01.05.2024 | 08:38

Харах балыыһатыгар стационар арылынна

Харах балыыһатыгар стационар арылынна
Ааптар: Киин Куорат
Бөлөххө киир

Дьокуускайдааҕы Харах балыыһатыгар 40 миэстэлээх сытар балыыһаны арыйыыга Ил Дархан Айсен Николаев «Газель» массыына базатыгар таҥыллыбыт «Офтальмология» көһө сылдьар медкомплекс күлүүһүн туттарда уонна маннык комплекстар улуустарга, куорат таһынааҕы нэһилиэктэргэ диспансеризацияны ыытыыга, ыарыыны сэрэтиигэ олус тоҕоостоохторун бэлиэтээтэ.
Кылаабынай быраас Иван Луцкан иһитиннэрбитинэн, нэһилиэнньэҕэ оҥоһуллар өҥө хаачыстыбатын тупсарарга Харах балыыһата хас даҕаны судаарыстыбаннай бырагыраамаҕа, ол иһигэр дойду баһылыга Владимир Путин көҕүлээһининэн олоххо киирэр «Доруобуйа харыстабыла» нацбырайыакка кыттар. Оттон чуолаан саҥа стационар СӨ дойдуга бастакынын ылыллыбыт «Нэһилиэнньэҕэ офтальмологическай көмөнү оҥоруу» үс сыллаах бырагырааматынан олоххо киирбитин тоһоҕолоото. 
«Номнуо сэттис сылбын Москваҕа тиийэ араас балыыһаларга харахпын эмтэтэбин уонна биһиги балыыһабыт базата ордук диэн этиэхпин баҕарабын. Антах балыыһалара эргэ, палаатаҕа 20-лии киһи сытар буоллаҕына, биһиэхэ иккилии буолан сытабыт, онтубутун күҥҥэ уончата сууйаллар-сотоллор, аһылыкпыт даҕаны ордук. Ордук чорботон орто сүһүөх медперсоналы хайҕыахпын баҕарабын, быраастарбыт, хирурдарбыт олус болҕомтолоохтор»,– диэн санаатын үллэстэр эмтэнээччи Роман Дмитриев.


40 куойкалаах катарактальнай уонна рефракционнай хирургия саҥа стационара Ил Дархан Айсен Николаев үрдүк технологиялаах медицинскэй көмө хайысхаларын кэҥэтэр туһунан ыйааҕын олоххо киллэрии чэрчитинэн, катаракталаах ыарыһахтар үрдүттэн сытан эрэн эпэрээссийэлэнэлэригэр усулуобуйа тэрийэр сыалтан арылынна. Стационар балыыһа сүрүн куорпуһун кытта сылаас көрүдүөрүнэн силбэһэр, хас биирдии палатаҕа санузел, холодильник, телевизор уонна үлэһиттэри ыҥырар кнопка бааллар. Маны сэргэ халымыр ыарыылаахтарга поликлиника күнүскү стационара үлэлиэҕэ.


Оттон «Биир ньыгыл Арассыыйа» партия бырайыагынан ылыллыбыт харах ыарыыларын чинчийэргэ, ачыкы таларга, амбулаторнай уонна лазернай эпэрээссийэлэри оҥорорго ананар «Газель» массыына базатыгар таҥыллыбыт көһө сылдьар «Офтальмология» комплекс анал графигынан өрөспүүбүлүкэ киин улуустарынан сылдьан үлэлиэҕэ.
Бэлиэтээн эттэххэ, КАМАЗ массыына базатыгар таҥыллыбыт бастакы маннык комплекс Арктика улуустарыгар уонна Магадан уобалаһыгар үлэлээн, көдьүүстээҕин көрдөрбүтэ, диэн иһитиннэрэр Ил Дархан уонна Бырабыыталыстыба пресс-сулууспата. Андрей Сорокин, СИА, хаартыскаҕа түһэриилэрэ.

Сонуннар

Ордук ааҕаллар

«Уот Дьулустаан» салгыыта уһуллуо дуо?
Сонуннар | 08.03.2025 | 12:00
«Уот Дьулустаан» салгыыта уһуллуо дуо?
Үгүс көрөөччүлэр киэһэ аайы кэтэспит, ыйы быһа көрбүт сериаллара аһаҕас сөллүүлээх түмүктэммитин астымматылар. Таптал эмтиир күүһүгэр эрэммит дьон: “Ырыачай Уйбаанчыга кэлбэтэ”, – диэн хомолтолоох хааллылар. Сорохтор: “Салгыытын устар буоллахтара дуу?” – диэн мунаардылар. Бүгүҥҥү нүөмэрбитигэр ити бүтэһик ыйытыыга хоруйу буллубут.     Ааспыт нэдиэлэҕэ СӨ Национальнай бибилэтиэкэтигэр “Уот Дьулустаан” сериал тула кэпсэтии...
Тапталы көрсөр хаһан да хойут буолбатах...
Тускар туһан | 06.03.2025 | 18:00
Тапталы көрсөр хаһан да хойут буолбатах...
Билигин биэс уонун ааспыт дьахтары киһи кырдьыбыт, буорайбыт диэн көрбөт. Сорохтор этэллэринэн, бу – көмүс саас, олоҕуҥ дьэ саҕаланар, бэйэҥ тускар олороруҥ кэлэр. Оннук эрэ буоллун! Бүгүн  ааҕааччыларбытыгар, кэрэ аҥаардарга уйулҕа үөрэхтээхтэрэ 50 саас кэннэ тапталы көрсүөххэ сөбүн, онуоха наадалаах сүбэлэрин бэчээттиибит.   Таптал киһини соһуччу ханна эрэ буолбакка, соһуччу кэмҥэ...
Кулун тутар 5 күнэ - Саха таҥаһын күнэ
Сонуннар | 06.03.2025 | 10:35
Кулун тутар 5 күнэ - Саха таҥаһын күнэ
Бу кyн быйыл эмиэ үгэс курдук араас улуустартан үгүс дьон түмүстэ. Иистэнньэҥнэр бары сатабылларынан тигиллибит, араас дьэрэкээн киэргэллээх, истээх кыһыҥҥы соннорун кэтэн, Орджоникидзе болуоссатыттан Ленин болуоссатыгар диэри сэлэлии хаамыыга көхтөөхтүк кытыннылар. Өрөспүүбүлүкэ араас муннуктарыттан биһиги "үрүҥ көмүс" волонтердарбыт эмиэ көхтөөх кыттыыны ылан, сүргэбит көтөҕүлүннэ. Бүгүҥҥү тэрээһин сүрдээх элбэх кэрэ түгэннэрдээх,...
РИА көһө сылдьар офиһын үлэтэ тохтоото
Сонуннар | 05.03.2025 | 10:14
РИА көһө сылдьар офиһын үлэтэ тохтоото
Кулун тутар 4 күнүгэр Өрөспүүбүлүкэтээҕи ипотека агентствота (РИА) көһө сылдьар офиһа 2, 4 уонна 17 кыбаарталлар хаарбах туруктаах дьиэлэриттэн көһөрүүгэ бүтэһик консультациятын оҥорбута. Ол төрүөтүнэн офис үлэлиир Пионерскай уул., 38/1 дьиэтэ көтүрүллэринэн босхолонуохтааҕа буолбута. Көһө сылдьар офис көмөтүнэн сүүһүнэн консультация, биирдиилээн дьон кыһалҕатын быһаарыы, харчынан компенсацияны ыларга сүбэ оҥоһулунна. Маннык...