11.07.2024 | 16:02

Халаан уутуттан эмсэҕэлээбиттэргэ 275 мөл. солк. кэриҥэ кээмэйдээх көмө оҥоһулунна

Халаан уутуттан эмсэҕэлээбиттэргэ 275 мөл. солк. кэриҥэ кээмэйдээх көмө оҥоһулунна
Ааптар: Киин Куорат
Бөлөххө киир

От ыйын 9 күнүгэр Арассыыйа ЫБММ баһылыга Александр Куренков салалтатынан ыытыллыбыт бырабыыталыстыба хамыыһыйатын мунньаҕар Ил Дархан Айсен Николаев сааскы халаан хоромньутун оһорууга ыытыллар үлэ хаамыытын билиһиннэрдэ.

 

Саха сиригэр сааскы халаан уутуттан 4 056 киһи эмсэҕэлээтэ. Эмсэҕэлээбит дьоҥҥо икки суол көмө оҥоһуллар – биир кэмнээх харчынан көмө уонна дьиэтэ-уот суох хаалыынан үбүнэн көмө. Санатар буоллахха, ыксаллаах быһыы-майгы содулугар эмсэҕэлээбиттэргэ оҥоһуллар төлөбүр кээмэйэ Айсен Николаев дьаһалынан улаатыннарыллан турар. Ол түмүгэр бүгүҥҥү күҥҥэ 6 тыһыынчаттан тахса киһиэхэ уопсайа 275 мөл. солк. кээмэйдээх көмө оҥоһулунна.

«Бэс ыйын 18 күнүгэр халаантан эмсэҕэлээбит улуустар олохтоохторуттан сайабылыанньалары ылыы түмүктэннэ. Госуслуги портал нөҥүө уопсайа 9 525 сайабылыанньа киирбит, ол иһигэр 4 960 – биир кэмнээх харчынан көмөҕө, 4565 – дьиэтэ суох хаалыыга харчынан көмө. Мантан 7 130 сайабылыанньа сөптөөҕүнэн ааҕылынна, аккаастаммыт сайабылыанньалар прописка бигэргэтиллибэтэҕин уонна баайы-дуолу сүтэрии түбэлтэтэ олоҕо суоҕун кытта ситимнээхтэр. Бастакы 6 133 сайабылыанньанан 275 мөл. солк. кээмэйдээх төлөбүр оҥоһулунна», – диэтэ Ил Дархан.

 

Маны сэргэ өрөспүүбүлүкэ бүддьүөтүттэн 110 кыаммат ыалга көмө оҥоһуллубут. Ил Дархан бэлиэтээбитинэн, халаан уутуттан эмсэҕэлээбит нэһилиэктэртэн 426 оҕо сайыҥҥы сынньалаҥынан хааччыллыбыт, ол иһигэр 150 оҕо өрөспүүбүлүкэ тас өттүгэр сынньаммыт.

 

Халаан уутуттан эмсэҕэлээбит нэһилиэнньэлээх пууннар олохтоохторун 2023 сыллааҕы тырааныспар нолуогуттан босхолооһун боппуруоһа көрүллэр. 

 

Айсен Николаев бэлиэтээбитинэн, сааскы халаантан өрөспүүбүлүкэ уопсайа 2,2 млрд солк. кээмэйдээх хоромньуну ылбыт. Ороскуот улахан аҥаара федеральнай суолталаах ыксаллаах быһыы-майгы биллэриллибитин суотугар дойду хааһынатыттан оһоруллуоҕа. Бу сууматтан 900 мөл. солк. олорор дьиэ компенсациятыгар ананар.

«Хас биирдии нэһилиэнньэлээх пууҥҥа анал хамыыһыйа үлэлээтэ. Халаан уутуттан эмсэҕэлээбит дьиэлэр испииһэктэрэ Росреестры, ЫБММ уонна ИДьМ кылаабынай управлениеларын кытта чуолкайданна. Тутуу министиэристибэтигэр эмсэҕэлээбит дьиэлэр иэннэрин ыйар докумуон түһэрилиннэ, хоромньу кээмэйэ 903 мөл. солк. тэҥнэһэр», – диэтэ кини.

