«Харысхал» аһымал пуондата саҥа дьыллааҕы бэлэхтэри түҥэтэр

«Харысхал» аһымал пуондатын Саҥа дьыл иннинээҕи үтүө үгэһэ – пуонда эппиэкэтигэр сылдьааччыларга бэлэхтэри туттарыы. Ол туһунан аһымал пуондатын пресс-сулууспата иһитиннэрдэ. 
Пуондаҕа тыһыынчанан бэлэхтэр киирбиттэрин билиҥҥи кэмҥэ дааннайдар баазаларыгар баар оҕолорго туттартыы сылдьаллар.  
Куоракка пропискалаах оҕолор бэлэхтэрин пуондаттан кэлэн ылаллар, аадырыһа: Дьокуускай куорат, Курашов уул., 24, 403 офис, 12:00 чаастан 17:00 чааска диэри. Бэлэхтэри 2021 сыл ахсынньы 27 күнүгэр диэри биэрэллэр. 
Бэлэх ыларга оҕо инбэлиитин туһунан туоһу сурук илдьэ кэлэллэр. Булгуччулаах усулуобуйа – оҕо «Харысхал» аһымал пуондатын дааннайдарын баазатыгар баар буолуохтаах. 
Улуустарга бэлэхтэри социальнай харалта Управлениетыгар, оройуон дьаһалтатыгар уонна аһымал пуондатын бэрэстэбиитэллэриттэн, бааза дааннайдарынан көрөн ылыахха сөп. 
Бэлэхтэр тустарынан информацияны пуонда колл-кииниттэн билсиэххэ сөп: 8 (914)-2-705-887
Саҥа дьыллааҕы бэлэхтэри туттарыы «Харысхал» аһымал пуондатын «Саҥа дьыллааҕы остуоруйа» бырайыагын чэрчитинэн ыытыллар.