12.07.2021 | 10:00

Хатастар Манчаары оонньуутугар

Хатастар Манчаары оонньуутугар
Ааптар: Н. Руфова

Бу күннэргэ араадьыйа, телевизор, хаһыат, куйаар киэҥ киэлитигэр, саха санаалаах, чөл куттаах барыта Горнай улууһун киинигэр, ырыаҕа ылланар, хоһооҥҥо хоһуллар бэртээхэй дойдуга Бэрдьигэстээххэ буола турар эт-хаан өттүнэн сайдыылаах, өркөн өйдөөх, аҕыс кырыылаах уолан уолаттарбыт, кыталык кыргыттарбыт кылыйан кыырайалларын, сүүрэн элэгэлдьитэллэрин, туос ууран ойоллорун, халбас харата хапсаҕайга хабараан киирсиилэрин, киил маһы илин кэлин түһэрэр мадьынылар тургутуһалларын, дьөһөгөй оҕотун сүүрүүтүн тэтимин тэбиэһирдэн күлүмэх түгэни олохтооччу сүүрүк аты муоһалааччылар өрөгөй түгэннэрин истэ - билэ, сэргии олоробут. Хатастар Манчаары оонньуута олохтонуоҕуттан күн бүгүҥҥүгэ диэри туора турбакка кыахтаах, күүстээх, быыппастар былчыҥнардаах дьоммутун алгыс тылынан атааран, эрэнэ күүтэн кэллибит. Быйыл да оннук буолла. Өрөгөй түгэнин мүлчү туппатах уолаттарбыт кимнээҕий?


Ол Хатаска олохтоохтук олохсуйбут, сайдыбыт-үүммүт көрүҥ – мас  тардыһыытыгар утумнаахтык дьарыктаммыт мадьыныларбыт буолаллар. Мэтээл арааһыгар, миэстэ бастыҥар 2005 сыллаах төрүөхтэр Иван Степанов – кыһыл көмүс, Айлан Николаев – боруонса, 2003 сыллаах төрүөх Александр Протопопов – үрүҥ көмүс мэтээллэри кэттилэр. Дьэ, бу буоллаҕа аатырар-сураҕырар 90-с сыллар дьаамаларын бадарааныгар батыллыбакка, санааны түһэрбэккэ чөл олох туһугар  сыаллаах-соруктаах үлэлээбит-хамсаабыт Руслан Николаевич Кондратьев, Евгений Егорович Гоголев үлэлэрин түмүгэр киэҥ эйгэҕэ тахсыбыт уолаттарбыт Евгений Пермяков, Дьулус Дьяконов, Систир Алексеев, Алексей Саввинов, Александр Павлов, Григорий Евсеев, Анатолий, Афанасий Ларионовтар, Андрей Саввин, Александр, Станислав Прокопьевтар, убайдыы-бырааттыы Никифоровтар, К.Саввинов, Витя Андреев, Анатолий Баишев, бырааттыы, аймахтыы Оконешниковтар (Иннокентий, Дмитрий, Егор уо.д.а), Степановтар (Иван, Бурхалей, Николай), Дима Протопопов, Евгений Руфов, Александр Соловьев уо.д.а. Бу испииһэги өссө салгыахха сөп. Ааттаматах уолаттар бырастыы гыныахтара диэн эрэнэбин. Бу буоллаҕа дии, оччолортон ситимнээх үлэни быспакка, олоххо баар ыарахаттары барытын уйан туран, туппуттарын ыһыктыбакка үлэлии сылдьар Хатастааҕы ДЮСШ кэлэктиибэ!

Оччолортон спорт диэн тылтан тэбинэн олоҕун дьолун, дьиҥ киниэхэ анаммыт суолун таба тайаммыт Михаил Мордовской-Михута күн бүгүн даҕаны болҕомто киинигэр сылдьара ама кими үөрдүбэт буолуой? Сопхуос саҕаттан сайдыбыт сүүрүк аттары иитии эмиэ быалаах-туһахтаах, салҕааччылаах, ааттатар дьоннордоох. Петровтар сыдьааннара, омуннаан эттэххэ, эбэн биэрдэххэ ат ыҥыырын туппутунан күн сирин көрбүт В.Петров өрөгөй түгэнин туппут үөрүүтүн Хатастар үөрэ көрүстүбүт, үөрүүтүн үллэһиннибит.
Дьэ уонна түмүкпэр эһиилги үбүлүөйдээх сылга (САССР – 100, Дьокуускай куорат – 390) ыһыктыбакка, тургутууну тулуйан чөл олоҕу өрө тута сылдьар Хатас нэһилиэгэр Спорт дыбарыаһа дьэндэйэр аартыга арыллыа диэн эрэлбитин Дьокуускай куорат дьаһалтатыгар тиэрдиэҕиҥ.