 

Тыа хаһаайыстыбатын, үөрэхтээһин, доруобуйа харыстабылын, хомунаалынай хаһаайыстыба эбийиэктэригэр тахсыбыт хоромньу чопчуламмыт суумата федеральнай уорганнарга ыытыллыбыт. Суол-иис хаһаайыстыбата ылбыт хоромньутун Росавтодор Анаабыр улууһугар ааҕан бүттэҕинэ, тырааныспар министиэристибэтигэр ыытыллар.

Санатар буоллахха, быйыл сааскы халаантан Нам, Өлүөхүмэ, Ньурба, Анаабыр улуустарыгар холбоон 27 нэһилиэнньэлээх пуун эмсэҕэлээтэ.

Айсен Николаев сорудаҕынан ыытыллыбыт индексация кэнниттэн ыксаллаах быһыыттан-майгыттан эмсэҕэлээччилэргэ биир киһиэхэ көрүллэр биир кэмнээх төлөбүр кээмэйэ 5 тыһ. солкуобайтан 10 тыһ. солкуобайга диэри улааппыта, баайы-дуолу сүтэриигэ үбүнэн көмө кээмэйэ – 10 тыһ. солкуобайтан 100 тыһ. солкуобайга диэри (халымыр хоромньуга – 50 тыһ. солк., толору хоромньуга – 100 тыһ. солк.). Ол туһунан Ил Дархан уонна Бырабыыталыстыба пресс-сулууспата иһитиннэрэр. Хаартыска: Андрей Сорокин, СИА

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Мария Мигалкина:   «Кэлии сиэмэлэринэн үлүһүйүмэҥ»
Дьон | 19.07.2024 | 10:00
Мария Мигалкина: «Кэлии сиэмэлэринэн үлүһүйүмэҥ»
Мин бүгүн ааҕааччыларбар, ордук хаһаайкаларга, 35 сыл үлэлээбит уопуттаах агроном, билигин биэнсийэлээх, дойдутугар сайылыы сылдьар Мария Семеновна Мигалкинаны кытта тэлгэһэтигэр тиийэн, үүнээйитин, сибэккитин көрө-көрө, дуоһуйа, астына кэпсэттим.   Сибэккигэ уоҕурдууну хото туттабын Бастатан туран ааҕааччыларга циния диэн сибэкки туһунан кэпсиэҕим. Урут биһиги “Циния обыкновенная” диэни олордор этибит, билигин “Циния кустовая” диэн...
Дьулустаан Ноговицын: ДЬУЛУС! ТУЛУС! КЫАЙ!
Дьон | 11.07.2024 | 10:00
Дьулустаан Ноговицын: ДЬУЛУС! ТУЛУС! КЫАЙ!
«Киин куорат» хаһыат бүгүҥҥү ыалдьыта – Туймаада туонатын Үрүҥ Тунах ыһыаҕын «Дыгын оонньуулара» күөн-күрэһин Таас Боотура, быйылгы күрэх муҥутуур кыайыылааҕа Дьулустаан Ноговицын.   Дьулустаан Ноговицын: – Дьокуускай куорат 1№-дээх баһаарынай чааһын байыаһа, төрөппүттэригэр соҕотох уол, эдьиийигэр быраат, тапталлаах кэргэн, үс оҕо амарах аҕата; – Мас тардыһыытыгар Саха Өрөспүүбүлүкэтин, Арассыыйа уонна аан...
Изабелла Попова: Сүрэхпэр сөҥөрбүт дьүөгэлэрим
Дьон | 19.07.2024 | 12:00
Изабелла Попова: Сүрэхпэр сөҥөрбүт дьүөгэлэрим
Арассыыйа үөрэҕириитин туйгуна, Саха сирин үөрэҕириитин бочуоттаах үлэһитэ, хас да кинигэ ааптара Изабелла Ильинична Попова бүгүн өрөгөйдөөх үбүлүөйүн көрсө өссө биир кинигэтин сүрэхтиир. Дьэ, кырдьык, сүрэхтиир... Сүрэҕин сылааһын иҥэрбит кинигэтин!   Ахтар-саныыр дьүөгэлэрим, Аламаҕай сэгэрдэрим, Саһарҕалаах сарсыардабын Сандаарытар куоларым!   Сүр... Сүрэх, сүрдээх, сүрэхтиир... Сахабыт тыла барахсан тугун бэрдэй! Биир тылтан силистэнэн-мутуктанан...