17.02.2022 | 14:00

Хатас оскуолатыгар бастакы сыбаайа түстэ

Хатас оскуолатыгар бастакы сыбаайа түстэ
Ааптар: Киин Куорат
Бөлөххө киир

Олунньу 12 күнүгэр П.Н. уонна Н.Е Самсоновтар ааттарынан 120 миэстэлээх Хатас орто оскуолатыгар самалык тутуу бастакы сыбаайата түстэ. Саҥа тутуу уопсай иэнэ 4 908 кв. миэтирэттэн тахса. Генеральнай бэдэрээччит “Ориентир-14” ХЭТ.
Үөрүүлээх тэрээһиҥҥэ СӨ үөрэхтээһиҥҥэ уонна наукаҕа миниистирин бастакы солбуйааччы Владимир Тихонов, куорат баһылыга Евгений Григорьев, Гордуума бэрэссэдээтэлин э.т. Евдокия Евсикова, Ил Түмэн дьокутааттара, салалта, нэһилиэк дьаһалтата, орто оскуола кэлэктиибэ, олохтоохтор кыттыыны ыллылар.


Үөрэх миниистирин солбуйааччы Владимир Тихонов регион аайы кыаллыбат бу баараҕай бырайыак Ил Дархан Айсен Николаев уонна куорат баһылыга Евгений Григорьев көмөлөрүнэн олоххо киирэн эрэрин бэлиэтээтэ. Кини иһитиннэрбитинэн, 2024 сылга диэри Дьокуускайга уонна кытыы нэһилиэктэргэ эбии 12 тыһыынча үөрэнэр миэстэ тэриллиэҕэ.
Евгений Григорьев: “Тутуу үс мэндиэмэннээх, аныгы ирдэбилгэ толору хоруйдуур 19 үөрэтэр кабинеттаах, киэҥ-куоҥ, сырдык остолобуойдаах, спортивнай уонна аактабай саалалардаах, ону таһынан библиотека, технологическай үлэҕэ дэгиттэр мастарыскыай баар буолуо”, - диэн бэлиэтээтэ. 
Бүгүҥҥү күҥҥэ Хатас орто оскуолатыгар 947 оҕо икки симиэнэнэн үөрэнэр. Саҥа тутуу үлэҕэ киирдэҕинэ, үөрэтии биир симиэнэҕэ көһүөҕэ.

Сонуннар

Ордук ааҕаллар

Биир санаанан салайтаран
Дьон | 19.01.2023 | 13:00
Биир санаанан салайтаран
Норуот сомоҕолоһуута, биир санааланыыта – олохпут сарсыҥҥыга эрэллээх буолуутун олуга. Хаһыаппыт бүгүҥҥү нүөмэригэр Ытык Күөл бөһүөлэгэр түөлбэнэн үлэни салайар бастыҥ уопсастыбанньык, олоххо көхтөөх позициялаах Агафья Савватееваны кытта кэпсэтэбит.
Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Сатал» кыһалҕатын быһаарар былаан оҥоһулунна
Сытыы муннук | 20.01.2023 | 13:00
«Сатал» кыһалҕатын быһаарар былаан оҥоһулунна
«Киин куорат» хаһыат ааспыт нүөмэригэр «Сатал» түөлбэҕэ тахсыбыт саахал туһунан суруйан турабыт. Тохсунньу тоһуттар тымныыта саамай муҥутаан турар кэмигэр аны маннык быһылаан хатыламматын, дьон дьиэтэ, гарааһа хам тоҥмотун туһугар олохтоохтор сүрүннүүр бөлөх тэринэн, Ил Дархаҥҥа тиийэ сурук суруйдулар.   Дьокуускайга кытыы түөлбэлэри, тыа хаһаайыстыбатын, атыыны-эргиэни уонна урбааны сайыннарыыга куорат баһылыгын солбуйааччы...