26.12.2023 | 10:00

Хатас оскуолатын салҕааһын тутуута аһылынна

Ахсынньы 25 күнүгэр П.Н. уонна Н.Е. Самсоновтар ааттарынан Хатас орто оскуолатын салҕааһын тутуута үөрүүлээх быһыыга-майгыга аһылынна.
Хатас оскуолатын салҕааһын тутуута аһылынна
Ааптар: Киин Куорат
Бөлөххө киир

Үөрэнээччилэри, төрөппүттэри уонна педагогтары СӨ Ил Дархана Айсен Николаев уонна куорат баһылыга Евгений Григорьев эҕэрдэлээтилэр. «Сэттэ» ХЭТ дириэктэрин эбээһинэһин толорооччу Николай Скрыбыкин оскуола дириэктэрэ Николай Слепцовка саҥа дьиэ күлүүһүн туттарда.

«Дьокуускайга тэбис-тэҥҥэ алта саҥа оскуоланы тута турабыт. Бастакы төгүлүн маннык үрдүк тэтимнэннибит. Өрөспүүбүлүкэҕэ рекорднай көрдөрүүлээхтик үөрэҕирии тэрилтэтин ахсаана эбиллэр – сыл түмүгүнэн 14 саҥа оскуола үлэҕэ киириэҕэ. Бу олус дьоһун быһаарыныы. Кииҥҥэ эрэ буолбакка, куорат кытыытыгар эмиэ маннык үчүгэй эбийиэктэр аһыллан эрэллэриттэн үөрэбин. Оҕолорбутугар үчүгэй үөрэҕирии баар буолуоҕа, өрөспүүбүлүкэбит сайдыаҕа, иннин диэки хардыылыаҕа. Ити соруктарга олоҕуран, 2024 сылы өрөспүүбүлүкэҕэ Оҕо саас сылынан биллэрдим», –  диэтэ Айсен Николаев.

Кини эҕэрдэ тылыгар Хатаска өссө саҥа спортивнай комплекс тутулла турарын уонна оҕо искусствотын оскуолата бырайыактанарын бэлиэтээтэ.

Евгений Григорьев иһитиннэрбитинэн, саҥа дьиэ дойду бэрэсидьиэнэ Владимир Путин көҕүлээбит «Үөрэҕирии» национальнай бырайыагын чэрчитинэн тутулунна.

«ВЭБ.РФ корпорации өйөбүлүнэн, бииргэ үлэлээһин бастакы түһүмэҕин чэрчитинэн, куорат оскуолаларыгар 3 салҕааһын тутуу оҥоһулунна. Былырыын куораттааҕы 5-с №-дээх уонна Пригороднай сэлиэнньэтин 12-с №-дээх оскуолаларыгар салҕааһын тутуллубута. Бүгүн бу Хатас орто оскуолатыгар арыйдыбыт. Тутааччы – «Сэттэ» ХЭТ, үлэ кылгас болдьоххо түмүктэннэ. Итини таһынан, быйыл «Үөрэҕирии систиэмэтин саҥардыы» бырагырааманан Хатас оскуолатын сүрүн дьиэтэ өрөмүөннэннэ», – диэн бэлиэтээтэ куорат баһылыга.

Үөрүүлээх тэрээһиҥҥэ «Арассыыйа Федерациятын үөрэҕириитин бочуоттаах үлэһитэ» аат алын сүһүөх кылаас учуутала Елена Андрееваҕа иҥэрилиннэ. Арассыыйа Федерациятын Үөрэҕириигэ министиэристибэтин бочуоттаах грамотатынан оскуола уруһуйга уонна черчениеҕа учуутала Руслан Павлов наҕараадаланна.

Ил Дархан Айсен Николаев оскуолаҕа саҥа спортивнай тэрили ылар сертификаты, куорат баһылыга Евгений Григорьев –технологическай тэрили атыылаһар сертификаты туттардылар.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....