Хапытаалынай өрөмүөн тарыыба үрдүүр

Өрөспүүбүлүкэтээҕи Хапытаалынай өрөмүөн пуондата иһитиннэрбитинэн, тарыып ортотунан 5% үрдүүр.

Гражданнар олорор элбэх кыбартыыралаах дьиэлэригэр:

Мас дьиэлэргэ – кв.м. ыйга 7,46 солкуобай;

Таас дьиэлэргэ (лифт суох буоллаҕына) – кв.м. ыйга 10,50 солкуобай;

Лифтаах таас дьиэлэргэ – кв.м. ыйга 13,95 солкуобай.

Гражданнар олороллоругар анамматах дьиэлэр:

Мас дьиэлэргэ – кв.м. ыйга 20,48 солкуобай;

Таас дьиэлэргэ (лифт суох буоллаҕына) – кв.м. ыйга 21,00 солкуобай;

Лифтаах таас дьиэлэргэ – кв.м. ыйга 23,65 солкуобай.

Саха сиригэр ОДьКХ төлөбүрүгэр судаарыстыбаннай өйөбүл миэрэлэрэ үлэлииллэр, ол иһигэр хапытаалынай өрөмүөҥҥэ. 70-тан үөһэ саастаах соҕотох олорор биэнсийэлээхтэр хапытаалынай өрөмүөн кээмэйиттэн 50% уонна 100% компенсацияны төннөрүөхтэрин сөп.

2020 сылтан Саха сиригэр олорор Аҕа дойду Улуу сэриитин кыттыылаахтара хапытаалынай өрөмүөн төлөбүрүттэн босхоломмуттара.