Хатастан икки худуоһунньук Сойууска киирдэ

От ыйыгар буолбут Манчаары оонньуутугар уолаттарбыт кыайыы-хотуу көтөллөнөн үөрдүбүттэрэ. Бу күннэргэ эмиэ биир үтүөкэн сонун кэллэ. 'Ол курдук, 'Тускул '' КК иһинэн уруһуй эйгэтигэр элбэх киһи дьарыгырар. Дьэ онтон икки саамай бастыҥмыт Худуоһунньуктар сойуустарыгар чилиэн буоллулар! Татьяна Дмитриевна Попова уонна Владимир Захарович Ефремов тустарынан суруйа сылдьыбытым. Татьяна Дмитриевна үлэтэ 2020 Третьяковскай галереяҕа Улуу Кыайыы үбүлүөйүгэр анаммыт быыстапкаҕа кыттыбыта. Владимир Захаровичтаах дьиэ кэргэнинэн - бииргэ төрөөбүттэр, кинилэр сыдьааннара уруһуйунан кинигэ-альбом таһаарбыттара. Иккиэн талааннара арыллыбытын мүлчү туппакка, күүскэ үлэлээн, дьарыктанан, таһымнара үрдээн, көрүүлэрэ кэҥээн, сатабыллара тупсан, маннык үрдүк сыанабылы ыллылар. Киэн туттабыт, астына-дуоһуйа кэпсиибит, ис сүрэхпититтэн эҕэрдэлиибит.