Хатастар сонуннарын үллэстэллэр

Быйылгы сайын дойдубут олоҕор өйгө-санааҕа хаалар ыксаллаах быһыыны-майгыны үөскэппит баһаардар киэҥ дуол тайҕабытын, мааны айылҕабытын ыыс быдан оҥордулар. Саха дьоно барахсаттар өбүгэ саҕаттан кэлбит үтүө үгэһинэн сарын сарынтан өйөнсөн, биир ньыгыл кэккэ буолан бэйэ-бэйэҕэ көмө тирэх буоллулар. Ол көмө үп-харчы да, ас-үөл да, наадалаах туттуллар тэриллэр да, дьиҥ уот кутаа ортотугар да тиийэн умулларсыы да өттүнэн оҥоһулунна. 

Самсоновтар ааттарынан Хатас орто оскуолатын эр дьоно онтон туора турбатылар. Н.М.Андросов Уус Алдаҥҥа Бээрийэ нэһилиэгэр тиийэн үлэлэстэ. Онтон бу күннэргэ оскуолабыт учууталлара хамаанда тэринэн Нам улууһун Таастааҕар айаннаатылар. Оскуолабыт кэлэктиибэ нэһилиэк, куорат, өрөспүүбүлүкэ таһымыгар буолар араас тэрээһиҥҥэ хаһан да туора турбаттар.
Манна даҕатан эттэххэ, оскуолабыт наһаа үчүгэй сонуннаах – 120 миэстэлээх салҕааһын тутуллар буолла. Бу дириэктэр Слепцов Н.В. уонна кини салайар кэлэктиибин сыаллаах-соруктаах үлэлэрин, кимиилээх киирсиилэрин, туруорсууларын түмүгэ буолар. 
Күндү биир дойдулааҕым аах, киэн тутун, салгыы кэпсээ, сэһэргээ.