Хаары полигоҥҥа анаалыстаах босхо туталлар

Тэрилтэлэр (УК уонна ТСЖ) уонна физическэй сирэйдэр Сэбиэскэй Аармыйа  50 сыла уулуссаҕа баар куораттааҕы полигоҥҥа тиэйэллэригэр хаар химическэй анаалыһын түмүгүн көрдөрүөхтээхтэр.

Хаар химическэй анаалыһа анал лабораторияларга оҥоһуллар. Бүгүҥҥү күҥҥэ Дьокуускайга итинник анаалыһы маннык лабораторияларга оҥотторуохха сөп:

1. Өрөспүүбүлүкэтээҕи экологическэй кэтээн көрүү информационнай-аналитическай киинэ, аадырыһа: 202-с дьоҕус оройуон, 18/2, 2 этээс (201-с кэбиниэт). Төлөпүөн: +7 (4112) 43‒62‒77, +7 (4112) 43‒65‒12;

2. Лабораторнай анаалыс уонна техническэй кээмэйдээһин киинэ, аадырыһа: Ленин пр., 35, 1 этээс (офис). Төлөпүөн: +7 (4112) 21‒96‒01;

3. Лабораторнай анаалыс уонна техническэй кээмэйдээһин киинэ, аадырыһа: Ойуунускай уул., 6г, 2 этээс. Төлөпүөн: +7 (4112) 36‒60‒88.

Элбэх кыбартыыралаах дьиэ уонна чааһынай сектор тиэргэннэриттэн кэмигэр хомуллубатах хаар халаан уутун үөскэтэр.

Хаары мээнэ быраҕыы тиэхиньикэҕэ, дьоҥҥо мэһэйи оҥорор. Итини таһынан хаары оҕо, спорт балаһааккаларын территориятыгар мунньар көҥүллэммэт. Манна даҕатан эттэххэ, тиэргэн хаарын уулуссаҕа таһааран мунньуу иһин СӨ Кодексатын 6.25 ыстатыйатынан административнай эппиэтинэс баар.  Административнай ыстараап суумата: гражданнарга – 1000 - 3000 солкуобай, дуоһунастаах сирэйдэргэ – 10 000 - 30 000 солкуобай, юридическэй сирэйдэр – 50 000 - 500 000 солкуобай.