25.03.2020 | 16:40

«ХАРАХ УУЛААХ УЛУУ КЫАЙЫЫ”

«ХАРАХ УУЛААХ УЛУУ КЫАЙЫЫ”
Ааптар: Киин Куорат
Бөлөххө киир

Биһиги күрэхпитигэр Үөһээ Бүлүү 2 №- дээх орто оскуолатын VII “Б” кылааһын үөрэнэччитэ Диана Аргунова кыттар.

Сибэкки дьөбөтүн уурабын

Ыраах сиртэн айаннаан,

Кэлиэм, туруом төҥкөйөн

Туймаадабыт биэрэгэр,

Буолуоссаппыт киинигэр.

Ууруом оргууй, сэрэнэн,

Сибэккибит дьөрбөтүн,

Тиэрдиэм махтал санаабын,

Өрөгөйдөөх Кыайыынан!

Өстөөхтөрдүүн киирсэҥҥин,

Өлүү суолун саппыккар,

Албан ааты сүкпүккэр,

Эйэ кэмин иҥпиккэр.

Умнуом суоҕа мэлдьитин

Хайдах дьолбут кэлбитин,

Оҕолорбор кэпсиэҕим,

Уоттаах сэрии ыар кэмин.

Эһиэхэ, бэтэрээннэр

Эдэр сааһы билбэтэх

Эр бэртэр, хоһууннар,

Эйэ-дьол иһин охсуспут

Эдэр буойун саллааттар.

Барбыттара сэриигэ,

Биһигини көмүскүү,

Билбиттэрэ кинилэр

Бу сиргэ баар иэдээни.

Туохтан да толлубакка,

Турбатахтара куттанан.

Тыын тыыҥҥа киирсэннэр,

Турууласпыттара эйэни.

Албан аат буоллун эһиэхэ,

Аан ийэ дойдуну көмүскээбиттэргэ.

Андаҕайабыт биһиги,

Ааккыт үйэлэргэ ааттаныа.

Сэрии сылын оҕолоро

Ханна бааргытый эһиги,

Дьоллоох оҕо сааһы билбэтэх,

Улахан дьону солбуйбут,

Үлэ үөһүгэр улааппыт,

Улуу Кыайыы туһугар,

Умса-төннө киирсибит,

Аччыктаабыт, сутаабыт,

Көһөрүүгэ сылдьыбыт,

Тоҥон-хатан сордоммут,

Эрэйи-муҥу да тэлбит,

Өлүү суолун өҥөйбүт

Сэрии сылын оҕолоро?!

Кэтэһэн түннүккэ турдаҕыҥ

Кэтэһэн түннүккэ турдаҕыҥ,

Аартыгы одуулаан эрдэҕиҥ,

Сэмээрдик хараҕыҥ уулара

Иэдэскэр мөлбөйө сүүрдэҕэ.

Санааҕар долгуйа күүтэргин,

Ийэкээм, сүрэҕим сэрэйэр,

Хайаан да эргиллиэм, ахтаммын,

Ханнык да харгыһы хардыылаан.

Билбэппин ол хаһан буолуоҕун,

Хайа дьыл кэмигэр туолуоҕун,

Билэбин мин суолум эргийэн,

Хайаан да өтөхпөр тиэрдиэҕин.

Баранан бүтүөҕэ барар сир,

Эргиллэр дьоро күн үүнүөҕэ,

Арҕаанҥы аартыгы кэстэрэн,

Алааспар тиийиэҕим сиэллэрэн

Кэтэһэн түннүккэ турдаҕыҥ,

Аартыгы одуулаан эрдэҕиҥ,

Тиэргэҥҥэр аллаах ат тохтуурун

Санааҕар иһиллээн эрдэҕиҥ.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.