Сонуннар

Ордук ааҕаллар

Саха АССР 100 сылыгар – 100 оптуобус
Сонуннар | 11.10.2021 | 16:30
Саха АССР 100 сылыгар – 100 оптуобус
Саха АССР төрүттэммитэ 100 сылын көрсө өрөспүүбүлүкэ Дьокуускай куоракка уонна  оройуоннарга уопсастыбаннай тырааныспары саҥардара былааннанар. Бырайыак оробуочай аата – «Саха АССР 100 сылын көрсө 100 оптуобус».  «Кэлэр нэдиэлэҕэ тырааныспар Министиэристибэтин уонна Дьокуускай куорат Уокуруктааҕы дьаһалтатын бииргэ үлэлээһиннэрин түмүгэ тахсан, өрөспүүбүлүкэ газомоторнай оттукка сылдьар оптуобустары аҕалар туһунан сөбүлэҥҥэ илии баттыаҕа», –...
Соһуччу булт
Сынньалаңңа | 11.10.2021 | 16:00
Соһуччу булт
Оҕо сылдьан сарсыарда уһуктаат, таһырдьа ойон тахсар дьикти идэлээх этим. Хайдах халлаан буолбутун билэ охсоору дуу, күнү көрө охсоору дуу буолуо, арааһа. Оннук биир күннээх сайыҥҥы сарсыарда эрдэ туран сыһыыга киирэн, күрүө үрдүгэр хатаастан, куолубунан сыһыы уҥуорун, халлааҥҥа дьирибинии турар күөрэгэйи, сыһыыга мэччийэр ынахтары-сылгылары көрө-истэ олордум. Арай ынахтар ортолоругар дьиибэ...
Саха сиригэр Бүтүн Арассыыйатааҕы нэһилиэнньэ биэрэпиһин контролердарын үөрэтэллэр
Сонуннар | 13.10.2021 | 10:00
Саха сиригэр Бүтүн Арассыыйатааҕы нэһилиэнньэ биэрэпиһин контролердарын үөрэтэллэр
Алтынньы 4 күнүттэн Саха сирин территориятыгар Бүтүн Арассыыйатааҕы нэһилиэнньэ биэрэпиһин контролердарын үөрэтии ыытыллар. Муниципальнай оройуоннар контролердарыгар үөрэтии онлайн эрэсииминэн, «Дьокуускай куорат» уонна «Жатай» куораттааҕы уокуруктарыгар – очнай көрүҥүнэн диэн иһитиннэрэр СӨ Федеральнай судаарыстыбаннай статистика сулууспатын Территориальнай уоргана.  Нэдиэлэ саҥатыттан контролердар Дьокуускай куорат таһынааҕы нэһилиэнньэлээх пууннарга, куорат уокуруктарыгар уонна  «Жатай» куораттааҕы...
Хаппыыстаны араастаан астыахха
Тускар туһан | 11.10.2021 | 13:00
Хаппыыстаны араастаан астыахха
Беконнаах хаппыыста Састааба: 1 орто хаппыыста; 3 ост. нь. мас арыыта (эбэтэр оливковай арыы); туус; хара биэрэс; бекон. Хаппыыста тас сэбирдэхтэрин ылабыт, сууйабыт. Түөрт аҥыы хайытан бысталыыбыт. Кытаанах төрдүн быһан ылан быраҕабыт. Хас биирдии чааһын аҥаардыыбыт уонна духуопка илииһигэр сааһылаан уурабыт. Үрдүгэр арыыны таммалатабыт, туустуубут-тумалыыбыт. Бекон ломтиктарын аҥаардыыбыт уонна хаппыыстабыт...