19.04.2021 | 22:47

Хас да оптуобус сырыыта уларыйар

Муус устар 22 күнүттэн Дьокуускай куорат уопсастыбаннай тырааныспарыгар кэккэ уларыйыылар киирэллэр. Бу туһунан Олохтоох дьаһалта пресс-сулууспата иһитиннэрэр.
Хас да оптуобус сырыыта уларыйар
Ааптар: Киин Куорат
Бөлөххө киир

Ол курдук, бастатан туран, 6 №-дээх оптуобус сырыыта уларыйар.  Чэппиэртэн этиллибит маршрут тиһэх тохтобула «Три Сосны» диэн ааттаах буолар.

Куорат баһылыга Евгений Григорьев нэһилиэнньэни кытта көрсүһүүтүгэр: “Дьокуускай үрдүнэн 18 маршрут баар. Үгүстэр чопчу биир хайысханан үлэлээбиттэрэ ыраатта. 10-20 сыллааҕыта олохпут атын этэ. Биһиги куораппыт эдэр, сыл аайы улаатар, кэҥиир. Холобур, бу сыл иһигэр 7000 киһинэн элбээтибит. Онон оптуобустар хайысхаларын, сырыыларын дьон-сэргэ ордук сылдьар, саҥа тутуулар барар сирдэрин учуоттаан оҥоруохтаахпыт. Сайдыы ирдэбилинэн хас биирдии маршрут үлэтэ туһунан көрүллүөхтээх”, – диэбитин хаһыаппытыгар суруйбуппут.

Маны таһынан, муус устар 22 күнүттэн 15, 25, 41 №-дээх оптуобустар Бүлүү трагынан, Чайковскай уулуссатынан сылдьар буолуохтара. Санатан эттэххэ, Ильменскэй уулуссаҕа намыһах дабылыанньалаах гаас ситимин өрөмүөннүүр үлэ ыытыллар, онон оптуобустар сырыылара быстах кэмҥэ уларыйбыта.

Бу иннинэ үөһэ этиллибит маршруттар Винокуров уулуссатынан ааһар этилэр. Манна суол кыараҕас, ГОСТ ирдэбиллэригэр эппиэттээбэт диэн Олохтоох дьаһалта пресс-сулууспата суруйар.

Сонуннар

Ордук ааҕаллар

Оҕуруо абылаҥар ылларбыт Роза Спиридонова
Дьон | 31.05.2024 | 14:00
Оҕуруо абылаҥар ылларбыт Роза Спиридонова
Роза Яковлевна Спиридонова Дьокуускай куорат 39 №-дээх «Ромашка» уһуйааныгар музыкальнай салайааччынан үлэлиир. Бүгүҥҥү сэһэргэһээччим, чахчы, талба талааннаах киһи. Кини оҕуруонан үлэлэрэ ханнык да көмүс оҥоһуктан хаалсыбаттар. Роза Яковлевна Ньурба Маалыкайыттан төрүттээх. Эбэтэ уонна ийэтэ суохтан баар оҥорор, кыраттан да элбэҕи айан таһаарар, эргэни саҥа тыынныыр сатабыллаах хаһаайкалар, көмүс тарбахтаах иистэнньэҥнэр...
Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...