27.06.2024 | 12:00

«Харыстабыллаах производство» — бары өттүнэн көдьүүстээх бырайыак

«Харыстабыллаах производство» —  бары өттүнэн  көдьүүстээх бырайыак
Ааптар: Лия АЛЕКСЕЕВА
Бөлөххө киир

Дьокуускай куорат нэһилиэнньэтин социальнай көмүскэлгэ уонна үлэҕэ управлениета “Харыстабыллаах производство” (“Бережливое производство”) бырайыак бириинсиптэрин олоххо киллэрэр үлэни ыытар.

Аныгы тэтимнээх үйэҕэ үгүс тэрилтэлэр үлэлэригэр сонун сүүрээннэри киллэрэн истэхтэринэ эрэ кэми кытта тэҥҥэ хардыылыыр кыахтаахтар. Сыалы-соругу кэмигэр ситиһэргэ, уустук садаачалары толорорго хайаан да бырайыактыыр үлэ барыахтаах. “Харыстабыллаах производство” бириинсиптэрин барыйыактыыр үлэҕэ туһаныы үтүө эрэ түмүктэргэ тиэрдэр диэн Дьокуускай куорат нэһилиэнньэтин социальнай көмүскэлгэ уонна үлэҕэ управлениетыгар кэпсииллэр.

2020 сыллаахха СӨ Бырабыыталыстыбата “Росатом” атомнай энергия судаарыстыбаннай корпорациятын кытта сөбүлэҥ түһэрсибитэ.  СӨ Ил Дарханын дьаһалынан “Эффективный регион” бырайыагы олоххо киллэрэр оробуочай бөлөх тэриллибитэ. Бырайыак салайааччыта – Саха Өрөспүүбүлүкэтин Ил Дархана Айсен Николаев.

 

Ол туһунан  социальнай көмүскэлгэ уонна үлэҕэ управление методическай салаатын начаалынньыга Дария Пермякова кэпсээтэ:

– “Эффективный регион” бырайыак эһиги управлениеҕытыгар хайдах үлэлиирий?

– Бу бырайыак чэрчитинэн “Харыстабыллаах производство” бириинсиптэрин киллэриигэ үлэлиибит. “Росатом” уонна Арассыыйа үгүс субъектара кыттыһан олоххо киллэрэр бырайыактара. Олох ханнык баҕарар эйгэтигэр киириэхтээх диэн этиллэр. Оҥорон таһаарыы, өҥөнү оҥоруу уо.д.а. хаачыстыбатын үрдэтэр сыаллаах.

 

– “Харыстабыллаах производство” диэн тугуй уонна хайдах туттулларый?

– Харыстабыллаах производство – ханнык баҕарар үлэни сүтэриитэ, буортута суох салайан ыытыы. Оҥорон таһаарыыттан саҕалаан, доруобуйа харыстабылын эйгэтигэр кытта туттуллуон сөп. Тэрилтэлэр үлэлэрин тупсарар, тэтимирдэр, өҥөнү туһанааччыларга табыгастаах усулуобуйаны олохтуур кыахтаах бырайыак.

“Эффективный регион” бырайыагы олоххо киллэрии чэрчитинэн биһиги “Регионнааҕы ийэ хапытаалын биэриини”, “Социальнай көмүскэл уонна үлэ управлениета уонна МФЦ бэйэ икки ардыгар үлэлэрин тупсарыыны” бырайыактаан тэрийдибит.

Ол курдук, урут ийэ хапытаалын туһунан ыспыраапканы биһиэхэ кэлэн ылар эбит буоллахтарына, билигин дьон судаарыстыбаннай өҥөлөр порталларын нөҥүө ылар, ыспыраапка тус кабинетыгар тиийэн кэлэр. Оттон МФЦ-ны кытта үлэҕэ кумааҕыттан электроннай барыйааҥҥа көстүбүт.

Бу бырайыактар өрөспүүбүлүкэҕэ барытыгар тарҕатылыннылар, ол аата өҥөнү оҥоруу кэмин аччаттылар, дьоҥҥо төһө эмэ табыгастаах буоллулар.

 

– “Харыстабыллаах производство” бириинсиптэригэр үлэһиттэргит анал үөрэҕи ааһаллар эбит...

–  “Эффективный регион” бырайыак бырайыактыыр офиһынан “СӨ Ил Дарханын иитинэн үлэлиир Инновационнай менеджмент үрдүкү оскуолата” (ВШИМ) анаммыта. Биһиги управлениебыт үлэһиттэрэ “Фабрика процессов” үөрэтэр балаһааккаҕа үөрэнэллэр. Маны таһынан бэйэбит испитигэр семинардары ыытабыт, харыстабыллаах технологиялар кииннэриттэн экспертэри ыҥыран кэпсэтэбит.  Билиҥҥи туругунан “Харыстабыллаах производство” үөрэҕин 30 үлэһиппит ааста, ол иһигэр салайааччыларбыт кытта үөрэннилэр.

