэрээһиннэри киллэрэр үлэтин ухханыгар сылдьар. Аныгыскы сыл бэлиэ түгэннэринэн баай буолан, уопсастыба кэлэктиибэ ситимнээхтик дьаһанан үлэ үөһүгэр олорор.