Ханнык уулуссаларга «дьаама өрөмүөнэ» ыытылларый?

Бэс ыйын 15 күнүгэр диэри куорат 8 уокуругар барытыгар (куорат таһынааҕы нэһилиэктэр киирбэттэр) уулусса-суол ситимигэр «дьаама өрөмүөнэ» дэнэр абырахтааһын үлэтэ ыытылла турар – Автодорожнай, Гагаринскай, Губинскай, Октябрьскай, Промышленнай, Сайсары, Строительнай, Киин.
Эрдэ иһитиннэрбиппит курдук, абырахтааһын итии симиэһи кутуу ньыматынан оҥоһуллар.
Олохтоох дьаһалта Куораты тутууга уонна тырааныспар инфраструктуратыгар департаменын Тырааныспар уонна суол хаһаайыстыбатыгар управлениетын начаалынньыга Василий Амбросов иһитиннэрбитинэн, Оонньууларга диэри уопсайа 20 тыһ. кв/м иэннээх суолу абырахтыыр сорук турар. «Маннык хабааннаах үлэни урукку сылларга сезон устата былаанныыр буоллахпытына, быйыл, «Азия оҕолоругар» бэлэмнэнии чэрчитинэн, балтараа ый иһигэр түмүктүөхтээхпит»,– диэн турар Василий Амбросов. 

Ханнык уулуссаларга «дьаама өрөмүөнэ» ыытылларый?

– Орджоникидзе;
– Ойуунускай;
– Ярославскай;
– Бестужев-Марлинскай;
– Каландрашвили;
– Курашов;
– Петровскай;
– Быковскай;
– Гагарин;
– Халтурин;
– Дежнев;
– Боотуруускай;
– Можайскай («Стерх»);
– Павлик Морозов;
– Стадухин;
– Ново-карьернай;
– Ксенофонт Уткин;
– Горькай;
– Михаил Николаев;
– Богатырев;
– Хабаров;
– Богдан Чижик;
– Строителлэр;
– Кальвица;
– Сэбиэскэй Аармыйа 50 сыла уулусса;
– Жорницкай;
– Сэмэн Данилов;
– Билибин;
– Октябрьскай;
– Короленко;
– Тургенев;
– Кулаковскай;
– Белинскэй;
– Лермонтов;
– Өктөөп 50 сыла;
– Дзержинскэй;
– Циолковскай;
– Можайскай;
– Севастопольскай;
– Киров;
– Аммосов;
– Ломоносов;
– Федор Попов;
– Петр Алексеев.

Маны сэргэ былааҥҥа «Cосновый бор» лааҕырга, 3№-дээх, 2№-дээх Оҕо спордун оскуолаларыгар киирэр суоллар, «Модун» СК иннинээҕи массыына туруорар сир, 6№-дээх Оҕо спордун оскуолатыгар киирэр суол уонна массыына туруорар балаһаакка, Эргэ Прокровскай трага, Бүлүүлүүр, Покровскайдыыр суоллар, Сэргэлээх, Хатыҥ Үрэх шосселара, Хомсомуол болуоссатын уонна Лермонтов уулуссатын икки ардыларынааҕы кэрчик, Новообъездной шоссе киирэн тураллар.
Өрөмүөннэнэр уулуссалар испииһэктэрин баһылык Евгений Григорьев бэйэтин телеграм-ханаалыгар https://t.me/EvgenyGrigorev/1668 таһаарбыт.