 

Бырайыактары оҥоруу туһунан кэпсээ.

– Бастаан тиэмэбитин талабыт, онтон процесстар каарталара диэн оҥоһуллар (билиҥҥи, туох сыаллаахпыт уонна идеальнай көстүүтэ), онтон сүрүн кыһалҕалары бэлиэтиибит, салгыы бу кыһалҕалары быһаарар суоллары тобулабыт. Бырайыак хас түһүмэҕин аайы ВШИМ кураторын кытта Обея диэн сиргэ көрсөбүт. Обея – бырайыак туһунан информация түмүллэр сирэ, оробуочай бөлөх мунньахтара буолаллар. Обея көмөтүнэн бырайыактарбыт сыалларын харахпытыгар оҥорон көрөбүт, итэҕэстэри кэмигэр көрөн туоратабыт.

 

– Билигин туохха бэлэмнэнэ сылдьаҕыт?

– Билигин "Оптимизация процесса предоставления малогабаритных дополнительных технических средств реабилитации для маломобильных граждан" уонна "Оптимизация процесса предоставления крупногабаритных дополнительных технических средств реабилитации для граждан с инвалидностью" диэн бырайыактарга үлэлиибит. Ол аата доруобуйаларынан хааччахтаах дьоҥҥо өҥөнү оҥоруу тиийимтиэ уонна судургу буолара күүтүллэр.

Маны таһынан салайааччылар бырайыактара  бэлэмнэнэ сылдьар, кэлэктиип иһигэр психологическай туругу, идэҕэ эстиини (профессиональное выгорание) аһарынарга уонна үлэ усулуобуйатын тупсарарга аналлаах буолуоҕа.

Инньэ гынан “Харыстабыллаах производство” бириинсиптэрин олоххо киллэрии тэрилтэлэр үлэлэрин бары өттүнэн тупсарар уонна өҥөнү оҥорууну саҥа таһымҥа таһаарар кыахтаах.

 

Дьокуускай куораттааҕы Социальнай көмүскэл уонна үлэ управлениетын методическай салаата

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Мария Мигалкина:   «Кэлии сиэмэлэринэн үлүһүйүмэҥ»
Дьон | 19.07.2024 | 10:00
Мария Мигалкина: «Кэлии сиэмэлэринэн үлүһүйүмэҥ»
Мин бүгүн ааҕааччыларбар, ордук хаһаайкаларга, 35 сыл үлэлээбит уопуттаах агроном, билигин биэнсийэлээх, дойдутугар сайылыы сылдьар Мария Семеновна Мигалкинаны кытта тэлгэһэтигэр тиийэн, үүнээйитин, сибэккитин көрө-көрө, дуоһуйа, астына кэпсэттим.   Сибэккигэ уоҕурдууну хото туттабын Бастатан туран ааҕааччыларга циния диэн сибэкки туһунан кэпсиэҕим. Урут биһиги “Циния обыкновенная” диэни олордор этибит, билигин “Циния кустовая” диэн...
Дьулустаан Ноговицын: ДЬУЛУС! ТУЛУС! КЫАЙ!
Дьон | 11.07.2024 | 10:00
Дьулустаан Ноговицын: ДЬУЛУС! ТУЛУС! КЫАЙ!
«Киин куорат» хаһыат бүгүҥҥү ыалдьыта – Туймаада туонатын Үрүҥ Тунах ыһыаҕын «Дыгын оонньуулара» күөн-күрэһин Таас Боотура, быйылгы күрэх муҥутуур кыайыылааҕа Дьулустаан Ноговицын.   Дьулустаан Ноговицын: – Дьокуускай куорат 1№-дээх баһаарынай чааһын байыаһа, төрөппүттэригэр соҕотох уол, эдьиийигэр быраат, тапталлаах кэргэн, үс оҕо амарах аҕата; – Мас тардыһыытыгар Саха Өрөспүүбүлүкэтин, Арассыыйа уонна аан...
Изабелла Попова: Сүрэхпэр сөҥөрбүт дьүөгэлэрим
Дьон | 19.07.2024 | 12:00
Изабелла Попова: Сүрэхпэр сөҥөрбүт дьүөгэлэрим
Арассыыйа үөрэҕириитин туйгуна, Саха сирин үөрэҕириитин бочуоттаах үлэһитэ, хас да кинигэ ааптара Изабелла Ильинична Попова бүгүн өрөгөйдөөх үбүлүөйүн көрсө өссө биир кинигэтин сүрэхтиир. Дьэ, кырдьык, сүрэхтиир... Сүрэҕин сылааһын иҥэрбит кинигэтин!   Ахтар-саныыр дьүөгэлэрим, Аламаҕай сэгэрдэрим, Саһарҕалаах сарсыардабын Сандаарытар куоларым!   Сүр... Сүрэх, сүрдээх, сүрэхтиир... Сахабыт тыла барахсан тугун бэрдэй! Биир тылтан силистэнэн-мутуктанан...