05.07.2023 | 16:05

Хатаска икки бөдөҥ социальнай эбийиэк үлэҕэ киирээри турар

Хатаска икки бөдөҥ социальнай эбийиэк үлэҕэ киирээри турар
Ааптар: Киин Куорат
Бөлөххө киир

Хатаска бу сааскыттан икки бөдөҥ социальнай эбийиэги тутуу үлэтэ күөстүү оргуйар. Ол курдук, манна оскуола салҕааһына уонна спорт комплекса тутуллан эрэллэр.
«Үөрэхтээһин» национальнай бырайыагынан тутуллар Хатас учуутал Самсоновтар ааттарынан агроэкологическай оскуолатын салҕааһына 120 эбии үөрэх миэстэтин хааччыйыаҕа. Маны сэргэ оскуола сүрүн дьиэтигэр хапытаалынай өрөмүөн ыытыллар. 
Бу күннэргэ үлэ хаамыытын өрөспүүбүлүкэ баһылыга Айсен Николаев билистэ. Бэлиэтээн эттэххэ, салҕааһын Ил Дархан «Саха Өрөспүүбүлүкэтин киин куоратын – Дьокуускай куораты 2032 сылга диэри сайыннарыы» ыйааҕын чэрчитинэн тутуллар. 


Салҕааһын үс этээстээх, 4,9 тыс. кв. м. тахса уопсай иэннээх. Манна 19 кылаас, библиотека, медкэбиниэт, аактабай саала, спорт саалата, мастарыскыай, киинэ, хаартыска устуудьуйата баар буолуохтара. Аллараа этээскэ – Прасковья Федорова аатынан агроинжиниринговай киин, ЦОС, иккис этээскэ – үөрэнэр кабинеттар, үһүскэ «Точка роста» баар буолуохтара. 
Оскуола сүрүн дьиэтэ 2004 сыллаахха үлэҕэ киирбитэ, 400 миэстэлээх. Ол эрээри манна тыһыынча кэриҥэ оҕо икки симиэнэнэн үөрэнэр. Хапытаалынай өрөмүөн чэрчитинэн дьиэ сарайа, истиэнэтэ оҥоһуллар, түннүктэр, ааннар, инженернэй ситимнэр саҥардыллаллар, кирилиэс өрөмүөннэнэр. Кабинеттар аныгылыы тэрилинэн, миэбэлинэн хааччыллыахтара. Оскуола дириэктэрэ Николай Слепцов бэлиэтээбитинэн, оскуола дизайн-бырайыага төрөппүттэри кытта сүбэлэһэн оҥоһуллубут. Тутуу атырдьах ыйын бастакы аҥаарыгар үлэҕэ киирэр туруктаах. 


Оскуолаттан бэрт чугас өссө биир бөдөҥ социальнай эбийиэк тутуута күөстүү оргуйар. Ол – 2,3 тыһ. кв. м иэннээх икки этээстээх, икки дьоҕус уонна биир улахан саалалаах, таһыгар аһаҕас халлаан анныгар дьарыктанар балаһааккалаах спорт комплекса. 400 миэстэҕэ суоттаммыт эбийиэк «2020-2024 сылларга Саха Өрөспүүбүлүкэтигэр физическэй култуураны уонна спорду сайыннарыы», «2017-2032 сылларга Дьокуускай куорат социальнай инфраструктуратын комплекснайдык сайыннарыы» бырагыраамаларынан уонна Ил Дархан «Саха Өрөспүүбүлүкэтин киин куоратын – Дьокуускай куораты 2032 сылга диэри сайыннарыы» ыйааҕын чэрчитинэн тутуллар. 
Бүгүҥҥү күҥҥэ эбийиэк 82% бэлэм. «Главстрой» МХТ салайааччыта Алексей Варламов иһитиннэрбитинэн, сэтинньи ыйга үлэҕэ киириэхтээх. 

Сонуннар

Ордук ааҕаллар

Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...
Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...