01.02.2021 | 07:52

ХАТАСТАР СПОРТИВНАЙ КОМПЛЕКСЫ ТУРУОРСАЛЛАР

ХАТАСТАР СПОРТИВНАЙ КОМПЛЕКСЫ ТУРУОРСАЛЛАР
Ааптар: Киин Куорат
Бөлөххө киир

Сылын аайы ыытыллар үгэскэ кубулуйбут Олохтоох дьаһалта нэһилиэнньэни кытта көрсүһэр сыллааҕы отчуота Хатас сэлиэнньэтигэр буолан ааста.

Баһылык э.т. Евгений Григорьевы кытта көрсүһүүгэ бары санитарнай миэрэлэр тутуһулуннулар. Ол курдук, олохтоохтор салайааччылары кытта сирэй көрсөн долгутар ыйытыыларын биэрдилэр.

Евгений Григорьев Хатас олохтоохторугар “Куттала суох уонна хаачыстыбалаах айан суоллара” национальнай бырайыак, “Сырдык куорат” муниципальнай бырагыраама, олорор дьиэлэри тутуу, хаарбах туруктаах дьиэлэртэн көһөрүү туһунан толору кэпсээтэ. Ол курдук, “Куттала суох уонна хаачыстыбалаах айан суоллара” бырайыак иитинэн Хатас сэлиэнньэтигэр Совхознай уонна Аржаков уулуссалара өрөмүөннэммиттэр. Быйылгы сылга Каландаришвили уулуссаны аспааллааһын итиэннэ С. Алексеев уонна Ойуунускай уулуссалары өрөмүөннээһин былааҥҥа киирбит.

Ааспыт 2020 сылга хоруона хамсыга тарҕанан куорат экономикатыгар улахан охсууну оҥордо. Пандемияҕа куораттан  миллиард солкуобай барбыт, ол иһигэр предпринимателлэри өйөөһүҥҥэ 507 мөл. солк. уонна бүддьүөккэ киирэр дохуокка 202 мөл.солк.

“Хамсык ыарыытын тарҕаныытын утары тэрээһиннэргэ куорат бүддьүөтүттэн 304 мөл.солкуобай ыытыллыбыта. Бу ороскуокка санитарнай ыраастааһын, уопсастыбаннай миэстэлэргэ дезинфекция ыытыыта, СИЗ-тары атыылаһыы киирбитэ”, – диэн Григорьев иһитиннэрдэ.

Маны таһынан баһылык э.т. муниципальнай былаастар Дьокуускай куоракка 2021-2023 сылларга биллэриллибит Тупсарыы уонна көҕөрдүү бырагырааматын иитинэн былааннары кэпсээтэ.

«Бүгүн биһиги бөдөҥ куораттары кытта ситиһиилээхтик күрэстэһиэхтээхпит, өйдөөх, талааннаах эдэр дьоммут мантан барбакка, Дьокуускайга хаалан куораппытын сайыннаралларын курдук. Киин куораппыт тупсаҕай, олорорго табыгастаах буолуохтаах”, – диэн Евгений Николаевич тоһоҕолоон бэлиэтээтэ.

Хатас сэлиэнньэтин олохтоохторо муниципальнай былаас 2020 сыллаах үлэтин үрдүктүк сыаналаатылар. Маны таһынан көрсүһүү кыттыылаахтара интэриэһиргиир, долгутар ыйытыыларын биэрдилэр. Хас да сыл устата биир сүрүн тиэмэнэн сэлиэнньэҕэ спортивнай комплексы туттарыы буолар. Баһылык э.т. эппитинэн, бүгүҥҥү күҥҥэ куорат социальнай-экономическай сайдыытыгар Саха сирин Ил Дарханын Ыйааҕынан тутууну үбүлээһин кыаҕын көрөллөр.

Хатас сэлиэнньэтин чааһынай дьиэлэригэр олорооччулар түргэн тэтимнээх Интэриниэккэ наадыйалларын эттилэр, чуолаан оҕолор дистанционнай көрүҥүнэн үөрэнэр кэмнэригэр. Евгений Григорьев олохтоох дьаһалта “Диапазон” ХЭТ кытта куорат кытыы нэһилиэктэригэр түргэн интэриниэт ааһар линиятын тардарга бииргэ үлэлээһин туһунан кэпсэтии ыытылларын эттэ.

Нэһилиэнньэ саҥа баһаарынай депо тутуллуутун, бөһүөлэк күөллэрин мелиорациялааһыны, биэрэги бөҕөргөтүү үлэлэрин, оптуобус тиһэх тохтобулун уһатар туһунан санааларын эттилэр. Хас биирдии бэриллибит ыйытыы баһылык э.т. тус хонтуруолугар ылылынна.

Сонуннар

Ордук ааҕаллар

Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...
Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...